الصراحه
اخذها افحط فيها واهبل فيها
انا اخذها اجار دفعت فلوسها والرجال ماقلي وقع على ورقه بعدم التفحيط والتخريب
ومشكور
الشروط موجودة خلف العقد وغاليا يكون موجود شرط عدم اساءة استخحدام السياراة
أستخدمها إستخدام عادي
من بآب الأمانة فقط لأنها ليست ملكي
المفروض كذا
مشكور
على حسب بس اقدر اقول مثل استخدام سيارتي ..
والله يعلم وش انا اشوي في سيارتي :bigggrin:
بس الفرق حقات الاجار منب احمي شغل وامش واذا جيت اعبي بنزين ما اطفيها
اذا بس على تحمية وبنزين مهي بذيك المشكلة
مشكور
للاسف انواع التجارب فيها
لكن ان شاء الله بنعقل
ان شاء الله ومشكور على المشاركة
نفس استخدامي لسيارتي (عادي)
استغرب من مقولة بعض الشباب الا هي اجرها و فجرها
يا اخي حرام هذا حق الناس مو لك
الله يهدي الجميع
ياخوك بعض الناس هداهم الله ياخذسيارة الايجار يبي يحلل الفلوس الي حطها فيها وما يهتم فيها ابد ولكن لي تساؤولات لهاؤلاء
هل انت الي احتجتها أم هي إحتاجتك ؟
وهل إذا انقطعت وأنت محتاج السيارة جدا جدا ومكاتب الايجار رافضة تعطيك سيارة ماكنت تتمنى اقدم سيارة عندهم وتدفع كل ماعندك ؟
عجباً أيها الناس :c0038:
تسلم اخي على الموضوع المتميز
وتقبل تحياتي
مشكور على ردك الراقي
عادي استخدامي لها مع اني ما استاجرت الا مره وحده إمكن الشي الوحيد إلي يفرق لو
استأجرتها ... بدون تحميه السياره بدزها على طول ... وبالنسبه ذولا الي يفحطون ويهربدونها
لسببين
1- تحليل الفلوس
2- جلد ما هو جلدك جره عالشوك
للاسف هذا اللي يحصل
ماعمري استاجرت بس الي اعرفهم يستاجرون اول شي يفصل العداد وتفحيط على خفيـــــف
العداد المفروض يخلوه مفتوح عشان ما تضر الناس تخرب العداد والسيارت
الحمدلله لم استاجر ولو بأستاجر بطعس فيها على خفيف بدون سرعه عاليه
اذكر احد القصص
في عريس استأجر فورد عشان ينزف فيها وفي اليوم الثاني بيردها للمكتب وباقي فيها كم لتر قال ياولد خلني احللها ومااجيبها لهم الا وبنزينها على الزيرو وهاتك مع الدايري دعس وتفحيط و160واحدى المرات ويجيبها على سقفها وتجبره الشركه بإصلاحها وكلفته حوالي30الف ريال والعريس مديون وحالته حاله (ومادرى ان مكتب التأجير يعوضه قيمة البنزين اللي باقي في السياره )واكلها على راسه
الله يعينه
بسم الله الرحمن الرحيم
استاجرت مره واحده سياره من الرياض وانا ماسك خط الطايف خبط الماطور علي في الخاصره ومن بعدها حلفت ماعا داستاجر سياره اركب نقل جماعي ولا استاجر.
هههههههههههه موضوع جدا جميل واشكرك على طرحك الرائع ......والله ياخوي عند امانة الشخص نفسه وعند المامه بالمسئوليه تجاه حق الغير وهي اولا عند ثقافة المجتمع فخلاص تلصخت عندهم هذي العاده اذا استاجر سياره ما يعيرها اي اهتمام فايش بتقووول فيهم بس الله يعين ......... وانا يوم اتكلم مو يعني اني الانسان المثالي والله اني زيهم واخس منهم بس خلاص تعودنا تشوف ذا وتشوف ذا ...............بس الواحد مايحس بها الكلام الا يوم يفكله محل ايجار سيارات وتجيه السيارات ويقعد ياجرها على الشعب ويشوف الخرابات اللي تجيه من سوء استخدام المستخدم المستاجر ............. اكرر اشكرك على طرحك لهذا الموضوع الاكثر من رائع ونحاول جاهدين حل هذي المشكله اللي تزيد من غبائنا اللامحسوس ........................ تقبل تحياتي ابومالـك الحربي
اهلا ومشكور على ردك الجميل
استخدمها بغرض المشاوير وكذلك للتجربه فقد تكون مثلا بسرعه 140 سيئه اهتزاز او تنسيم فهذي طريقتي فيها وليست بغرض تدميرها
واخترت آخر
مشكور وغالبا استخدامي زي كذا
اسواء من استخدامي لسيارتي(بشكل عام سيء)
سبب يمكن لأني مب دافع فيها شيء ولا تعديلها
ترى عندنا في إمارات ما ينفع فصل العداد لأنه محسوبية باليوم ..
اغلب دول العالم ما يحسبوا باليوم
مشكور للجميع على تفاعلهم مع الموضوع والله يهدي المخربين
تحياتي:xyxwave:
