على العموم البطارية اول ما تطلع تحصل فيها جودة لا اله الا الله ولكن بعد ما تنشهر وتاخذ مجراها ويضمن المصنوع ان المبيعات تكون عالية يبدأو يخفضو من الجودة عشان يقللو التكلفة بنفس السعر السابق
يا اخوان والله اغلب الشركات ماخذة سمعة بالغلط يعني زي ماذكرت سابقاً شريت بطاريه واسا 55أمبير إلكتروني بمبلغ160ريال سعودي ولهل الان سنة والحمد لله تمام, وللعلم شركة واسا كانت أغلب الشركات اليابانية متعاملة معها لجودتها وعراقتها.
ميزه الالكترونية انك ما تحتاج لصيانتها .. بعكس العادية لازم تشوف مستوى الماي على طول .. و اذا كان الماي ناقص ممكن - لا سمح الله - ان تنفجر البطارية مثل ما صارت مع واحد .. و فيها خطورة لأن ممكن الأسيد يتسرب و يلامس ايد صاحب السيارة و يحسبه انه ماي عادي ..
السلام عليكم ورحمة الله وبركاته انا مجرب اي سي دلكو كذا مره لكن فيه مرتين ماجلست معاي 6اشهر ومره جلست معاي سنتين لكن آخر مرة جربت نوع yasa ماأدي الإسبلنق صح ولا لا المهم هي صناعة يابانية مصنعها قديم جداً لكن الآن انتقل المصنع لتايوان ولها الآن معي سنة والحمد لله ميه الميه وسعرها اقل من الاي سي دلكو بـ100 ريال.
اي سي ديلكو وبس والباقي خس ههههههههه
توني مركب وحده من شهر واوكيييي ويايي
والبطاريه الا قبلها كانت اي سي ديلكو شغلت الزينون والسياره طافيه وفضت البطاريه شحنتها ب10 ومشت سنه وشوي
يعطيكم العافية كلكم على الردود وسبحان الله ان اكلتها منها مرتين والان مركب بطارية جديدة الكترونية من نوع هانكوك كورية الصنع والله ان الاسي دلكو عذبتني خاصة انها صارة وطنية وانا شايفها تعبانه وشكرا .
