روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


صفحة 1 من 2 1 2 الأخيرةالأخيرة
النتائج 1 إلى 8 من 12

الموضوع: مهم لكل من يملك يوكن أو تاهو دبل

  1. #1
    ..:: TAHOE//YUKON GRP. MEMBER ::.. الصورة الرمزية مخربها
    تاريخ التسجيل
    10-11-2005
    الدولة
    الرياض
    المشاركات
    923
    معدل تقييم المستوى
    78

    مهم لكل من يملك يوكن أو تاهو دبل



    السلام عليكم ورحمة الله وبركاته

    في البدايه
    احب اقول ان اصحاب السيارات اكيد عارفين الكلام اللي أبي أقوله
    ولكن الموضوع لما يقوم صاحب السياره يعطي سيارته أحد خصوصاً السواقين
    أو انت لما تاخذ سيارة واحد من اخوياك ويكون فيها دبل

    فيه نقطه مهمه جدا

    من عيوب تصميم اليوكن والتاهو انهم حطوا فرار الدبل جمب فرار النور ومشابه له تماماً



    فلما يجي يبي يشغل السياره يفر هالفرار يحسبه حق النور
    وطبعاً النور يشتغل اوتوماتيك مع السلف فماراح يدقق في الموضوع ويحسب انه هو اللي شغله ويعشقه في الـD ويمشي وهو أصلا شابك الدبل

    كثير من السيارات تأثرت من هالشي

    اللي خلاني أتكلم عن هالموضوع
    ان عندنا السواق عسى الله يحفظه ويخليه ذخر كان بيجيب العيد في موتر أبوي

    كلمني يقول السياره ثقيله وانا ماجا على بالي موضوع الدبل لأن بالعاده اليوكن اللي مع السواق بدون دبل واول مره يسوق هاليوكن
    المهم وقف السياره ويوم رحت اخذتها منه لقيت الحبيب شابك الدبل ويقول احسبه النور


    طبعاً مو هو الغلطان
    انا اللي غلطان المفترض أعلمه عن هالنقطه قبل اسلمه السياره لكن الحمد لله مرت سليمه

    ولما قلت السالفه لواحد من الشباب قالي ان التاهو حق عمه في الوكاله مدري الدفرس او القير جاه بلا من هالموضوع
    وواجد في الوكاله السيارات اللي انظرت من هالموضوع

    عموما مثل ماقلت الموضوع مو للمالك لأن المالك أكيد عارف هالنقطه
    بس لازم يبلغ الشخص اللي راح يعطيه موتره أو انت لما تاخذ موتر احد عشان ما تتوهق فيه او مع صاحب الموتر

    واعذروني على الاسلوب لاني كتبت الموضوع على عجاااله

    تحياتي



  2. #2
    عضو
    تاريخ التسجيل
    02-05-2006
    المشاركات
    81
    معدل تقييم المستوى
    37

    رد: مهم لكل من يملك يوكن أو تاهو دبل

    معلومه رائعه

    وتنبية مهم

    الله يجزاك خير على هالتنبيه

    كويس الي لحقتوا على السيارة قبل لايجيب العيد سواقكم المبجل

    تحياتي لك

  3. #3
    عضو
    تاريخ التسجيل
    04-05-2009
    الدولة
    الرياض
    المشاركات
    103
    معدل تقييم المستوى
    31

    رد: مهم لكل من يملك يوكن أو تاهو دبل

    الله يعطيك العافية ومشكور على النصيحة وحرصك على ملاك السيارة

    معي تاهو وكل ما اسوق السيارة لازم اشوف الدبل ما يكون شغال ,,




    بس لقيت لك حل مايخرش المويه على قولتهم شوف الصورة واحكم ..




















    فصل شبك المنيوم مثل اللي في مكيفات المساجد



    حبيت امزح معاك لا للزعل ..

  4. #4
    عضـــــو مـــمـــيـــز الصورة الرمزية $$ أبو يحيى $$
    تاريخ التسجيل
    16-07-2007
    الدولة
    مقاطعة: بريدة
    المشاركات
    911
    معدل تقييم المستوى
    242

    رد: مهم لكل من يملك يوكن أو تاهو دبل

    جزاك الله خير ع التنبيه ..

