الخميس 23 أبريل 2026
عاجل

الفزعه يااخوان ........ تكفون ....سياره للعائله

ارشيف الاستفسارات
9 رد 1,157 مشاهدة 10 مشارك الأقدم أولاً
A
Abo Danah @user_212349 · 26-02-2010
السلام عليكم
أولا أحب أن أهنئكم بهذا المنتدى الرائع
وهذي أول مشاركه لي في هذا المنتدى ...... لذلك لاتخيبون ظني فيكم
أنا أبحث عن سياره للعائله كبيره نوعا ما
لأن سيارتي الحاليه صارت صغيره علينا
أنا وأم العيال الله يحفظها والبزران الله يصلحهم
والشغاله الله ......:a1120(121):
بالاضافه الى انها بهذلتني بالخرابات مع اني شاريها من الوكاله أول ما نزل الشكل الجديد
وهي كابريس 2004 ال تي زد
عموما اللي يبغى يشتريها ما عندي مانع


ماأطول عليكم مواصفات السياره اللي ابيها كالتالي :
1- السلامه السلامه السلامه
2- الفخامه
3- تكون ملائمه للعائله
4- القوه وتصلح لطلعات البر
5- قلة الخرابات
6- رخص قطع الغيار وتوفرها


وأخيرا وش رايكم أشتريها من الوكاله والا المعارض


واسف على الاطاله وكثرت عليكم الطلبات لأني واثق من كرمكم
ر
راف فور @user_181035 · 03-03-2010
اخوي تبقى سيارة رخيصة عندك ميركوري ماونتينير 2010 او 2009 بصراحة سيارة على مستوى ويجيك فيها 8 سلندر و 6 سلندر بالتوفيق انشالله
H
Hummer\H2 @user_193957 · 01-03-2010
الله يخليلك عائلتك ان شاءالله
انصحك اخوي بالتاهو رسمي وفخامه وراحه وسلامه وسعه صدر
ومعااك في اي مكان تبغااه سفر طلعات بر ويستاهل سعره
وخذه من الوكاله احسلك عشان العرووض الي عندهم مثل التضليل والشاشه
للاطفال وغيرها وطبعا مو عروض مجانيه بس فيها خصومات
وتقل هالطله
N
Night @user_14595 · 01-03-2010
تم نقل الموضوع من منتدى السيارات العام الى قسم ارشيف الاستفسارات
ا
الاداء التقني @user_209553 · 26-02-2010
ارشح لك اليوكن و تاهو او اشتر ميني فان نفس اينوفا و هوندا اوديسي
أ
أبو ماجد البشري @user_109566 · 26-02-2010
بالنسبه للسعر ورخص السياره وقطع غيارها لاتدوره بالتايوتا إذا ان الهيلكس تتعدى الــ80 الف وعلى إش صناعه تايلنديه ,,إذا تبي فورد ماونتنير 8سرندل فل كامل فتحه شاشة نفقيشن دبل اوتو AWD
مقاعد 3صفوف وهي شبه الأكسبلورر لكنها اقوى وافخم ,,,السياره2007 بامريكا ويوجد لها صور عندي لونها اسود, سعرها بحدود 60 الف
مواصفات وجمال قوه وسعر ارخص من مناسب
A
Abu Saud 91 @user_99488 · 26-02-2010
ارشح لك وبقوة التاهو

والله انه موتر يسوى قيمتة وزيادة

ومريح بالسفر وموتر بر ويكفي لـ 8 ركاب بالراحة
ا
الجبيري1 @user_46346 · 26-02-2010
اولا: الله يخلي العيال وام العيال ؟؟؟؟؟ والشغالة؟؟؟؟؟ويصلحهم ويهديهم يارب,
ثانيا :اطرح لك خيارين باثفايندر 2009 او 2010 او باجيرو ،وانت استخير والله يسهل امرك.
ف
فيكتورياماي كار @user_104629 · 26-02-2010
انا عن نفسي ارشح لك فورد اكسبلورر سيارة عائليه وحازت على التقييم الخمس نجوم وفقا لبرنامج تقييم السيارات في امريكا واكيد بتصلح للبر اذا كانت دفع رباعي وسيارة اعتمادية وتوفر قطع الغيار بالاضافه الى وكيلها ( توكيلات الجزيرة) اللي اعتبره من افضل الوكلاء عندنا بالسعودية وايضا سعر مناسب عند البيع وافضل انك تشتريها من الوكاله اذا عندك سيوله .
وطبعن هذا مجرد رائي شخصي والقرار الاول والاخير لك ولاتنسى الاستخارة قبل كل شي
تحياتي,,
ر
رهيب الرهيب @user_159075 · 26-02-2010
اخوي الكريم انصحك تاخذ تويوتا لاندكروزر جي اكس ار8سلندر واهم شي خذ خليجيه لا تاخذ يعوديه يعني فيه بالمعارض جديد موصفات سعوديه وفيه موصفات خليجيه انت خذ الخليجيهوتقبل مروري
سجّل دخول للرد...