اوبيروس انصحوني

السلام عليكم


كيفكم يا شباب ؟؟

كحال اي شاب كدح وجمع له قرشين وحب يشتري له سياره قبل العروسه:xyxthumbs:
والله كان في بالي اوريون وقلت خلني امر اشوف الكروز وكيف اذا هي اوكيه والا لا
لان خبري فيها من زمان راح تنزل من اكثر من سنه

المهم طلعت السياره حلوة وما عليها كلام رياضيه وكل شي الا ان في شي واحد

سعرها كان 69 الف للفل انا قلت يعني الابيكا الاكبر والاوسع ارخص منها

وهذا غير الدفعه حقتهم يعني انا قلت راح ادفع 40 الف دفعه كم بتطلع طلعت علي بألف ريال شهريا
لمدة اربع سنوات

طلعت من عندهم وقلنا نكمل الجوله الى ابو جميل قلت مالي الا هي الاوريون
دخلت هناك ادور عليها ما حصلتها

سئلت عنها قالي موجوده 2010 قلت حلو واجلس وهات الشاي مطول انا اليوم هنا

يلا اطربني على كم قال سعرها يبدا 87 قلت دام انها كذا مقدور عليها ان شاء الله قال هذا اقل شي
يعني اقل فئة قلت افا


انا ما ابي الا الفل قال الفل 109 قلت وشو لكزس ترى الفرق بينهم 11 الف
قال هذي سعرها

قلت طيب 2009 موجوده قال ايه موجوده بس ما في الا السبورت قلت انا ما ادور الا السبورت والفل

اجل خلنا نجلس مره ثانيه

والا الصدمه المدويه:blue::blue: قال سعرها 110 بس ترى عليها خصم 3 الالاف قلت يا عمي اللي بيدفع 110 بيقدر يدفع 113

يعني القديم اغلى من الجديده :a1120(82):ما تدخل العقل

الا اطلع اجر اذيال الهزيمة قلت والله لا خلوه تصدي ولا غيرها ما اقول الا نار يا حبيبي نار:smilie20:
يبون يطلعون قيمة العصير اللي عند الباب خلاص اجيب لكم كرتون فيمتو وتانج وعطوني خصم
والا قلت وما الحب الا للحبيب الاولي ما لك الا كيا يا بوصلوح

لان ما اقدر اشتري لكزس بينشق جيبي وبأنتظر الى ما اتزوج سنتين ثلاث او اربع هذا اذا انتظرتني
ووراي مشاريع وشغل يعني انسى الموضوع

واروح عندهم هناك الا توهم فاتحين بعد صلاة العشاء

وادخل قلت ابي سيرنتو 2010 ما لقيت الا 09 و 08

الا يقولي هذي موديل السنه قلت لا ياخي ترى انا احضر واذاكر زين قبل ما اسوي اي شي

هذي مو الجديده اقل شي الفرق بالوجهيه مثل الاوبتما تقريبا واحنا الحين نتكلم عن 2010 و2011

انا بصراحه امس شفت الكادنزا بالمنتدى بس اكيد ما نزلت وسئلت عنها قالي ما بعرف عنها شي

المهم والمح الوحش اللي واقف على الباب قلت خلني اروح اشوفها الاوبيروس
واركب والا ما شاء الله فخامه غير متوقعه
قلت ابوها والله

لقيناها هنا بنرز المدام حاليا

واسئل عنها قالي سعرها 72 كاش قلت والله من جدك انت قال ايه 2009 قلت والله

ابي ابوي ابي امي لا مستحيل:a1120(86):


انا بصراحه استغربت السعر :c0214:

تعرفون اذا لقينا غالي بنقول ليش واذا رخيص ليش

بس والله ما عندي خلفية عن السيارة وكيف عيوبها وايش مميزاتها ؟؟

لاحد يقولي ياباني هندي والا يوناني
الكوري ماشي سوقه والدليل بامريكا ارتفعت مبيعاتها

اسف على الاطاله ودمتم بود