بسم الله الرحمن الرحيم
السلام عليكم ورحمة الله
اخواني الاعضاء شريت يوكن دينالي 2003 فل كامل
عداد/92000 نسبة المكينه/ 92%
ياليت تقولوا لي كم يسوى
أخوي الغالي لا يهمك ترى أدري الواحد بعد مايشتري يحب يسأل على شان يشعر إنه ربحان ويشعر بالإرتياح وإنه مالو خسران وعلى شان يشعر بالإرتياح على كل لا يهمك والله بالسعر هذا أنا مالقيت أخذتها قبل سنة تقريبآ بفضل الله دينالي يوكون 2003 الحمدلله دينالي نظيف من أمريكا وعليه ظمان سنة على الماكينة والديفرنس طبعآ كراسي كهرباء وسخانات كراسي مع عدد 2 شاشات على مساند المقاعد الخلفية طبعآ والأخ زميلي جزاه الله خير جابها من أمريكا قبل لا ينزلون منع إستيراد هذه الموديلات شراها 72000 ووراني فواتيرها من A إلى Z ودفع عليها مبالغ صيانة عامة مافي شي فيها إلا مغيرة يعني أخذتها جاهزة منه تقريبآ أنوار زينون وواجهة الدينالي وماإستخدمها سوى شهرين فقط ولظروف خاصة كان يبي يبيعها بصراحة حاليآ لمه أشوف زيها معروض للبيع أسأل بكم وما ألقى بنظافتها بأقل من 65000 ألف ريال مستحيل وصارلي سنة مامليت كل ما أشوف دينالي نفس الموديل أسأل وأنا بصراحة أخذتها ب 70000 مع تسهيل شوي بالدفع لأنه زميلي يعني بس
فلا يهمك ومع إحترامي الشديد لكلام الناس فلا تصدق كل مايقال عن الأسعار إذهب وشوف بنفسك أتحدى واحد يبيع دينالي 2003 ثلاثة نظيف وفيه كل المواصفات ب 50000 ألف ولا حتى 55000 ألف لا تصدق إلا لما تشوف بعينك يارجل يوم شريت السيارة في لي أصحاب كذا ينقال عنهم
لاموني وصارو يقولولي والله قبل فترة واحد من خوياي أخذ زيها بأربعين ولا بخمسة وأربعين ولا بخمسين أنا عندي قناعة شخصية يوم تبي تسأل واحد عنده مواتر ها ها كم هذه رفعها بالسما ويوم تبي تسأل ها كم يسوى موتري ينزلونة بالأرض خاصة إذا ماكان له مصلحة معك ولي معه دينالي يرفع سعر الدينالي ولا ما معه دينالي يمكن يبخس السعر عن غير قصد والله أعلم
الخلاصة لا يهمك والله يعطيك خيرها ويكفيك شرها على الأقل شاريها باقل مما أنا شريتها هههههههههههههههه والسلام عليكم ورحمة الله ولا أحد يزعل علينا
