مشورتكم في تبديل سوناتا 2010 بـسوناتا 2011

aboraaid @user_182073 · 06-04-2010

السلام عليكم ورحمة الله وبركاته :
حبيت آخذ مشورتكم جزاكم الله خير....
طلعت للولد سوناتا 2010 في شهر رمضان
وماشيه الى اليوم حوالي 6000 كيلو وبسعر 67000 ريال
وجديده ما فيها أي شي ولله الحمد
بس الولد شاف 2011 وقال يبغي يستبدل سيارته
رحنا للوكيل ع شان نسعر سيارته اعطوه 53000 يال بعد جهد كبير
فهل سعرهم معقول أو انزلها المعارض ؟ يمكن تجيب أكثر ؟
وتقبلو تحياتي ....

سكسبال @user_218984 · 12-04-2010

كم سعر سوناتا الجديدة فل اوبشن ؟

Spider-Iraq @user_166247 · 11-04-2010

السلام عليكم اخي الكريم
بالنسبة لرأي الشخصي السوناتا الجديدة رائعة وأجمل من السابقة ....... والموضوع يستحق التفكير بفكرة الاستبدال ..
وفقك الله عند البيع وعند الشراء
تحياتي.

aboraaid @user_182073 صاحب الموضوع · 11-04-2010

آسف على التأخير ...
بسبب ظروف عملي قمت بزيارة المعارض في وقت الصباح فقط ...
وسومت عند كذا معرض ووصل السعر 55500 عند احد المعارض ...
لكن الرجال ما صمل ، ولا كنت ناوي اتم البيعه ....
لأنه لاحظنا في واحد من الكفرات منتفخ (محبل) ، وقال يمكن الجنط جته ضربه ، ولو ان الجنط سليم وما فيه شي .
يمكن الرجال هون لهذا السبب . بعدين زي ما ذكر أحد الأخوان اللون الأسود ما هو مرغوب زي الألوان الثانيه..
بعدها ديورت وعلى طول بعتها ع الوكاله .والله يعوض علينا وعليكم .

أبومحمد5523 @user_29412 · 10-04-2010

أنا أتوقع بتجيب اللي معك إلى 55 ألف لو لقيت الصامل

والعيب الوحيد بسيارتك اللي هو اللون الأسود ولا الأبيض اللؤلؤي مرغوبة وعلى هالممشى ممكن تجيب إلى 57 .

الله يرزقك بالبيعة الطيبة

ولو حبيت تستفسر بأي شي على السوناتا الجديدة رح نفيدك ، لأن معي وحده

تحياتي،،

ع‘ـبود @user_217860 · 08-04-2010

لونها كامري كان طاح من قيمتها 2000:a1120(86):

Stallion_1 @user_70742 · 08-04-2010

تجيب لك في المارض بين 56 و 59 الف ان شاء الله

سعر المعارض افضل بالراحة

FaHoDy @user_84441 · 08-04-2010

ها بشر يابو رآيد وش الجديد ؟؟

ARMADAWOW @user_39776 · 07-04-2010

سعرهم كويس ومعقول

واضن في المعارض ماتحصله

لكن مثل ماقالوا الاخوان نزلها المعارض اول ان جابت سعر كان بها

ولا ودها الوكالة

وبيني وبينك الجديدة مررة تغري وفرق كبير بينها وبين الجيل القديم

وانصحك تستنى شوي بتنزل

امس حصلت سوناتا 2011 سقف بانورامي جنوط 17 بـ 71 الف اصفااار طبعا

بتنزل مسالة وقت بس

aboraaid @user_182073 صاحب الموضوع · 07-04-2010

شكرا لك فهودي ...
وان شاء الله بناخذ فره على المعارض اليوم ...
والله يكتب اللي فيه الخير .....

FaHoDy @user_84441 · 07-04-2010

يابو رآيد ، قبل فتره بعت سوناتا 2006 بـ 45 ألف في المعارض
انا اقول لا تستعجل .. فرتين في المعارض بتجيب لك سعر أفضل من تسعيرة الوكـآلة

وإذا والله ماجابت أكثر من 53 ألف .. بعهـآ عليهم ...

aboraaid @user_182073 صاحب الموضوع · 07-04-2010

و

واااافي

وش مواصفاتها يالغالي

هل هي فل ؟

وش لونها ؟

نص فل ... لون اسود ، فتحه ، بلوتوث ، مخمل ، مثبت سرعه ، تحكم في المسجل من الدركسون،
ومركب لها تضليله من V-coolبقيمة 2000 ريال .

aboraaid @user_182073 صاحب الموضوع · 07-04-2010

الله يسعدك يا سلطان .....

سلطان sultan @user_168260 · 07-04-2010

يستاهل رايد بدل له السيارة

واااافي @user_75077 · 07-04-2010

وش مواصفاتها يالغالي

هل هي فل ؟

وش لونها ؟

ابو فهد 4×4 @user_155846 · 07-04-2010

رح للمعارض وش انت خسران وعرضها إذا جابت اكثر من الوكالة بعها ولا استبدلها في
الوكالة وتوقع تجيب السوناتا في المعارض من 55 الف إلى 58 ألف . وبرحاتك

تقبل مروري

aboraaid @user_182073 صاحب الموضوع · 07-04-2010

الله يعطيكم العافيه جميعا لمشاركتكم ...

$ AL Z3IM $ @user_160600 · 06-04-2010

سعر جيد .. توكل على الله وبدلها ..

D e s i g n e r @user_216639 · 06-04-2010

اعتقد ماراح تلاقي سعر افضل من كذا

لان السياره مشترينها قبل 7 شهور

توكل وادفع الفرق وبدل لان السوناتا الجديد يستاهل

aboraaid @user_182073 صاحب الموضوع · 06-04-2010

شكرا لك اخي الراسي ......