السلام عليكم
يا شباب سيارتي أوبيروس 2009 ستكمل ألفين كيلو هذا الأسبوع إن شاء الله
وعندي بعض الأسئلة بعد استخدامي لها حوالي الشهر
طبعا بداية السيارة ممتازة جدا وعزلها رائع وراحتها واضحة وعزمها قوي
وعندي استفسارات
1ـ نوع الزيت الذي تستخدمه الوكالة طبعا هو كاسترول واضح من الاستكر الملصق على الزجاج الأمامي لكن ما درجة لزوجته ؟ وهل تنصحون باستخدام زيت تخليقي مثل موبيل 1 ؟ وما هي تجربتكم للزيت المستخدم في الوكالة ؟
2ـ بالنسبة لشاشة المعلومات في لوحة العدادات تظهر عندي كلمة opirus في بداية التشغيل وبعدها تختفي وتظهر معلومة استهلاك البنزين ، وحاولت أعيد كلمة أوبيروس بالضغط على زر mode ولكن تتغير المعلومة ولا تعود كلمة أوبيروس إلا مع بداية التشغيل فقط مع إني شاهدت مقاطع في اليو تيوب لموديلات 2008 مشي السيارة كلمة أوبيروس هي الموجوة في الشاشة فما أدري هل تغير الوضع في 2009 أو في طريقة لإبقاء كلمة أوبيروس أثناء المشي؟
3ـ عندي رجة بسيطة في الدركسون تظهر أحيانا عند المشي فوق سرعة 100 كلم هل تنصحون أكلم الوكالة عليها عند صيانة الخمسة آلاف أو أشوف محلات الكفرات الخارجية يسون لها ترصيص.
4ـ قبل أسبوعين كنت في حراج السيارات ورأيت حوالي خمس سيارات أوبيروس الشكل السابق
وشفت وحدة موديل 2005 وماشية فوق 180 ألف وسألت صاحبها ومدح السيارة وقلت لها إني مطلع وحدة جديدة وسألته عن المشاكل في السيارة فقال السيارة ممتازة و مريحة لكن يجب المحافظة عليها مع المطبات لأن الرمان فيها كثيرا يتضرر ويأثر على المقصات وجلد المقصات ويجب تغييره كل فترة (طبعا أنا غشيم في هذه المصطلحات) فما رأي الشباب وكيف المحافظة عليها؟ وكيفية إصلاحها وتكلفتها
5ـ بالنسبة للحرارة أنا ملاحظ إنها دائما تحت النصف مع تشغيل المكيف هل معناه إنها ما توصل للنصف حتى مع السرعة العالية ( لم أتجاوز 140 كلم)
شاكر للجميع مشاركاتهم وردودهم المميزة في هذا المنتدى .
