هل هناك طرق افضل لزيادة عزل الصوت في السيارة؟

إذا كنت تقصد عزل صوت الهواء وأنت ماشي بسارتك أو أصوات السيارات
من حولك فكلامك صحيح ، لكن إذا تقصد عزل صوت موترك فالوضع يختلف .

أنا عملت حركة في سيارتي الكراسيدا ونفعت تقريباً.. توجد بطانة من العوازل
تحت فرش أرضية السيارة ، أنا قمت بتدبيلها طبقتين ، وحطيت بطانية من النوع
المضغوط خلف مقاعد الركاب الخلفية لعزل منطقة الشنطة عن المقصورة .
وفي معظم السيارات قير عادي يوم تغير صحن الكلاتش مايهتم الميكانيكي بإعادة
عازل الصوت الموجود حول عصاة القير اللي تفصل الأصوات من تحت السيارة
ولازم صاحب السيارة يهتم بالأمر ، لأن لها دور كبير في عزل ضوضاء السيارة .
وأنا احرص على تغيير كراسي المكينة إذا صار فيها هبوط وبدأت أسمع رجّة
المكينة وقت تشغيل السيارة . والحمد لله ماشي الحال .

لكن مثل ما انت قلت... الوضع يختلف من سيارة لسيارة .