محتــار بين الســـوناتا و الــتورس

ksa_sultan @user_215745 · 21-03-2010

صــباح الخيــر

كيفكم شباب وبنات ...

موضوعي محتاج مشورتكم انا ابي سيارة مريحة وما تتعدى 100 الف السوناتا والتورس كلهم احلى من بعض بالشكل التورس قوية وتتحمل من ناحية المكينة ستة سلندر والجنوط الى 20 والدلع من داخل نصل فل بدون شاشة 98
السوناتا شكل مسكت من الخارج وكبيرة جدا من الداخل المكينة 4 سلندر فل مع الشاشة والكاميرا 95
انا احتاج سيارة مريحة بالطريق والمطبات وتتحمل ولا تميل مع المنعطفات وعزمة يكون جيد لاني سيارتي الحالية كراون فكتوريا فل وهي جدا مريحة وقوية 2003

مشوووورتكم
اللي يملك السوناتا هل فيها صوت هواء من الداخل .؟؟ او تسمع صوت المكينة داخل المقصورة .؟

MrSniper @user_90381 · 23-03-2010

كان في خاطري أقولك السوناتا بس راحت على السوسو لصالح التوريس

والحق ينقال التوريس أشوفها أفضل بكثير من السوناتا الجديدة وربي يكتبك فيها الخير إن شاء الله

لو كنت حاط السوناتا في بالك للآن عندك خيار ثالث وأفضل من الإثنين

وهو بنت عم السوناتا الـK7 "الكادينزا" منافس شرس للتوريس وأعلى فئة من السوناتا

وهذا رابط إن شاء الله تلاقي فيه ما يهمك في الـK7
http://www.assayyarat.com/forums/showthread.php?t=203135

الذيب الشمالي @user_105148 · 23-03-2010

عليك بالتورس خصوصا اذا كانت دفع رباعي حيث الثبات منقطع النظير

ومن نصيحتي حاول تاخذ اصغر جنط متوفر , لانه كل ما صغر الجنط زادت راحة السيارة

O.Almazroo3y @user_199029 · 23-03-2010

والله التورس روعة صراحة

سيارة كبيرة وفخمة ...

السوناتا بعد حلوة ابدا مو سيئة

لكن التورس الستاندر اتوقع بالسعر ذا صحيح ؟؟

اذا ستاندر خذ السوناتا فيهام مواصفات احلى

البرشلوني7 @user_181791 · 23-03-2010

وانا محتار بين التورس وتطورها و الازيرا وثقة الناس فيها مدري وين اروح

راعي موتر @user_144193 · 23-03-2010

على حبي لهيونداي وعلى ان هيونداي بدعت بشكل خيالي بالسوناتا الجديده ولاكن السيارتين مابينهم اي مقارنه يكفي الماكينه بس بدون مجامله اشوف التوريس افضل من ناحيه قوه الماكينه والداخليه والتقنيات الي اضافتها فورد من ناحيه الالكترونيه ومن ناحيه ميكانيكيه بالنسبه لي لو كان التخير مثلا مع الجينيسيس او الكيا الجديده الي هي k7 كان قلت لك بدون تفكير اتجه لهم

وقبل كل شي اهم شي الاستخاره وتكون عندك قناعه كامله بالسياره

ksa_sultan @user_215745 صاحب الموضوع · 23-03-2010

يعطيكم العافية يا شباب ما قصرتو اخذت بنصيحتكم ورحت لتوكيلات عشان التوريس قالي ماعندهم ولا وحدة بس بتجي شهر 6 ..

AL-Quanass @user_10415 · 22-03-2010

a

abo shLsh

والله يالغالي انصحك بالتوريس

شكل جديد وحلو وفخامه اكثر من السوناتا

مكينه 6 سلندر و السوناتا 4 سلندر

ديكورات التوريس مصنوعه من مواد ممتازه

اما السوناتا اغلب الديكور بلاستيك وانواع الاصوات <<< الجديد مدري عنه

ونصيحتي لك خذ التوريس

نفس الرأي توريس

D R I V E R @user_42218 · 22-03-2010

اخوي توكل على الله وخد مكسيما اقل نوع مواصفاتها حلو فتحة وجنوط وانظمة الامان روعة

osamaalheeh @user_140775 · 22-03-2010

عليك بالتوروس لانه انت تدور اشياء معينة و السيارتين رائعات بس التورس افخم و محرك اكبر و جميع مواصفات السلامة فيها و بصراحة انا شوفتها اليوم اشي جنان و اصلا كنت متابع اخبارها اول باول.
ما ابي حد يزعل بس هذا الواقع بس ابي منك اذا تقدر تستنى الازيرا الجديدة رح تكون احسن من السيارتين بس للحين ما في علم عن موعد نزولها

ksa_sultan @user_215745 صاحب الموضوع · 22-03-2010

مشكوررين وما قصرتو يكفيني تشريفكم وننتظر اللي معاهم سوناتا وتوريس

البارح واحد من الشباب مستاجر سوناتا 2011 بدون السقف البانوراما يقولي فيها صوت هواء داخل المقصورة

abo shLsh @user_215710 · 21-03-2010

والله يالغالي انصحك بالتوريس

شكل جديد وحلو وفخامه اكثر من السوناتا

مكينه 6 سلندر و السوناتا 4 سلندر

ديكورات التوريس مصنوعه من مواد ممتازه

اما السوناتا اغلب الديكور بلاستيك وانواع الاصوات <<< الجديد مدري عنه

ونصيحتي لك خذ التوريس

زيزو الليفر @user_110203 · 21-03-2010

انصحــك بالسوناتآآآآآ ..
خصوصا نظام ال ABS و ESP
ستشعــر برآآآحه عند قياده السيآآآره

>>>> الكوووري صار غييير ياشبآآآآب

aghiatoo @user_107132 · 21-03-2010

والله يا اخي العزيز انا لا املك سوناتا الدجيده .. لكن من قبل التقارير الي شفتها والاعضاء الي امتلكو السوناتا .. انصحك بها وبشده .. وانتظر نزول الدفعه الثانية لانها معدلة وفيها مميزات اجمل ..

والتورس قوي وجميل جدا من الخارج ومميزات رائعه من الداخل ..

انصحك بالسوناتا .. مجرد رأي

انتظر اراء اخواننا ملاك سوناتا الجديده هم اكثر علما عنها

وربي يوفقك لما تحب وترضى