قناة السيارات
السلام عليكم ورحمة الله وبركاته
كيف احوالكم ان شاءالله تكونون بخير وصحة وعافيه
بتاريخ امس 1431/3/28 هـ كملت سيارتي سنه كامله والعداد 28 الف وكسور كنت ابنزل الموضوع امس لكن انشغلت الله لا يشغلنا الا بطاعته وحتى اليوم والله مشغول لكن قلت خليني اصور السياره وانزل الموضوع سريع سريع
والله حتى الصور اليوم صورتها بد ما جيت من الكورة العصر على عجله
المهم نبدأ بالإجابيات :
1- النور الواطي ما شاءالله تبارك الله في الليل فارش بالارض صح
2- استجابتها للدعسه يمكن انا ملاحظ هالشي لاني ماني حق مقاومات ولا شي والماكينه 3.8
3- شكلها الانسيابي انا اشوف انه ابدعوا فيها الكوريين بالذات الخلفية
4- رساوتها في المنعطفات
5- عزلها الصوتي ماشاءالله تبارك الله سواءً في الخط او الاشياء المزعجه حولك اذا وقفت عند اشاره مثلاً
اما السلبيات :
1- القساوه وانا اتوقع انها من الكفرات لان الكفرات حقت بلادها والى حد الان ماغيرتها مع العلم ان تاريخها 2007
2- النور العالي من جنب امها والله تقال مسطره متمركز باللي امام السياره ماهو منتشر مثل بقية السيارات
صراحة هذي اللي في بالي حالياً من ايجابيات وسلبيات
اما بالنسبة للإضافات على السيارة :
1- تلبيس الارضيات بالنايلون
2- تظليلها بفلم عازل حراري امريكي
3- تركيب شاشة ملاحة
4- تركيب زعنفة القرش مثلها مثل الفل كامل مع رشها مثل لون السياره قبل التركيب
5- تركيب لمبات اللكزس على اللوحات
6- لزق اطراف الاصطبات الامامية بالبرتقالي مثل الامريكية والاصطبات الخلفية الريوس والفلشر بالاسود
هذا اللي يحضرني الان من اضافات والان نجي للصور
ولكن قبل مانبدأ قولوا ( ماشاءالله تبارك الله )
بسم الله الذي لا يضر مع اسمه شي في الارض ولا في السماء وهو العلي العظيم
طبعا الباترول اللي بالصورة حق الوالد
طبعاً هذي مخشه وهي واقفه في رمضان اللي فات وقفتها ورحت للحرم ويوم جيت حصلتها كذا شي يقهر لو انا اللي حاك فيها على الاقل لشفتها تقول احسن استاهل من غشامتي لكن يجي واحد ويحك السياره وهي واقفه ويمشي ولا كأنه سوى شي هذي الغبنه
وهذي صورة لمبات اللكزس
وان شاءالله اني اكون وفقت في هالتقرير واعذرونا على القصور
لا تنسوا ذكر الله
اخوكم/ ابو عصام
رد مع اقتباس
