السلام عليكم ورحمة الله وبركاته
مساء الخير / صبااح النوور
اخواني انا اول شي راح اعطيكم التجربه ثم طالب مساعدتكم تشوفون لي حل
بالنسبه لسياره A5
الحقيقه اني شفت واحد من اخوياي شرا وحده 2008 عايدي بس فيها مواصفات كامله ماعدا الفتحه <<<طبعا مواصفات عاديه
وشفت الكررف اللي جاها بحكم ان طلعاتنا دايما عليها
والله المووتر صاابر معه مع انه مايعترف بشي اسمه محافظه مثل مطبات ياكلها انسى يهدي عندها وثانيا يفحط عليها بس مو دائم واذا شغلها مايحميها شغل وحرك
والصراحه الموووتر كان وقتها طايح من عيني لانها صينيه مع انها كانت عاجبتني
المهم انا كان معي فوورد ماركيز 2002 صدمت فيه السنه اللي راحت
بعدها صلحته وكرهته وقلت للشايب شووف لك دبررره الموتر ذا ما ابغاه
المهم انه فكرت في كذا مووتر بس كانت وقتها فلوسي محدووده جداا بحكم ظرووف الوالد
وفكرت في سياره سعرها بسيط وتكووون تقسيط:bigggrin:
طبعا فكرت في المستخدم بس مع التقسيط بيطلع غااالي مره
فوقع اختياري على سوناتا ، ال انترا ، اكسنت ، تشيري A5
طبعا السوناتا ماحولها غبااار بس طلعت بالتقسيط علي غااليه
وال انترا ممتازه بس شكلها الجديد مادخل مزااجي <<<يتشرط هوو وجهه:tongue:
والا كسنت قد جربتها ايام الايجار مشكلتها خفيفه عالخط ولا هي حماار كررف<< حظك والتعبير
والتشيري A5
صرااحه دخلت مزااجي مع ان الشايب ينصحني في غيرها
وشاااءت الاقدرا اني اخذ الa5 تشيري
وبدت المعاناه من يوم دفعت العربون حق حجز السياره
وانتظرت الموتر يجي من الرياض لانه تماتيك و الموتر اللي كنت حاجزه اخذه واحد كااش <<مافيه احترم للزبون
جاء المووتر وحووسه مع ذا المرور الين طلعت الليوحات واخذنا تفويض من شركه التقسيط الي مقصده علينا <<لان الوكاله يقولون دفعه اولى 7000 او شي قريب منه
المهم واول ما حركت من الوكاله تطفي :bigggrin: <<<<يالله فااتحة خير مع اني قاري المعووذات
طلع السبب البنزين يعني ماكان فيهم حياء يعبون 5 لتر توصلني اقرب محطه
المهم رحت جبت من المحطه وعبيت بنفسي <<<<<ياصبررري:bigggrin:
ويوم وصلت عند الاشاره اللي قبل الحي ويعلق الزر اللي في القير اللي تضغطه وتعشق<<<معرووف يا دؤووب:mad1:
رحت وقفتها عند البيت ودقيت على مدير المبيعات جاء بسكروب وقام يدقدق فيه الين طلع <<< دفش
واخذها ورجعها الوكاله <<< وجاتني ضيقه ذاك اليوم وتذكرت قصيدة ناصر الفراعنه
ان قام حظك باع لك واشترى لك *** وان مات حظك لا باع لك ولا شرالك
واليوم الثاني اخذتها العصر وجبتها البيت وبديت اكررف فيها مشاااوير <<<بحكم اني راعي لفلفه
الين ما مشيتها الف وبديت افكرر استعرض وجيت اظلل الموتر اسود كتمم كاامل ولون السياره اسود والتغبيره ماهي واضحه بس كويسه وغسلت الجنوط والكفرات واجيك بلمع خااص والمع الكفرات
واليوم الثاني الصبح تاخرت في القومه بحكم اني اوصل اخوي الصغير المدرسه
واجيك ماااسك الكتف وداااعس المهم وتجيك صووت طقه عاديه في القزاز الخلفي بس ماعطيتها انتباه وثواني بس والا اسمع انفجااار في السياره<< كاني ايام العيد ومنطلق من جنبي قنبله
واوقف على جنب وانزل اشووف الا الكفرات مافيها شي وهذا كان ظني المهم اركب واشوف القزاز الخلفي يطلع منه صووت والتفت الا القزاز الخلفي متشطب<<يعني شظايا
واحمد ربي ان التظليل كان موجود والا كان تناثر القزاز علي انا واخوي المسكين مفجووع صحيته من النومه
طبعا وديتها الوكاله قالوا يتحملها التامين والتامين قال هذا يمكن خطا مصنعي
ووالله مدري من اصدق ومن اخلي <<<والظاهر انها عين والله العالم
واجلس يارياجيل قرابه اسبوعين وانا سردادي مردادي عالوكاله والقزاز ماصار فيه شي ماسكه التظليل
المهم مدير الصيانه برر لي السالفه انه القزاز يتمدد وانته بتظليلك هذا منعت التمدد عنه وانفجر المهم سلكت له لانه والله كبر ابوي والا والله لو اني ورع في الابتدائي مابصدقك
