200 صورة لرحلة مطيّنة بستين طينة بتاريخ 5-1-2010 الى جبال سرغايا – ريف دمشق

والله خجلتوني يا جماعة

وبنفس الوقت نسيتوني كل تعبي في إخراج هذا التقرير

وحمستوني لمزيد من التقارير المحترفة المطولة في رحلاتنا القادمة

وجزاكم الله كل خير

السلام عليكم

تم الموضوع الي المجلة الالكترونية الخاصة بالموقع والنشر خلال ايام

www.assayyarat.com

وتم وضع هذه الصورة كغلاف للموضوع

مشكور على المعلومات وعلى التفاعل الايجابي مع الموضوع



ياسيدي الصورة يللي انت حاططها هي يللي محترفة
شكرا على المرور

ماشاء الله تقرير اخراجة محترف

عزيزي متل ما ذكرت في كلامك الكرة الهوائية حل مطروح ويكون نافع في مثل هذه الظروف فقط وفقط اذا (حلوة هي :smilie16: ) وضعت تحتها لوح خشب يوزع الضغط الناتج عن ثقل السيارة على الطين اللي تحتها (بس هل الكلام قبل ما تصير السيارة على وجه الطين :rolleyes1:) او بتحفر على حجم اللوح وتحطه وتحط البالون فوق منه (وللعلم التوتر السطحي للطين عالي يعني لو حققت سطح تماس كبير بيقدر تحمل ضغط اللوح دون ما يغرق (مبدأ دافعة ارخميدس ) هذا في اسوأ الأحوال وبعدين بترفع السيارة من الامام وتحط حجر او أخشاب وكمان من الخلف نفس الموضوع وبتتوكل على الله وعلى السيارات التانية اللي معك .الألواح اللي حكيت عنها كمان تنفع في حالة الطين واعتقد اني شفتها باحد الدعايات (بس للمصداقية كانت دعاية ) وانا ما جربتها لكن على نفس المبدا لما يزيد سطح التماس مع الارض بتكبر المقاومة وهل الشي بيتعلق بمدى لزوجة الطين نفسه (مشكلة الطين انه بتواجد بلزوجات مختلفة وسماكات مختلفة) :c0214:
في طريقة أخرى بتقوم على نفس المبدأ بس متعبة شوي :bigggrin:
بتجيب الكريكو (رافعة السيارة) مع لوح خشب سميك وكبير قدر الامكان وبترفع اطار واحد وبتحط تحته ألواح خشب او حجار وبتعيد الكرة مع الاطارات الباقية وبعدين بتشيل الرافعة وبتستعين بالله وانشالله بتطلع (فكرة سواق ختيار (شيبة) ) :emot196:.
هذا مجرد راي وبانتظار نقاش الشباب وتجاربهم .:xyxwave:

بتشكرك باش مهندس ابو عبد القادر على معلوماتك العلمية الدقيقة

طيب معناتها الحل الوحيد هو التركتور؟؟

طيب بركي المنطقة مافيها تركتورات؟؟

طيب في عدد او وسائل مساعدة للخروج من هكذا تغريزات؟؟

لانو الرفش او الكريك مهمة صعبة جدا والكرة الهوائية التي تنفخ تحت السيارة بواسطة الشكمان لن تكون مجدية بالطين، صح؟؟

طيب شو نعمل؟؟؟

كان في احد الشباب نزل مرة موضوع بخصوص الواح معدنية ضيقة عرضها بعرض عجل السيارة وطولها تقريبا مترين توضع تحت عجلات السيارة وفورا تصعد السيارة فوقها وتتجاوز التغريز

التجربة كانت بالرمال فهل تصلح هنا

ويوجد محل بدمشق يتوفر لديه هذه الألواح فهل هي فعلا ضرورية؟ وفي أحد جربها؟

فما رأيك؟؟ دام فضلك؟

اعتقد بخصوص الونش ان معظم تجارب الشباب مظبوطة لكن في الأرض الرملية
في البر السيارة تغرز لكن غرز الرمل غير غرز الطين غرز الرمل بيكون من أمرين
1- السيارة تجلس في ارضها وتفحط بدون ما تقدر تتحرك (لضعف في المحرك - جهل السائق - عدم مراعاة شروط السير في الارض الرملية )
2- بسبب خطأفي القيادة (يجد السائق نفسه مع السيارة معلق في الهواء وتوايره الاربعة بتلف على الفاضي وارض السيارة على الرمل مباشرة)
اما تغريز الطين فينشأ عن لزوجة الطين وقدرته على الالتصاق والتميع تحت العجلات مما يسبب غوص السيارة بما يشبه الرمال المتحركة واي محاولة للخروج تعني زيادة في حجم المشكلة (اذا احد شاف البرامج العلمية تبع الحيوانات لما تعلق بالطين بيشوف انه ما الها طريقة للخروج وبتكون نهايتها محتومة وسريعة بقدر محاولتها للخروج)
أخيرا من وجهة نظر مهندس مدني وفي علم الاساسات يوجد شيئ اسمه الاوتاد (البايل ) او الخوازيق
الاوتاد هذه تدرس في التربة الرملية بشكل مختلف تماما عن دراستها في الترب الطينية وذلك بسبب شي اسمه عامل التماسك المساوي للصفر في حال الرمل واللذي يشكل قوة لا يستهان بها في حال الترب الطينية (تخيل معي انك تدق وتد في ارض رملية ووتد في ارض طينية اي من الوتدين يحتاج مجهود اكبر ليحقق الغرز المطلوب ؟؟؟؟ أكيد الوتد المدقوق في التربة الطينية !!!! لماذا ؟؟؟؟ بسبب قوة التماسك )

