ماركيز امريكي

اخي إذا تبي ماركيز 2007 GS ماشي 48000فقط السياره بطافه جمركيه وليست من صاله جايبها واحد اعرفه يتخير سيارات شبه وكاله ,,وكذلك فيه 2005 ماشي 74 الف,
السياره بمينا جده وسعرها 52الف ويوجد صور لها عندي لونها ذهبي فاتح
إذا تبيها ممكن ارسل لك صورها على الإميل

انا عندي امريكي 2001 والحمد لله توفقت فيه ..

:xyxthumbs:

اهم شي اشتر جديد مو قديم لان القديم زباله زباله اسمحلي

بالتوفيق

تحياتي

تبي مستخدم أخوي غير الأمريكي لا تدور:c0038: تراه زين:xyxthumbs:
أكلمك من واقع تجربة ماركيز 2008 LS فل أوبشن:ch19:

أنا استخدمت ماركيزين 2008 فل الأول ماشفت منه الا كل طيب ولكن بعد ما صدم فيه الولد وأعدم كل وجهه وصلحته وبرضه مشى معى وبعته بسعر طيب مع أنه مصدوم واللي شراه عارف بذلك فوالله الذي لا اله الا هو اني بعته ب 64000 ريال وزدتهن شوي وطقيت لي نفس اللون (سمني) وفل ولون هلويز وماشاء الله أخو الجديد.

توكل على الله وافحص الموتر كمبيوتر وبودي وهيكل وبوية وقير...وخذ معك واحد خبير أو سو زيي اذا ودك وخذ ميكانيكي تعرفه ب100 ريال وحتى لو ما شريته ولا حسوفة دفع دم قلبك وقولت يا ليت ولا تستعجل ويخمك الموتر ويطير قلبك، وبد لك 3 ثلاث مواتر واختر أطلقهم حتى لو زاد شوي وسو الفحوصات والمعاينات اللازمة واستخر وتوكل على الله فالأمريكي دائما داخليته وخارجيته نظيفة وغالب السعودي وسخ من الداخل وياللأسف وأنا ما أعمم ولكني شفت موديلات حديثة جدا وكثيرة وكأنها مكروفة سنين، وين تقدير النعمة!

لا فرق بين الامريكي والسعودي كلهم سواء، اللهم الا ان السعودي يجي شكمان فتحتين والامريكي فتحة وحدة (بعضها تجي فتحتين)، السعودي فيه فتحات تكييف خلفية، والامريكي لا، وانا معي ماركيز امريكي 2004 والحرارة تمام تمام.

كثرة الاستفسارات لكثرة انتشار السياره وكثرة من يمتلكها وهذا دليل النجاح

على كذا التشيري الصينيه مفي ولا استفسار عشانها جوده يعني؟؟ ولا عشان مالها انتشار!!

على العموم الفورد امريكي او سعودي اذا لقيت نظيف نظيف استخير وتوكل على الله

انا افضل الامريكي لان
شوارعهم ماهي مثل شوارعنا تهربد السيارات واجوائهم لطيفه على السياره وليست مثل اجوائنا الحاره
واستخدامهم للسيارات هادي ومشاويرهم قليل بسبب اسعار البنزين

السلام عليكم

إسمح لي أخي فكتورياوي ! أنا لست معك فيما تقول !!

الفورد والميركوري سيارات عملية جدا وصيانتها سهله وقطع غيارها رخيصة .

والرجال يقول انه ناوي على 2007 ، ماقال على 1991 مثلا !

انا استخدمت فكتوريا 95 وجلست معي 3 سنوات وماقالت شي وبعتها واللي خذاها يدعيلي للآن .
وكذلك استخدمت ماركيز 2002 فل كامل وجلس معي سنه .. وندمت اني بعته .

أنا أقول للأخ الصعيب .. الجراند ماركيز سيارة جدا تنبسط من قيادتها وراحتها .. بس حتى لا نخالف أخونا فكتورياوي بكل شي .. أقولك المهم انك تاخذ سيارة نظيفة ..
وترى الأمريكي ماهو سيء وأحيانا تلقاه أنظف من السعودي .. رح الصالات ورح المعارض وقارن بين الأمريكي والسعودي من حيث النظافة .
صراحة .. أنا ما أشتري الا أستخدام أمريكي .

وبالتوفيق انشاءالله