لان القزاز مايتمدد لانه ينفذ الضوء من خلاله ثانيا كل الشعب السعودي مظللين واموره تمام ماجات علي انا
المهم دفعت حق القزازه الخلفيه 237 ريال ركبتها بر لان الوكاله غاليهيعتمدون شغلم بالساعه
وبعدها استلم الموووتر كرررف ورووحات وطلعات حتى اني ادخل فيها البررر وماشيه معي قرابه شهرين ومشيتها 6000 كم وبعدها يوم الربوع وما ادراك ما يوم الربوع
طالع ابغى الحق اخوياي في القهوه عشان اتابع حفل اعتزال الكابتن حمزه ادريس
المهم رحت اقرب بقاله عندنا ابغى اصرف 100 ريال وبرجع المهم قبل لا اوصل البقاله شفت عيال الحي متجمعين قلت خلني استعرض والعب الانوار الاماميه والكشافات وتوني عند باب البقاله ويجي ولد عمره 15 سنه سارق سياره ابووه ورايح يشتري المهم الولد دق ريوس الين ما صدم سيارتي ويوم صدم دعس بنزين ومعاه فاان
جيت اشوف الا الرفرف الامي الايمن فيه طعجه <ضربه <<<مع ان الصدمه جاامده
والقزاز حق الكشاف الايمن انكسرر والكشاف شغال
المهم كلمت الشايب وقالي خله يروح والعوض مامنه خير وانا ابووك <<وانا لو الود ودي ضربت الورع وما افكه الين مايصلحها وكاله بعد:bigggrin:
جاني ابوه وسامحتهم ومغبووون لان يسامحتهم
المهم عدت الليله ذيك واليوم الثاني الخميس كان فيه طلعه مع اخوياي طلبوني اهلي اغراض وجبتها ويوم جيت بطلع اخذ واحد من اخواني موتري يبغا يجيب اغرا من البقاله اللي صدمت فيها وانا حاس ان الروحه ذي مابتعدي علي خير
المهم ويدق علي قال تعال الموتر مايعشق وطافي الحين
قلت يالله سترك
وارووح والاقي القير فيه بلا مايعشق الا R و N بس وال D ,P العايدي مايعشقون
المهم دقيتها ريووس الى البيت <<<ثبت شكلك :a1120(86):
ومرني واحد من اخوياي وطلعت
ويوم السبت جاء مهندس من الوكاله شافها عند البيت قال هذا الكيبل حق القير
المهم قعد يلعب في الكبوت شوي وتعشق السياره <<<امااا؟
انا استغرب صراحه قالوا حنا بناخذها الحين وبنغير لك الكيبل
وجيت اليوم اكلم المدير حق الصيانه قال طلبنا لك كيبل من الرياض وبيج هاليومين
طبعا رحت للشايب وقلت شووف لك صرفه مع ذا المدير ماودي اتهوور واخبزه في وسط مكتبه وهو اكبر مني<<مسوي محترم
المهم كلم ابوي المدير وقاله لا ولا يهمك حبيب البي عن قريب راح نصلحها لك ونسوي لك صيانه ال5000كم مره وحده
الحين ابغى منكم تنصحوووني وش اسوي لاني والله احترت
اخوي يقول رجعها وخذ صني من نيسان عليها عرووض والخ
لكن والله ماودي اتسررع
في النهايه اذكر لكم المزايا والعيوب في السياره نفسها والوكاله
المزاايا/
1- عزمها وتسارعها ممتاز جدا مع انها 4 سرندل
2- في الخط تمشي 200 وثبات ممتاز طبعا ماتمشي اكثر من 205 وطبلونها 230 <<قهررر
3-فيها مواصفااات صراحه خياليه <<والله خطيرين الصينيون والصينيات :bigggrin:
مثل القزاز الاربع ينزل اوتو من ضغطه وحده ويرتفع بالريموت اذا نسيت القزاز نازل
4- اقتصاديه في البنزين نوعا مابشرط انك ماتدبل لها بنزين على غير فايده
5-صغيره وتنفع وقت الزحمه
6- فيها مانع انزلاق ممتااز جدا حتى ايام المطرر <<بعكس الفووورد والله قبل كم يوم حاست علي اكلت تبن الين وقفتها
7- كنت متوقع يوم صدمني الولد ان الكبووت بيدخل داخل وبتروح عجينه <<بحكم المقطع اللي انتشر عنها في اليوتيوب من وسائل الامان
لكن والله لا باس بها
عيوبها
1- صيانه جيده لكن خدمتهم بطيئه وفااااشلين ولا يقدرون الزبون ابداا
وفيه معلومه حبيت اتاكد منها
صحيح ان مكينتها وقيرها وعدتها ميتسوبيشي والبودي حقها الماني ؟؟
اخواني ادري اني طولت عليك بس اعذروني والله مغبووون وولي يومين محبووس في البيت
منتظر ردوودكم واتمنى ردود تعم بالفائده لي ولكم
:bigggrin::bigggrin:
