أولاً نقول السلام عليكم ورحمة الله وبركاته
ثاني شي والله مدري من وين أبدأ الصراحة ... لكن خليني أشرحلكم وش صار معي اليوم الصباح بالضبط
طبعاً مثل ما إنتوا عارفين أنا عندي مازدا زووم سبورت فل موديل 2004
والسيارة ممتازة معي ( كما كنت أعتقد ) ... وهي أول سيارة أشتريها وأسوقها
المهم .. أمس بالليل مريت من جمب السيارة ولا الكفر منسم ( والدنيا كلها مقفلة وأنا متكيسل صراحة)
قلت خلني أستلف سيارة صاحبي وجاري بكرة الصباح ( اللي هو اليوم الصباح ) وأوصل أهلي فيها بعدين أردها له ..
ركبت ذا السيارة ( فورد كراون 1998 ستاندرد ) وجيت بشغلها .. أخوي الصغير حلفني إنه هو يسوق .. قلتله سوق ( ما أحب سواقة أخوي .. كنها سواقة هالدشير اللي عندنا .. تعلم منهم وإذا جيت أهاوشه يقلي إذا ما سقت مثلهم بصدم ) .. المهم ويشغل السيارة ولا أنا أستغرب ... وش ذا ؟؟ أخوي يقلي وش فيك ؟؟ أقله المحرك ماله حس !! قلي الأمريكي كله كذا .. محرك قوي لكن ما تسمع صوته ونت داخل السيارة (ما يعرف يقول الأمريكي عزله ممتاز ) .. المهم ويمشي بذا الموتر ونوصل لمنطقة الزحمة اليومية ( طريق الملك فهد رحمه الله ) .. وقلت هالحين بيبدأ بحركاته وبيتعبني كالعادة بسواقته المريضة .. تصدقون ما حسيت بشي !!!!!!!!!
الولد يسوق كأنه شوماخر .. سواقته صايرة محترمة .. والعزل صاير كأنك راكب بورش !!! الهوا لا حس ولا خبر .. والكرسي مريييييييييييييييييييييييييييييييييييييييييييييييي يييييييييييح لأقصى درجة !!!! ويمر بين الحارات بالشارع ولا أحس بالحدايد والحفر بالشارع !!!! يا ناس وش ذا ؟؟؟؟؟؟؟
صراحة أنا عيومني بدت تتقلب .. قلت لأخوي والله محترم نفسك اليوم وتسوق وحدة وحدة ومضبط وضعك .. شكلك تبي شي مني .. قام يضحك .. قالي والله مابي شي .. بس سواقة الأمريكي كذا ... ما تحس بشي !!! أنا سمعت هالكلمة من هنا .. وكنت بفسخ عليه النعال كرمكم الله من هنا .. تنرفزت عليه .. قلتله دامك تعرف هالشي أنا ليش ما عندي خبر ؟؟ قالي مدري .. أنا أسوق سيارات صحابي وكلها كذا .. رساورة وقوة في نفس الوقت وهداوة مع إنها ضخمة .. قلتله طيب ؟؟ قالي بس مشكلته يشفط بنزين وصعب إنك تمشي فيه بين السيارات في الخطوط الضيقة ... قلتله هين .. عشان كذا ما عطيتني خبر .. عشان ما أجيب سيارة أمريكي وتقعد بدون فعفطة وزروقة بين السيارات .. قام يضحك
الشاهد .. أنا إلى الآن مستغرب من قوة ورساوة الأمريكي .. مع إنه قديم وستاندرد .. وسياراتي تعتبر أجدد وفل !!! لكن والله أنواع الأصوات ... والعزل زبالة مقارنةً بالفورد 98 .. وبعدين كله كوم والحفر والمطبات كوم ثاني
والله إني تحسفت على كل قرش دفعته بالمازدا .. وتأكدت ألف بالمئة إنه مافي بعد الألمان والأمريكان
سؤالي لكم .. هل اللي حصل معي صحيح ولا يتهيألي ؟؟