على كل الونش يكون اداة فعالة في حال ثبات الطرف اللذي يستند اليه الونش كأن يكون شجرة او صخرة او وتد او اي شيئ ثابت (وهذا ما نراه في حال تسلق الصخور بواسطة السيارات المعدلة حيث يتم ثبيت نهاية الونش على صخرة مثلا والبدء بعملية السحب .:c0214:
اشكر الجميع على سعة صدرهم وتقبلو فكرتي .:xyxwave:

شكرا اخي العزيز وفعلا والله عم اهكل هم التقرير
انا وباقتراح من احد المشرفين الكرام اضطريت بللش بالموضوع في منتدى الشكاوى على اساس انو هنيك ما حدا بيفوت غير صاحب العلاقة وبللشت كل يوم نزل شي عشرين صورة على 5 ايام حتى انتهى التقرير

وكانت الفكرة معقولة

يعني احسن بكتير من قعدة وحدة 10ساعات لحتى تنزل التقرير

ويلا عميل همة لنشوفك هون

وشكرا على التقييم



وانا هيك عم قول انو السيارة يللي عليها الونش رح تنسحب باتجاه السيارة المغرزة

بس بقية الشباب هون بالمنتدى عم ياكدوا انو الونش هو الحل الوحيد

وطبعا التركتور قوة لا يستهان بها بتاتا وفي حال توفره رح يخدم تمام بس ماذا لو كنا بمنطقة مافيها تركتورات؟؟

وشكرا على معلوماتك

علشان موضوع الونش
حسب تجربتي الشخصية ومن منظور علمي
اذا السيارة المغرزة في الطين ما تنسحب وبالعكس بتسحب السيارة اللي عليها الونش
لان احتكاك السيارة مع الطين اكبر وخصوصي ان البدي على الارض والسيارة اللي بتسحب على أربع عجلات بس طبعا السيارتين من فئة وحدة تقريبا ,اما لو كانت السيارة المغرزة صغيرة فالامر ممكن ,الحل الوحيد هو الاستعانة بجرار او تجهيز السيارة لهيك ظروف بمعنى رفعها وتزويدها باطارات خاصة لهيك حالات لأن الاطار العادي بهيك وضع بيخرس يعني اسنانو تنملى طين وبيصير املس . ولتشوف تجهيزات السيارات شوف سيارات الدفع الرباعي الاسترالية كيف بيعملوها .

يسلم هل الايدين
جهد واضح في الاعداد
وانا معك في نقطة نشر التقرير (لازم يتلاقالو حل مع العدد الكبير للصور)
أخذتنا معك لعالم تاني أنا صرلي خمس سنين ما شفته
ذكرتني بتلجات كسب وصلنفة

ألف شكر صديقي
ومني خمس نجوم ولو في اكتر بتستاهل

اهلا وسهلا والموضوع موضوعك خود راحتك



مشكور اخوي والصحة تلازمك دوم



مشكور اخوي

وفعلا التقرير اخذ جهد كبير

لهيك انا قلت بأخر التقرير انو ياريت الادارة تقترح طريقة عملية وسريعة لتنزيل التقارير باقل جهد ووقت

وكما تلاحظ من خلال تواريخ الصور انو انا منزل التقرير على 5 ايام غير الايام يللي قبلها باستلام الصور وفلترتها وترتيبها وتصغيرها

شكرا على مرورك الطيب

يااااا الله ,,, يا اخوي / الباجيرو

من جد رحله رائعة وتقرير متعووووووووب عليه ومافيه احد راح يعرف الجهد والوقت اللي بذلته من اجل تنزيل هذا التقرير

ما اقول الا الله يعافيك ,,, واحلى تقيييم لا احلى تقرييير :)

ماشاء الله تقرير رائع و طبيعه اروع الله يديم عليك الصحه و العافيه

لاحول ولاقوة الا بالله
الحمد لله على كل حال
لسا ماشفت شي
تقبل مرروري
حب للاطلاع على تعليقات الأعضاء على موضوعك المميــــــــــــز

تحيـــــــــاتي

مشكور على مرورك الطيب والغالي

ماشاء الله حسيت اني معكم بالرحله

تقرير رائع واكثر من رائع

سبحان الله الشام طبيعه خلابه:smilie16:

10000 الاف مبلغ كبير على سياره لمدة سنه

الله يعينك ويصبر عليك .. بس اللكزس كم يدفع؟

ونسيت اعقب على سالفة ان الباجيرو بـ 360 الف وضرائب سنويه تقدر بـ6700

بقيمة الباجيرو هناك اقدر اخذ لي مرسيدس بانوراما 2009 او لكزس 460 2010

بس الي مستغرب منه الان وودي اعرف كم طلعت قيمة جيب اللكزس وكم ضريبته؟

الله يعينكم اجميعين ويارب يلغو نظام الضرائب

انت قلتها

الحمد لله على كل حال

بس ملاحظة بسيطة

بأن الموظف العادي عندكم بيقدر يشتري باجيرو ويتحمل مصاريفها وممكن يكون عندو اكتر من سيارة بس هون صعبة شوي

لهيك مع كل هذه الضرائب الا اننا فعلا سعيدين ومبسوطين بما قسم الله لنا وبما يمنن علينا من نعمة الأمن والأمان والرخاء



لهيك متل ما بيقولوا عنا كل واحد يمد بساطو على قدر رجليه (هو هيك المثل)

واشكر تفاعلك