باترول الجديد يعلن نهاية الاستعمار لشركة تويوتا

بيض الله وجهك واختصرت كلام كثر كنت انا بقوله

والمصيبة العظمى

في منتدى تويوتا

جاء شخص متعصب للباترول وطرح عدد من المواضيع واطلق على الباتورل مفخرة الارض
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

باااااااااااااااتروووووووووووووول وبسسسسسسسس مشكوور اخوي على الطرح الجميل

ونقوول لتويوتا هلله هلله بطررررررريق.....

تحياتي,,,,

اللاند كروزر سيارة عالية الجودة ..
والحكم على نيسان باترول الجديد وهو بعده ما نزل وانه افضل من اللاند وبمراحل فهو كلام فيه رأي شخصي مبني على عواطف ورغبات واماني ..
ليس مبني على تجربة واختبار حقيقي للجودة ..

اللاند كروزر يااخوي الوسم من افضل السيارات اللي صنعت على وجه الارض بتاريخ البشرية اجمع .. حققت نجاحات ووصلت لمستويات عالية من الجودة وحققت درجات عالية جدا في ارضاء زبائنها حول العالم ..

نيسان باترول الجديد وهو برأيي قادر انه ينافس اللاند وقد يتفوق عليه .. ولكن هذي مجرد فرضية تحتاج لاثبات ..

المحرك والفخامة لو بحد ذاتهم تعتبر تفوق لقلنا ان الرانج روفر افضل من السيارتين وانهينا المقارنة ..

عشاق الباترول ونيسان وسيارات الدفع الرباعي اجمع امام موعد مع ابداع ياباني قادم .. ولكن الاستعجال في المقارنة بينه وبين اللاند كروزر خاطئ ..

الحين انت عط الباترول فرصه يثبت وجوده وبعدين احكم عليه
والباترول له ناسه واللاند له ناسه والرزق عالله
وفيه نقطه لا تنساها وهي انك اذا كنت تبغى جميع المواصفات الموجوده في الباترول لازم تدفع فوق 270 الف ريال واعتقد انه مبلغ مهوب بسيط

حياك الله يا asd000

من قالك انه بهالسعر

الاسعار تبدا من 172000

والفئه الثانيه 180000

والثالثه 204 الاف

والاخيره ب230

اما اللي قلت ماراح ينزل بالسعوديه

والوكلاء عندنا اكثرهم فاشلين وقفت ع الحمراني

اما سعر القطع فهذا يرجع لكونه ياباني اصلي


وانا مستعد اصير مسوق لهالسياره لانها سحرتني وابهرتني

حياك يالماركيز الفضي

ياسلام على ردك

اثلج صدري وجبت اللي في خاطري

انت جبت التايهه

ارفع عقالي لك ولخربشاتك

كل الشكر

حياك يابافاري ريبيري

الله يهديك بس

هالحين صار ينافس اللكزس وترك الفي اكس ار ورااااه بمية عمود

حياك ياملك الاحساس

مااحد قال انه مو ناجح

واللاند هو منافس الباترول

لكن الباترول تفوق عليه

تحياتي لك

حياك الله اخوي msahmm

فعلا مانزلت لكن المكتوب باين من عنوانه

والباترول معروف من زمااان مو شي توه طالع

تحياتي لك

حياك الله اخوي سعد

وشكرا على لطفك

من ناحية انه يتفكك فهذا كلام غير منطقي

السيارة على حسب استخدام الشخص لها

فيه ناس مهمله ولاتعرف شي اسمه صيانه وتقول تتفكك شي طبيعي

اما ان السيارة تودي وتجيب بس عندك خيارات كثيره وارخص من الباترول

فيه اكسبلورر وفورتشنر وباثفايندر

لكن فيه ناس تبي وجاهه وتبي رزه مثل باترول ولاند كروزر والناس اذواق

تحياتي لك

الباترول الجديد ممتاز لكن السعر مبالغ فيه 260 الف يا عالم اصحو أشفيكم بديت اشك في ان بعض الأعضاء مسوقين للشركة بس

