حلول خرابات قير الكابريس ؟؟؟

و الله على كلامكم تنصحون بالستة افضل من الثمانية

لاني ناوي على الكابرس ومحتار من هالنقطة بس شكلي برسي على الستة
ولا وش رأيكم ؟؟؟؟

طيب اخوي كيف عزم الكابرس معاك

ركبلك مبرد زيت القير

حوالي سعره 250 ريال بالدمام تلقاه عند محل الاداء العالي بشارع الملك سعود

وبعدين وشلك وللقومات سته سلندر وكابرس

ولا تسأل عن البرمجه ولا شي

خله شد بلد افضلك

ترى الكابرس اذا فتح كبوته ما يتسكر ابد

السلام عليكم مساء الخيرات
انا القير قهرني
موتري كابرس LTZ2007 V6
بعد ما مشى 138الف كيلو خبط وسويتله توضيب كامل بــ 5000ريال عند تلستار بالرياض هذا الكلام في شهر 11/1430
وعطوني ضمان 20000الف كيلو طبعاً قطعتهم في 5 اشهر لاني اسبوعياً اسافر 1200 كيلو رايح راجع لرياض ومشيي على الموتر طبيعي صحيح اسرع ولاكن بدون دعس او مقاومات المهم
ورجعت بعد العشرين غيرت زيت وفلترمع تشييك على القير بالكمبيوتر قالو تمام وطلعت منهم ومشيت10000الاف والحين القير يفضي معي مدري ليش ارجع القير لنمرت 1 ويشبك ثاني مره و اذا دعست وهو في D اسمع ظربه ويفضي والله قهرني
انا قلت اخذ موتر وكاله وارتاح من الخربات ولاكن كانت الصدمه قويه علي

ترى مبرد القير وظيفته انه يحافظ على القير من الحرارة اللي بدورها تصغر عمر الكلتشات حق القير
وانا اقول ركب مبرد قير واتوكل على الله

طيب مبرد القير قالو معك سته ماهو لازم .. طيب الكلتشاات مهمه للـ 6 سلندر ولا زي الـ 8 مو مهم
؟؟؟

لو تدبل الكلتشات يكون افضل بعد والله يعطيك خيره ويكفيك شره

في الثمانيه سلندر
اذا راعي مطارحات تجتاج اول كلتشات القير حقت كمارور وتحتاج مبرد قير خارجي وطير بالسياره ولاعليك خلاف

والله ماقد خربت معي سيارهـ .. وعندي جيب كيا وارمادا معذبهم بالتدعيس حتى الكيا كاان فاشل الحين اطلع مع الاوريون والكوابرس والجيب ما عليه الا فلتر وبرمجه بس والارمادا ماعليه شي .. واطلع على الكوابرس بس يروحون عني من 140 عشاان كذا ابي كابرس انا .. بس اصبرو شوي وتشوفون الـ ال اس طياارهـ

مثل ما قالوا لك الشباب

ال 6 سلندر ما عليه خوف ان شاء الله بس عاد انت لا تكثر من الدعس والمقاومات :bigggrin:
لانها تعدم السياره بكبرها مو بس القير ...

والله يهنيك بالكابرس حقك ...

اخوي لاتخاف دام انها 6 سلندر مامره سمعت احد اشتكى من قير حتى وهو راعي دعس .. بس الافضل لاتقاوم كثييير

.....

^^^^^^^^^^^^^^^^^^^^^^^^^^^
افادك الذيبان
رويال اسم على مسمى
بيض الله وجهك

^^^^^^^^^^^^

قير الكابرس نوعة m30 حق ثمانية السلندر والستة سلندر
قوة الكابرس الثمانية اس اس 345 حصان وال تي زد و ال اس 330 حصان
قوة كابرس ستة سلندر 240 حصان

يعني يتحمل بالرااااااااااااااااااااااااااااااااااااااحة

طيب عندي فلاتر رياضيه K.N اذا ركيتها على الكابرس ما تأثر على القير ولا عاادي

موترك 6 سلندر ما عليك خوف ان شاء الله

حقين ال 8 هم الي يطق عندهم

ياخوي سيارتك ستة سلندر مالها خوف من القير نهائي ان شاء الله
اهم شئ تغير فلتر و زيت القير كل 25 او 30 الف كيلو

الا تتكلم عنة الا سيارتهم ثمانية سلندر
تفحيط + قومات بكثرة = مايغيرون الفلتر وزيت القير

هذا من موديل 2000 الى 2006

اذا عشق على دي تنزل نزلة خفيفة
واذا عشقت على الريوس ترتفع

عشان الكفرات تفرش
وهدروليك حق القير
الله اعلم

القير و الله العالم انه حسب إستخدامك له

بس شباب ابي اسأل ليش الكابريس من ( 2004 إلى 2006 ) إذا عشق القير الموتر ينقز
تحس انه يرتفع ثم ينزل
أول مرة اشوف موتر كذا
احد يفسر لي هالسبب