طبعا بإختصار طلع اخوكم لمعارض النسيم بجس النبض وبشوف الأسعار لأني والله ادور لي على لكزس ES 350 وحصلت لكن الى الان مبالغة كبيرة بالأسعار.
الوضع بشكل عام سيئ جدا والله ان صاحب المعرض هو اللي يمشي معاي وهات المفتاح ياولد ومن هالسوالف.
سألته كيف الوضع قال يابن الحلال الناس مفلسه والسوق شوفة عينك وجا الصيف وكمل علينا (( كسر خاطري)) -- قلت اي الناس مفلسه يابن الحلال وش يسون هههههههههههه مابغيت أحطمه لأنه كبير بالعمر.
طبعا الحركه كانت فقط بالعصر من الناس اللي خارج المعارض الى قبل المغرب وأغلب الناس تسأل فقط بدون شراء وتزوداد بنهاية الأسبوع (( يعني المستعمل فقط )).
سألت اللي يبيع العصير والماء قلت بحكم انك محايد كيف تصف لنا الوضع / قال مقارنة بالعام أنخفضت المبيعات بمعدل فوق 50% -- حتى قال كل سنه يعملوا تصنيف هالسنه مافيه شي.
قلت يعني الحمله أثرت فيهم / قال كثير وبشكل ملحوظ -- كلن ينتظر الثاني يفك (( اعجبتني هالكلمه )).
طبعا ابو جمول لازم أمر عليه -- والنتيجة لقيتهم متهاوشين مع واحد سب وشتم بسبب الأسعار واخرتها اخذته معي وطلعت.
المهم/ فريت حتى العشاااااء والله ماغير الشاي والقهوه ذابحتهم.
بإذن الله انها غير تفرج والوضع خلاااااااااااااااااص استوىىىىىىىىى يعني 2010 قاصمة الظهر لهم.
الموضوع منقول من منتدى آخر
وتاريخه
14/7/1430 هـ
