وش أفضل كفرات للتاهو

شاكرين مروركم يا شباب

بريجستون بريللي ميشلان في الصدارة

والبقية ينافسون بعضهم على الفشل

بالنسبة لي انا افضل الجوديير من ناحية السعر و الجودة
جربت الميشلان و بعد تقريبا 7 شهور طلعت فيه انتفاخه ( حبب) :emot18:و غيرته على طول خصوصا ان عملي يبعد عن البيت 45 كم و ركبت يوكوهاما و اخوي ركب جوديير و ماشاء الله الأمور طيبة

والله يا أبو دانه ما أقدر أفتيك

بس الهانكوك مو شين أبد إذا كان نفس المقاس وخصوصاً بالسعر الموجود

^^

بارك الله فيك اخوي ابو دانه

[ سهمي نازل ]
هلا والله ،
غاز النيتروجين يحطونه بدل الهواء العادي وله فوائد كثيرة منها //
الأطار بارد أثناء القيادة << يعني ما يحتر وأنت تعرف أكثر مشاكل انفجار الأطار
بسبب الحرارة وكمان يثبت ما ينقص مثل الهواء العادي كل شوي وأنت تعبي هواء ،
وغيرو من الأيجابيات ، إذا كفراتك ممتازة روح لأحد محلات الكفرات الكبيرة
وعبي من هناك الكفرات الأربعة بـ 100 ريال ،

خلاص يا شباب انا ناوي اغير التواير الى مشيلان
وشا رايكم
مقاس الجنط17
لا تبخلو على في ارااااكم

^^

ابدخل عرض وشو النيتروجين هذا ؟

^^^
صح كلام الرجال يا أبو اياد كفرات قوديير وضعها مو مضبوط
<< ناوي يشب :bigggrin:
مبروك الكفرات بس مالك داعي تركب وتترك ابو دانه بدون كفرات :smilie20:
أنا استقريت على الهانكوك بـ 2000 ريال الطقم مع النيتروجين والترصيص
لأن الباقي نار وانا ماني عارف وضعي بسافر وبيجلس الموتر واقف وبتروح الكفرات !
بونس *// لقيت بريجستون بـ 3000 ريال للطقم وهالنوعين ارخص الموجود [ أيش رأيك ؟ ]

خلاااااااص شريت لا تحسفني :c0038:

وبعدين الموضوع له 19 يوم وينك ما رديت علي :tongue:

ألف شكر على النصيحة ونتمنى الإستفادة للي بيمرون على الموضوع

الجود يير هذي تاتي للسيارات الامريكية وحسب التجربه لها انصحك انك لاتستخدمها
اول شي غير ثابته بالطريق لما تعطي السيارة ريس وعلى منحنى تحس انها تمشي كانك تفحط
ثاني شي ماتعيش معك كثير حدها سنة وبتشوف الثقوب ظاهرة

المشيلان طراز رائع ومريح وكان احد الخيارات بس خبرونا انه موديل 2009 مو نازل بالسوق

ونحن نستخدم يوكوهاما للاندكروزر+الدودج نايترو+626 والحمدلله مرتاحين معهن وفي الطريق ثبات وبدون اي صوت ورحنا الى صلالة فيها ومرتاحين على سرعة 200 وموحاسين فيها بشي
ونحن ركبناها من بهوان البريمي بقيمة 200ريال عماني اعتقد سعودي 20000
وطبعا النيتروجين ببلاش عطونا اياه وقيمة الكفر الواحد 50ريال عماني

والتواير الكورية مو مقتنع فيها

وعلى طاري الحساسات واحد من اهلي بنشر عليه الجود يير ومااعرف ايش السبب مع انها جديدة وماكانت مكملة سنة ولما راح البنشر كسر عليه الحساس

الحمد لله تم تركيب طقم أربع كفرات

المقاس 20/285/50

النوع قوديير

الوكيل : الراشد

نفس حق الوكالة بالضبط

مع الترصيص (لزق) مع النيتروجين مع وزن الأذرعة بمبلغ إجمال وقدره 2600 ريال

حسب علي الكفر بـ650 وباقي الخدمات مجاناً

وسبب تركيبي القوديير لأن صاحب البنشر اللي قلت لكم مركب الهانكوك مقاس كبير حصلته مغير كفراته لقوديير ( فقلت ما بدهاش ) هو أبخص بكفراته

وأتمنى من الإدارة قفل الموضوع لأن أخذ وقته الكافي مع الشكر لهم

يا سلام عليك , إيوه أنا أبغى ناس مجربه بيعطونا الراي السديد بناءً على التجربة





شكراً على التنبيه وشكلي بأقعد جنب البنشري عشان ما يخررب الحساس:wavey:

أخوي .... في حاجة يجب الحذر منها

وهي حساسات الكفرات

كثير من البناشر لا يعلم بوجود الحساس عند تغير الكفرات ....



و اذا اخترب الحساس .... طبعا انت الضحية :a1120(82):

شف بكم سعر الحساس الواحد و هذا اذا ما احتاج الموضوع اعادة برمجه

نحن عندنا جمس

و جربنا البيرللي
و جربنا القود يير

بصراحه القود يير احسن و افضل

رحت له وأنا مسوي فاهم بالترصيص

قال نسوي لك الترصيص اللي تبي

لزق , أرضي , عادي

عاد أنا تورط قلت وش أفضل ؟ قال أفضل شي أرضي , وش رايكم

بالنسبة لتاريخ الصنع فبيعطيني كفرات تاريخ صنعها قريب لأن لقيت عنده شهر 5/2009 ورفضتها وقال نطلب لك تاريخ جديد

وأبشر بالتقييم

والمحل بالجنوب بالريا ض بالغرابي أتوقع تلقاها بسعر أرخص

مبروك مقدما .....

بس تأكد من التاريخ ... (تاريخ التصنيع)

و في انتظار تقيمك لهم ..... (لاني ناوي أركب نفس النوع)

وبالمناسبة ... فين هذا المحل ...

الله يعطيك العافيه يا أبو معاذ

ولا نستغني عن نصايحك

بس وش مشكلة الترصيص العادي , يخرب الجنوط ؟