أعزائي بنسبة لقير CVT فصوته عالي فقط في l4 أما الـ V6 فهو هادئ
و أنا من قبل كنت أعتقد إن الـ V6 مزعج كما هو الحال في l4 و لكن بعد التجربة فالقير في الـ V6 سلس بشكل أكبر بكثييير و ناعم و صوته خفيف حتى لو كانت السيارة باردة ( أقصد لسه ما سخنت )
نرجع للموضوع إذا أنت ناوي على كامري XLE فإنت ناوي على كامري أمريكي كامل المواصفات و حتى مواصفاتها أعتقد تتفوق على الألتيما
أنا مرة من المرات شفت وحده و صراحة أنهبلت من الداخلية مافيه شي مافيها
لدرجة حتى التحكم بالمكيف من الدركسون و أعتقد فيها هياتو و مقاعد جلدية و بلوتوث و شاشة من أروع مايكون و تحميل 6 سيديات و المرايات الجانبية تنسفط أليا
و لكن الشكل الخارجي مو ذاك الزود
و الألتيما أجمل بكثيييير
أتوقع حسب ما أرى .. المواصفات تتفوق فيها الكامري XLE أمريكي
الشكل الخارجي تتفوق فيه بكل جدارة الألتيما
الداخية للكامري بدون منازع
العزم : التيما بالطبع علما بأن الكامري الأمريكي مو مثل قوه الأوريون حيث إن عدد أحصنة الأوريون عندنا أكثر من أحصنة الكامري الأمريكي الستة سلندر حسب ما قرآت
التنسيم و عزل الهواء لم أجرب الكامري و لكن الألتيما عزلها ماشاء الله قوي جدا و حسب تجربتي أفضل من الكامري الجديد السعودي
القير و المكينة : أتوقع كلها نفس الجوده و إن كنت أرى جودة الألتيما في هذا الموضوع اعلى
في النهاية أنا بالنسبة لي سوف أختار الألتيما أولا لأن بيكون عليها ضمان و سعودية و شكلها الخارجي أجمل
و لكنني أنصحك إذا تبي الفخامة و مواصفات لكزس خذ كامري XLE V6
طبعا عشان البعض لا يلتبس عنده الموضوع أنا أتكلم عن داخلية الكامري الي تجب مثل هذي الصورة
http://www.theautochannel.com/news/2007/04/12/043570.2-lg.jpg
لا تستغربوا ترى الي شفتها و ركبتها مثل هذي :)
عموما عزيزي أتمنى لك التوفيق في الأختيار
و مبروك مقدما
