السلام عليكم ورحمه الله وبركاته
كيف الحال جميع ان شاء الله انكم بخير
اول شي الحمدلله على سلامتي امس وصلت من ابوظبي بس وصلت متاخر ولا دخلت المنتدى
انا وصلت لأبوظبي بدعوه من احد الاصدقاء في مجموعه المسعود للسيارات وكلاء نيسان بدوله الامارات
طبعا شفت الموتر وطلبت منهم اجربه بمكانين احبهم اللي هي طريق السريع دبي - رأس الخيمه
والمكان الثاني رمله عوافي طبعا بعد حوارات كثير وافقو بشرط .. ممنوع التصوير واذا احتجت
ممكن يزودوني بصور للسياره لان هذي التجربه شخصيه ولسيت تجاريه ولا ودهم تطلع بس حبي
لهالموتر خلاني اوافق على اساس اني اجربه بدايه طلعنا من فندق اليت في ابوظبي بمرافقه صاحبي
بااتجاه دبي وطول الطريق السياره ثابته ومتماسكه وتسمع تغيرات القير بسلاسه كنك راكب لكزس 460
وصلنا دبي متجهين لراس الخيمه حاولت التجاوز بين السيارات بصراحه انبهرت برشاقه السياره وخفتها
واقدر اقول ان سرعه تجاوب السياره مع دعسه الرجل ورشاقتها افضل من 2009 المهم وصلنا رمله
عوافي طبعا هدفي تجربه السياره على الرمل وهل هي زي الفديو اللي شفته او لا ولكن اقولها لكم
ان الفديو اللي انتشر ماوضح الا 10% من قوه السياره ومرونته وسلاسه حركتها .. طبعا في رمله
عوافي فيه طعس مايرقاه عاده الا السيارات المعدله والمرهمه او تجي شاد عزم من بعيد قلت لصاحبي
بجرب اطلعه لاني حاولت اكثر من مره من الوقوف وماقدرت اطلعه بالكامل طلعت بسهوله مع المحرك الجديد
وصلت لنص الطعس تقريبا وفرملت بشوف كلامهم صدق انه مايرجع ورا او لا وفعلا وجدت الباترول
ثابت وبدعسه خفيفه متزايده السرعه بدا الموتر يكمل المشوار لحد اخر الطعس واعجبتني حركه في الباترول
وهي عند نزولي من الطرف الاخر للطعس السياره ماتعطيك الحريه انك تسرع بالعكس تتساعد معك
للنزول باامان وبسرعه معقوله .. طبعا هذي التجربه كانت سريعه وان شاء الله تكون تجربه افضل مستقبلا
طبعا من الحوارات اللي دارت بيني وبينهم حواري مع كبير مهندسين شركه نيسان وكنا نتكلم عن الباترول
وعن المنافسه قالي بالحرف الواحد هدفنا في عام 2010 منافسه السيارات غاليه الثمن والقيمه
مثل البورش الكايين واللكزس 570 والبي ام اكس فايف وعند سؤالي عن منافسه القديم لاندكروزر
قال انهم في طور تطوير الباثفيندر والاكستيرا لمنافسه الاند في العامين القادميه
منقول
