يعني يا صاحبي السيارة ما اقلك نظرة اجتماعية ولا غيرها انا ما يهمني نظرة الناس لي بالعكس ودي ما يشوفوني عشان اسلم من عيونهم لاكن العشق عندما تعشق سيارة لا بد ان تتمتع بها ان اعرف وانت تعرف جد المعرفة اني لما اشتري فرضا سوناتا 2010 ما هي زي البي ام دبليو 2000 والفرق هنا 10 سنوات لان المميزات التي تجدها في البي ام ما راح تكون ولا حتكون في السوناتا في القريب الحاظر حتى انا ابغى لما اركب سيارة استمتع بقيادتها لدرجة اني لو نزلت اتشوق متى ارجع لها بس كلمة فارهة تعني بالتمام ما ذكرتة بعد ذلك لما قلت سيارات اوربية والمانية هذي هي السيارات الي تحس انك من جد تسوق سيارة من عددة نواحي
الراحة
الامان
متعة القيادة
وكل شي تحصلة في سيارة زي هذي اما كل الشركات انا اسميها عربيات وما هي سيارات وسيلة نقل متقدمة فقط لا غير تؤدي غرض وشكرا اخوك
البتار
بصراحة خيارات الاستطلاع غريبة عجيبة
يعني مايصير أحد يبغى على سبيل المثال مرسيدس علشان:
1- مواصفات الأمان والرساوة اللي تخليك مسيطر على السيارة في أي ظرف، بالإضافة الى صلابة السيارة في حالة الحوادث لاسمح الله ... الخ
2- جودة السيارة اللي لاتقارن بالسيارات اليابانية والأمريكية واللي تخليني أشتري السيارة ولا أفكر أغيرها عشر سنوات قدام
3- الراحة اللي تساعد المسافرين الحفاظ صحتهم مثلا دعامات لأسفل الظهر للحماية من الانزلاقات الغضروفية المعروفة بالدسك و الأنوار الواضحة والمرايا المانعة للإبهار
هلا اخوي الغالي
احب اشكرك على موضوعك الجميل
تصويتي ذهب الى حب الماركه وحب الشكل للسياره أضيف عليك مواصفاته الكامله
اخوي الغالي سواء شريت سياره غاليه وكشخه او سياره عاديه فتبقى انت الشخص نفسه من ناحيه الاسلوب والمعامله ولكن هناك ناس اذا اشترى سياره غاليه يتكبر ويشوف نفسه (( وهذا اعتبره مريض الصراحه ))
وطبعا اخوي الغالي مستحيل الشخص يشتري سياره غاليه فوق ال200 ألف
وما يكون شي مميز فيها
أعطيك مثال :
اول شي الفئه بتكون اعلى
ثاني شي : بتكون الصناعه اجود وافضل ب100 مره (( كواقع تجربه ))
ثالث شي : تتفوق المواصفات السياره الغاليه على السياره العاديه والمتوسطه بنسبه 90 في الميه (( من ناحيه السلامه وشكل الديكور والتقنيه والكميرات و و و ))
فأكيد الشخص راح يدفع المبلغ وهو مرتاح نفسيا :smile:
والله يا اخوي فيه ناس يكسرون خاطري لدرجه الدعاء لهم
يجيك يشتريك سياره فخمه ومستعمله وتلقى موديلها راح ويشتريها مثلا بــ 120 ألف والاكبر من كذا ماخذ قسط من البنك
(( والله لو يشتري سياره جديده وماركه عاديه سواء كامري او سوناتا او افلون او هوناد او ازيرا او او او راح يكون افضل له كنفسيا ومستقبلا ))
ياخي انت معك 70 ألف احمد ربك واشتر فيها سياره جديده (( [COLOR=red]مد رجلك على قد لحافك )) (( ارض بالواقع )) [/COLOR]يعني لا تسوي فيها انا الكشخه وانا مدري ايش
ولو تقوله ابي سلف 100 نحاش ؟؟؟
وأشكرك مره اخرى على الموضوع الرائع :rolleyes1:
مشكور يا اخوان على الردود و على آرائكم ...
اما بخصوص الموضوع اولا .
كنت ناوي اعرف وجة النظر العامه يعني اخوي الكريم الحين وسائل الامان تقريبا في كل السيارات موجوده ( الاساسية ) ABS ESP وسائد هوائية و غيرها من المميزات السلامة العادية
اتكون في معظم السيارات الفئة فل .
و اسعارها اتكون معقوله .
ثانيا التقنية .
السيدان الحين اتلاقي فيه من فئة نص فل معظم المميزات التي من الممكن تحتاجها في حياتك اليومية من كاميرا خلفية و شاشة و حساسيات
ثالثا الجوده
الحمد لله السيارات الكورية و اليابانية و الامريكية لها انواع معينه من سياراتها فيها من الجوده ما اتخليك اتشوف السيارة موديل 1990 كأنها جديده .
طبعا في كل ماركه و شركه بعض السيارات الزينه و بعضها استهلاكية و شينه .
اخيرا السعر مقابل ماذا ؟؟!!!
هذا هي النطقه اللي ابغي اوصلها للجميع .
يوم اسير اشتري موبايل صيني يكون سعره ثلث سعر الجوال العادية يعني لو كانت الجوالات ب1000 درهم ممكن تشتري نفس المواصفات ب 200 درهم بس صيني ( موديل صيني ) موب صناعة صينية .
المهم
النتيجه اللي راح اتحصلها
اولا الصيني في خطر على حياتك ما في جوده في الارسال يمكن تصاب بالسرطان اسرع من اي جوال آخر لانه اتشوفهم موب عاملين اي ابحاث عن مدى تاثير الموجات اللي تصدرها الجوال
البطارية تخترب اسرع ( حتى انه يمكن يخترب من 3 الى 5 مره تشحن فيها )
انا اخترب عندي الشاحن تبع الجوال خلال 3 ايام .!!!!
جوده رديئه و غيرها
يعني موب مستاهل ان تجازف علشان 800 درهم .
اما يوم تشتري مثلا سوني ايريكسون ويكون سعره 800 درهم يكون ذو قيمة لانه جهاز فيه جودة صنع و مميزات و اي رخيص ( اقل من قيمة النوكيا مثلا ) و بنفس الجوده
الهدف من الموضوع اخوي انك يوم تشتري سيارة اتشوف المواصفات اللي تبغيها في السيارة مثلا فور ويل
اتشوف افضل سيارات الفوريل في العالم .
و اتقارن بينهم و بالنظر الى السعر تقدر تفرق الافضل بينهم .
و في الاخير انشوف بلد الصنع و الماركه .
لانه لو هيونداي تم صنعه في اليابان راح يزيد سعره 20% + لو تم تغير شعار السوناتا الى مرسيدس راح يزيد سعره 100 % ...
و هكذا .
البلد و الشعار و المركه و العمر كلها لها تاثير في رفع و خفض قيمة السلعه .
و احيانا يتم التلاعب بجودة المنتج علشان يزيدون هامش الربح عندهم ( و هذا اتصير عندنا كثير )
يعني يلفتون نظر المشتري بالشاشة الموجوده في السيارة ويوم يشتريها يشوف انه السيارة ما فيها الا ايرباق واحد فقط او ما فيها ABS ....
ارجو انه الفكره وصلت :ch19:
