قناة السيارات
بسم الله الرحمن الرحيم
السلام عليكم ورحمة الله وبركاته
اتمنى انكم تفيدوني عندي مشكله غريبه في موتري (كراون فيكتوريا) الموديل 2002
صرت لما ادوس الفرامل مرات تولع لمبة البريك (لمبة الجلنط) مع العلم ان الفرامل
مهب قويه زي قبل ظعفة شوي وآخر مره شيكت على الفحمات في أواخر رمضان
وكانت ممتازه
أتمنى انكم تساعدوني بلا كل اسبوع امسك عليها خط رايح جاي الله يستر بس
اتوقع والله العالم ان زيت الفرامل ناقص عندك
والله ممكن
يعطيك العافيه على ردك ونشوف أهل الخبره وش يقولون
نفس المشكله عندي ، بإستثناء ان لمبة البريك تولع ..
لكن بأنصحك بأنك تعمل حاجه وبعدها يصير خير ..
رح لورشه محترمه وخله يشيك على الهوى بالفرامل يمكن يكون فيه هوا بأحد الفرامل بحيث انه عند دعسك للفرامل مايتوزع الزيت 100% وترا انا دايم اسوي هالطريقه كل شهرين او ثلاثه ..
طبعا انا اشك ان احد الكليبرات يبيلها اصلاح ، لكن انت جرب وماراح بإذن الله تخسر سوى عشرين او ثلاثين ريال ..
وبعدها علمنا وش يصير معك ياقمر ..
والله كل شي جايز
ان شاءالله خلال هاليومين اجربها
هذه المشكلة تحدث كثيرا
ويكون الزيت دائما ناقص
زود زيت الفرامل وانظر للنتيجه
قد يكون زيت الرامل ناقص عند او اتحتاج الى تغيير الفحمات وقد يكون هناك هواء موجود ويحتاج الى تنفيس وتخريج الهواء
و الله اعلم
للمعلوميه اذا تكرر وجود الهواء بالفرامل ، وكانت علبه الفرامل والباكم جيده وما فيها عطل ، فأنه يجب تركيب اصلاح جديد ومن الوكاله للكليبرات ..
تحياتي
رد مع اقتباس