العيب الثاني بالنسبة لنا في السعودية مادري عن دول الخليج الوكيل الحمراني
الصيانة تعاني من عدة امور ضعف خبرة الفنيين عدم توفر بعض القطع الا بالطلبية اوبالتالي تصبح القطع غالية

واتمنى لكم التوفيق جميعا

اعتقد فكرة ان النيسان يتهربد ويتهلل

مبنية على تجربة سيارات نيسان في وقت معين او موديلات نزلت في سنوات محددة


مثلا من موديل 90 ال 97 وبالتالي تعممت الفكرة على سيارات الشركة كاملة


وانا اشوف الباترول الجديد مالة علاقة بالموديل السابق

سيارة بشكل جديد وتصميم جديد

هل من الممكن نعمم خلاصة تجربة الناس للماكسيما على الموديل الجديد

دون ان نترك المجال للتجربة للوصل الى رأي او انطباع صحيح


هناك أمثلة كثيرة

الكابرس الجديد والكابرس القديم اسم مشترك وجودة تختلف

بغض النظر عن الموديل الاجود السابق ام الحالي



خلاصة الكلام

اعتبر الباترول سيارة جديدة ذات مواصفات ومميزات اعجبتني

من الظلم الحكم عليها دون تجربة


88888

اتمنى تفهمون هالخربشة

هههههههههههه

والله انه ازين من الفكسار

الشعب طآيح هجوم على المفخره !!
كل إنسان له ذوووق
ومستحيل اي واحد شرى سياره له آحد غآصبه عليها ..
وبالنهاية كلها حديد ..
مدري ليه دايم النيساني يهاجم الاندكروزر !!! ..
واعتقد السبب هو نجاحه ..

السيارة لسه مانزلت للسوق

عمومآ المنافسه كلها لصالح المستهلك اولآ واخيرآ

شوف دام المسألة وجهة نظر..والله العظيم انك كفو..ولك مني وسام ولو انه مش مرئي..

اعجبني طرحك للموضوع وردك للأعضاء..وان دل هذا فهو يدل على ذوقك واخلاقك العاليه..


نرجع لموضوعنا..

النيسان شركه كبيرة..ولها وزنها بالسوق..والكلام نفسه ينطبق على تويوتا..

طبعا انت لما تشوف تاريخ نيسان..مو بعيد..يعني خلينا قريبين 2000 وانت طالع..بشهادة اهل النيسان كلهم..ان الموتر مايضل كم سنه اللا ويتهلل..وتسمع انواع الاصوات..بعكس اللانكروزر..او التويوتا بشكل عام (بدون اي تعصب ) انا اشوف انها ماسكه نفسها مع مرور السنين..

اخوي..
انا اعجبني رد احد الاخوان في ان السيارة مهمه من ناحية (انها تخدم وتودي وتجيب..في المقام الاول..وتكون اعتماديه...والفخامه والاكسسوارات هذي تعتبر من وجهة نظري..امور ثانوية..لا ينظر اليها اللا من بعد التأكد من الامور اللي سبقتها..)

النيسان قوي..وللأمانه انا ما احب ماركة نيسان..لكن بصراحه عجبت جدددددددا بنيسان باترول الجديد..


ولما نجي نتكلم هل الاسعار معقوله او لا..اتوقع باقي بدري على هالكلام..خصوصا ان السيارة (على حد علمي) لسى مانزلت السوق السعودي ونزلت اسعارها..


لك مني كل الود اخوي...

والسلام خير ختام

f i n e

حياك الله اخوي م . الحارثي

بعد فترة من الزمن راح تتغير كثير من القناعات

ننتظر نزوله لارض الواقع ..

حياك الله اخوي بابل

بل تعدى جودة التويوتا بمراحل وتبقى وجهة نظر

تحياتي لك

حياك الله اخوي ls _ 2001

الارتفاع هذا ارتفاع على كل السيارات

الاكسنت كانت ب 25 الف قبل خمس سنين تقريبا

الوقت الحالي 40 الف !!

تبي الباترول مايرتفع سعره !!

انا عارف انه غلاء فاحش وغير طبيعي

ماباليد حيله هذا ارتفاع عالمي ..


تحياتي لك ..