اولا .. وش الفرق بين الفكتوريا الـ 2004 و الـ 2005 وطالع ؟
الجواب : الفرق الدركسون اختلف والاريل ,,, من 2006 اختلف الطبلون وصار فيه اربي ام وصار الفل كامل يجي طبلون الاكتروني وعادي مع بعض وشالو الزيق النيكل
اللي يجي بالصدمات ونظام التعليق كلها مثل بعض من 2003 الى اخر موديل
ثانياً .. وش هي فئات الفكتوريا .. اقصد وش مميزات الـ LX مثلا وزي كذا
الجواب : استندر , نص فل , فل كامل وال اكس هي فئة الفل كامل مع اختلافات بسيطه
بالفل كامل مثل بعضها يجي ال اكس لكن عداد عادي او بعضها يجي مكيف عادي
المهم ان ال اكس هي فئة الفل كامل
مميزات الفل كامل ال اكس = مراتب جلد , طبلون الاكتروني (2006 وطالع صار اكتروني وعادي) , تراكشن كنترول , مراتب متحركه للسواق والراكب(موديل 2009 الغيت مرتبة الراكب) , مرايا ذاتية التعتيم , سيدي خلفي احيانا على حسب الطلب , مكيف الاكتروني , التكايه الخلفيه فيها اكواب , المسجل مختلف شوي طبعا على حسب موديل السياره , وفيه ميزات ثانيه ما اذكرها
ثالثا .. الجنوط السبورت وش وضعها ؟ ليش آخر موديل لها كان2004 " بالنسبة للاستخدام الامريكي "
الجواب : الجنوط السبورت اساسا ماتجي الا على السبورت القير الارضي
من موديل 2002 الى 2005 وبعدها صار يجي على الاستندر سواء الامريكي ولا السعودي ( الفل كامل في امريكا يجي جنوط 16 احيانا ) اما بالسعوديه الغيت الجنوط ال 16 من بعد موديل 2006 وصارت على حسب الطلب)
رابعا .. اللون التركوازي يجي منه لموديل 2004 ؟ " استخدام امريكي "
الجواب : مدري
خامسا .. اسعار الامريكي والسعودي بالنسبة للموديلات اللي ذكرتها حاليا كم توصل ؟
الجواب : 2004 يوصل للاربعين الف و 2005 يوصل لخمسين الف و 2006 يوصل
55 الف و 2007 يوصل لستين الف و 2008 يوصل 65 الف و 2009 يوصل
لسبعين الف هذا في افضل حالاته يعني نظيف مره ولا مشى واجد وفل كامل
الاسعار تتفاوت احيانا تحصل اقل من هالاسعار على حسب الممشى اللون النظافه
يعني فيه تفاوت نزول وارتفاع والسوق هو اللي يحكم ولا تاخذ باي اسعار من احد
والاسعار اللي ذكرتها تقريبيه احتمال تحصل انزل من الاسعار هذي الان
اذا توفقت بفكتوريا ولا ماركيز نظيف مره عزالله تبي ترتاح ويخدمك فتره طويله بس اهم
شي الصيانه المستمره وقطع الغيار الاصليه ولا تركب اي شي تجاري
وانا افضل انك تشتري استخدام سعودي اذا كان نظيف فهو افضل من الامريكي على
الاقل بالمكيف الخلفي والتكايه الوسطيه ويصير عليه ضمان من الوكاله اذا كان صاحبها
الاول مداوم على الصيانه باستمرار وللمعلوميه سعر الاستخدام السعودي اغلى من
الامريكي وغير صحيح ان الامريكي اغلى احيانا يكون الامريكي غالي اذا كان السعودي
تعبان ومكروف لكن لو حطيت فورد سعودي وفورد امريكي ومواصفاتها واحده وممشاها
واحد ونظافتها مثل بعض تحصل السعودي اغلى
واذا ماحصلت سعودي نظيف مره الله يعينك تدور بالصالات ولا تعتمد على اي صاله
اعتمد على بحثك المستمر لانه احيانا تحصل عند صالات غير مشهوره نظيفه بالمره
واحيانا تحصل عند صالات مشهوره نظافتها لك عليها
الاعتماد على الله ثم بحثك لحد ماتحصل السياره النظيفه اللي على قد فلوسك
وموفق خير ان شاء الله وبالتوفيق
الله يوفقك ويسدد خطاك وين مارحت .. ولاهان بقية الاخوة
