زينه .. مو زينه !!!

DAMAT @user_189688 · 11-03-2010

السلام عليكم جميعاً ..
شباب بليز أحتاج دعم معنوي ..
كل اللي أبيه منكم كلمة .. أو كلمتين ..

توني اشتريت يوكن 2005 .. طبعا أمريكية .. السوق كله أمريكي
فل أوبشن ..
نظيف ..
ماشي 76,000 ميل .. يعني تقريباً خنقول 100,000 كيلو متر ..

زينه .. أو مو زينه !!!؟؟!!! :c0214:

DAMAT @user_189688 صاحب الموضوع · 13-03-2010

أخوي .. Mix
الموتر دبل

أخوي dhyassir
الله يسلمك ويبارك فيك ..
إي نعم السيارة من معرض وعليها ضمان

هلا f.d
تسسسلم ع المعلومه ..
وربي يسلمك ويبارك فيك ..

ثانكيو أووول ..

لكن ..
طلعت عندي مشكله في الدفرنشين الأمامي والخلفي ..
الخلفي الحمد لله ع الضمان ..
لكن الأمامي .. :( عليّ

أنا من أهل الشرقية في السعودية .. الأحساء بالتحديد ..
يا اهل الخبره .. وين الورش الزينه لنوع موتري !!!؟؟؟

تحاياي

f.d @user_185437 · 12-03-2010

مبروك الموتر......... و تتهنى إن شاء الله..

و بصراحة أنا ما عندي خلفية عن الرباعي..

لكن... عن الشكل...... سيارة زينة

و أحب... ان اوضح لك

أن الموتر حقك ماشي / 122 / الف كم

لأن: كل 1 ميل = 1.609 كم..... بالظبط

يعني عشان تكون بالصورة......

مبروك.. و اتشوف خيره إن شاء الله... و يبعد عنك شره

dhyassir2004 @user_203404 · 12-03-2010

مبروك والله يعطيك خيرها ويكفيك شرها
السعر غالي شوي ولكن اذا من صالة وعليها ضمان يعتبر سعر مقبول
انا ماجربت السيارة ولكن ماقد سمعت احد يشتكي منها الا من شي واحد الدبل يقال انه يحصل فيه تهريبات

mix_11 @user_213455 · 11-03-2010

وعليكم السلام

اخوي بدبل ولا بدون ؟

السعر حقيقة ممتاز .. الجموس بشكل عام عليها طلب

اعرف واحد عنده يوكن 2007 نص فل ماشي حول الثمانين الف ومسيوم من كذا معرض بفوق الثمانين

الله يعطيك خيرها يا رب

DAMAT @user_189688 صاحب الموضوع · 11-03-2010

شباب نسيت أقول لكم إني أخذته بمبلغ وقدره :
75 ألف ريال سعودي