الكابرس ترتفع حرارته ويطفي << وش المشكلة تكفون

السلام عليكم ,,,
واحد من الزملاء معاه كابرس 88 او 89 مشكلته نفس مشكلتك بالضبط وبالذات اذا الجو حار ترتفع حرارته ويطفيء ويشتغل اذا برد لف الورش كلها اللي يقول غير بلف واللي يقول سيخ الرديتر طفش المهم راح لورشه صغيره ماتوقع انه يصلحها طلعت المشكله في >> الديلكو << غيره وليس وزن وفيه قطعه ثانيه غيرها لا يحضرني اسمها لكن السبب الرئيسي هو الديلكو اذا مشكلتك نفس ماذكر
اتمنى اني ساعدتك بما يكفي

الله يعطيكم الف الف الف عافية ياأخوان
وأنا بشوف وش يصير معه وأرد منكم ان شاء الله

ايوة المشكلة زي ماقال اخوي ابو سعود انها لاسباب ذي لكن الديلكو يبيلك الاصلي

لكن اذا كانت الطرمة ما اعتقد لانه لو السياة سخنت وطفيتها وترجع تشغلها ماتشتغل

لكن شوف الصفايات اللي قريب الطرمبة وممكن الدينمو ما يعبي هذا جايز لكن يبيلك تدور واحد نظيف لكن افحصه ممكن سليم


ودي

وبالنسبة لرش الرديتر بموية تراها عادية ترى لانك لو حتى عبيت موية عادية تكون اصلا بارد وحتى لو السيارة سخنت اكبر غلط تطفى

واي خدمة انا جاهز

ودي

ياشباب الرجال يقول اذا ارتفعت الحرارة الربع تطفى السيارة يعني ما عنده مشكلة حرارة
والمشكلة من انطفاء السيارةواسبابه:1- طرمبة البنزين:أ-كتاوت الطرمبة او فلتر البنزين او الطرمبة نفسها فيها خلل0
2- الدينمو : تأكد من سلامة شحنه
3- الديلكو: شييك عليه
بالتوفيق

نفس مشكلة سيارتي .. إذا مسكت عليها خط سريع ترتفع الحرارة للربع وإذا هديت ودخلت حواري .. تبدأ تقطع وتطفي .. مع أني ركبت رديتر جديد غيرت بواجي جديدة .. اليوم جيم علي الرمان تبع طرمبة الهوا ممكن يكون هو السبب .. وبأشوف وش يصير بعدين ..

ثاني شي .. ممكن تبويش المكينة له دور لأنها تخرج بخار بكثافة يدخل على الكبليتر ويغرقه زيت مثل ما كان يصير لي وشلته وحطيت له تصريف خارجي

المعذرة لأني ما قدرت أفيدك لكن مشكلتي مثل مشكلتك لكن متى ما صلحتها خبرنا ممكن مشكلتي تتصلح مثل مشكلتك

تحياتي لك

لان الفيوز متصله على طول بالبطارية , واذا صار خلل في الفيوز صار خلل في كل السياره

واخونا فني سيارات منزل موضوع عن الفيوز ,

تحياتي

التماتيك حق المروحه فحصته يمكن انه منها

السلاااام عليكم

اخوي برنس العربيه وش دخل طرمبة البنزين الله يرضى عليك

شوف اخوي صاحب الموضوع

الحراره لها عدة اسباب وصعبه الواحد يقولك عن المشكله بدون مايشوف الموتر

اول مشكله يمكن تكون من البلوف وثانيه مشكله تكون من نقص الزيت

وثالث مشكله تكون من وزن الديلكو

ورابع مشكله تكون من الرديتر انت صحيح قلت انه جديد بس يكون يكون عدد الرصات

اقل انت ركب اربعه الافضل للكابرس والجمس

وبعدين يمكن يكون من السير المروحه يكون مرتخي

انت شيك على هذي الاشياء ورد لنا خبر


اما سالف انك ترش مويه على الرديتر والمحرك ساخن

ياخي انصحك نصيح لاتعملها قد تسبب في تلف الراس حق المكينه

لانه فجئا وبسرعه يرجع الماء من الرديتر بارد على طول يصقع الراس

وبعدين اصبع البطاريه ماله دخل في حاله اشتغال المحرك المولد الكهرباءي يغني عن البطاريه بكامله


بالله التوفيق

خل خويك يسوي اللي قلت لك عليه وصدقني اذا رشيت الموية على الرديتر والحرارة نزلت اعرف ان الريديتر مويته ماهي ممتازة من الاصلية وقلت لك الكوابرس يبيلها مراوح كهربائية صدقني تنزل الحرارة انت موديلك 92 مافي كمبيوتر كثر انا كان عندي 92 مافيها الا هذي المشكلة وبلف الحرارة شيك ممكن تراه يبيله تغيير

يعني أصبع البطارية يسبب مشاكل مثل هذي؟؟

شيك على طرمبه البنزين

وعليكم السلام , هلا ابك اخوي

انا مشكلتي و بعيده عنك , ترتفع الحرارهـ , لكن ما يطفى الموتر

انا انحلت نص المشكلة , وهو كان اصبع البطاريه خربان مرره ما يوصل مظبوط

واتوقع السبب اللي بعده هو الحساس , لان الحساس اذا ارتفعت الحراره يشبك لك المروحه

اما اذا كنت تقول جديد الحساس اتوقع من الفيوز تأكد منها


اتمنى اكون افدتك

:)