  5. #5
    عضو سوبر الصورة الرمزية أبو ديـــــالا
    تاريخ التسجيل
    19-03-2009
    الدولة
    متغرب في بلدي
    المشاركات
    2,740
    معدل تقييم المستوى
    771

    رد: مهم لكل من يملك يوكن أو تاهو دبل

    صادق أخي الكريم , هذا من أكبر العيوب باليوكن والتاهو , وأنا سبق وأن عانيت من هالأمر بنفسي كيف الناس اللي أعطيهم سيارتي .

    وبالفعل الحين أي واحد يبغى ياخذ سيارتي أحفظه كلمة الدبل زي إسمه عشان ما يغلط ويشغله .

    حتى إني أقول لهم لا تقرب هالأزره , لأن النور بيشتغل وقت الحاجه .

    كما عندي ملاحظة إضافية وهو إنك تنتبه له بعد تغسيل السيارة .
    لأني أول ما شريتها جاء الهندي وغسل سيارتي ومع التمسيح الداخلي فر الدبل ولا إنتبهت له على طول بس الحمد لله إنه ما إشتغل مع إن الفرار على الدبل الخفيف بس ما إشتغل لأن السيارة وقت تغيير وضعية الدبل كانت طافيه .

    المهم مسكته وقلت له لا عاد تقرب هالجهه ترى قيمة الخراب 30 ألف . الرجال بعدها بلع العافيه ولا عاد صار يقرب جهة الدبل .

    فكرت أول ما أشتري السيارة بعدد من الحلول ومنها نزع الفرار من مكانه أو وضع عليه غطاء , بس الحين تعودت عليه وتناسيت هالمشكلة .

  6. #6
    عضو
    تاريخ التسجيل
    04-04-2010
    الدولة
    الرياض
    المشاركات
    118
    معدل تقييم المستوى
    29

    رد: مهم لكل من يملك يوكن أو تاهو دبل

    اقتباس المشاركة الأصلية كتبت بواسطة nems مشاهدة المشاركة
    الله يعطيك العافية ومشكور على النصيحة وحرصك على ملاك السيارة

    معي تاهو وكل ما اسوق السيارة لازم اشوف الدبل ما يكون شغال ,,




    بس لقيت لك حل مايخرش المويه على قولتهم شوف الصورة واحكم ..




















    فصل شبك المنيوم مثل اللي في مكيفات المساجد



    حبيت امزح معاك لا للزعل ..
    حلوووووووووووووووووهـ هههههههههههههههههههههههههههههههههههههههههههه


    وشكرآ لك ياصاحب الموضوع على التنبيه ,,

  7. #7
    ..:: TAHOE//YUKON GRP. MEMBER ::.. الصورة الرمزية أبو دانه
    تاريخ التسجيل
    30-10-2009
    الدولة
    R I Y A D H
    المشاركات
    678
    معدل تقييم المستوى
    148

    رد: مهم لكل من يملك يوكن أو تاهو دبل

    أبو ديالا
    والله يا أنت رايق نزع ولا وضع غطاء وليش أن شاء الله //

    ماراح يجيه شي واذا ركب أحد سيارتك بلغه لكن بالفعل
    أنا طحت بالمشكلة هذي !!
    مره كنت مرسل أخوي يجيب السيارة وهو شغل الدبل
    يحسبه النور وجاء ويقول لي في الطريق ترا السيارة تقيلة وخصوصا ً
    في اللفات ولما وصلني وكان جاي من مسافة بعيدة
    لقيته شابك الدبل الثقيل .
    [ الله ستر وبعدها كنت خايف على الدبل لكن شيكت عليه وجربته وطلع تمام ]

  8. #8
    ..:: TAHOE//YUKON GRP. MEMBER ::.. الصورة الرمزية مخربها
    تاريخ التسجيل
    10-11-2005
    الدولة
    الرياض
    المشاركات
    923
    معدل تقييم المستوى
    78

    رد: مهم لكل من يملك يوكن أو تاهو دبل

    الله يعافيك شباب

    اخوي nems

    حلووووه بس خوفك يجيك واحد اصابعه صغار وماينتبه انها تدخل بين الشبك <<< تعقيييد لووووول

    اخوي ابو ديلا تنبيه مهم وقت الغسيل


    تحياتي ياشباب

X