عندي تاهو LS 2007 4X4 الوالد قبل امس (السبت ) قالي بروح ويا الوالده النعيرية بسيارتك (من الكويت ) , يشترون سمن و تمر و يتمشون المهم , و اهم ماشين بالخط قبل لا يوصلون النعيريه بـ 40 كيلو ولا الله يهديه شايب على عربانه موديل 1900 و حطبه , ابن الحلال شكله مشغول باله بغنمه و ينام على الوالد نومة قهر , الوالد يوخر عنه لين دش بر (الحمدالله كان مخفف) , و يدعم الوالد من ورا على الجنب يمين , المهم اعترضت السياره و تعدلت , محد تعور الحمدالله , دقو تلفون على النجده و الشايب جاه ولده و راحو يقدرون قيمة التصليح , الكراج قال 1200 ريال و الكفر (rim ) انكسر بس السيارة تمشي قال 800 ريال , قال الشايب اعطيك على الكفر 500 ما عندي غيرهم قال الوالد خن امشي بس فكني , الحادث صار الظهر ما خلصو الى على صلاة المغرب , و اخذ من الرجال 1700 ريال (حوالي 130 دينار ) .
مريت امس ورشه ممتازه عن تجربة اخوي و ربعه بس شوي غاليه و المواتر الي يصلحون عنده داخل مثل ( CLS 2008 , VXR 2008 ,lexus gx 430 2008 ) و مواتر سنعه بس هالمواتر مو معناته انه ممتاز راعي الورشة نفسه كويتي يشتغل فيها و يشرف عليها , وديتله الموتر قالي راح يبطل الديكور من داخل و تعديل الحديد بياخذ فترة لأنه بيعدله بدون معجون , بيصبغ الباب و جنب السيارة و الدعامية الخلفيه , الشغله بتاخذ اسبوع و بتكلف 180 دينار يعني حوالي 2400 ريال و بيعطي السيارة بوليش , المهم الوالد شوي معصب يقولي ليش ما شفت ارخص قلتله الموتر جديد ماني قاطه على بو بنغل يدمرلي الصبغه بموتر موديل 2007 الموتر موتر عمر ماني مرهم فيه شي , المهم :
هل يقدر يرد السيارة مثل ما كانت بدون معجون او ترهيم مع العلم اني شايف شغله على سيارات ثانيه و سيارات فخمه شغله كان خيال؟
الحديد اذا انعوج شلون يرده على القياس الاصلي مو كأنه الشغله جدا صعبه تضبطها ؟
