تغطية ارضية السيارة - استفسار؟

والله بيني وبينك حرام تفك مراتبه وهو جديد وسعره فوق 150.000

والمسمار اذا انحل خلاص ما راح يرجع مثل شد البلد

والله يا خي هذا نفس اللي خايف منه

لكن ايش هيه مكنسة الفاكيوم مثل ما سأل الأخ الرهيف1

ايش هي مكنسة الفاكيوم؟

اشكرك اخوي الكريم على اثارة هالموضوع لانك جيت على الجرح
انا مثلك تو مطلع موتري جديد جكسار 2009 واذا طلعت للبر او البحر مع العيال تتوسخ ارضية الموتر بالتراب اعزكم الله وافكر البس الارضيات لكن من دريت انهم بيفكون المراتب هونت ماتخيل شكل الموتر ومراتبة برى احس بيطيح من عيني وبعدين اخاف مايردون تركيبها صح وتجلس تصرصر وتجي اصوات من المسامير والديكورات تكرهني
بالموتر هذا غير السلبيات الي ذكروها الشباب من زيادة حرارة داخلية الموتر وتسرب السوائل تحت التلبيسة ووصولة للفرشة الاصلية وغيرها من السلبيات.
والى الان مالي نية البس الارضية رغم الحاح اغلب خوياي علي ونظامي اول مارجع من الكشتة ثاني يوم في الدوام عندي عامل على الدين اجيبة و نكنس داخلية الموتر بمكنسة الفاكيوم الين ماتبقى حبة رمل .بعدها نغسلة من برى بماء حلو ويرجع زقرت.

انا لبست الأرضية في الغرابي عند التمران وكان شغلهم مقبول الى حد ما
لكن واجهتني مشكلة وهي انها كبت علي موية داخل السيارة وتسرب الماء لتحت النايلون شوية وظهر اثر ترشيح على النايلون ولخمسة ايام وانا اوقف تحت الشمس ولا رضى ينشف
ركز على ان يكون النايلون خمسة ملي
نبه عليهم شد المسامير جيدا
غير كذا ما في مشاكل توكل على الله
لا تقرب مفاتيح السيارة على مكان التشغيل اثناء فك المقاعد حتى لا تولع لمبة الايرباق
انتبه لا تخليهم يشخمطون بالطباشيرر الملونة على الفرشة

أولا مبارك عليك السارة ويعطيك خيرها ويكفيك شرها ...

ثانيا عن نفسي سويتها على اليوكون دينالي ولبست الأرضية عند محل برستيج

وأنا موجود عندهم فك المقاعد ولبس الأرضية ولا أحلى , والحمد لله شغل مرتب

بالنسبة للمقاعد كلها أفياش فكها من كيابلها وحرر الصواميل وطلع المقعدة

قريبي شرى اكسبلورر وراح زيبارت ورفضوا بحجة مشاكل الايرباق وقالوا ما نسويها

بالنسبة لي زي ما قلت لك توكلت على الله ورحت برستيج وسويته عندهم والحمد لله

لا ولعت لمبات الأيرباق ولا شي من فضل الله , فلو حبيت توكل على الله وسوها .

نصيحه لا تحط تلبيسه بلاستيك على الارضيه نصيحه
ليش؟
لانها مع الحر تعفن او تعرق وتكون على السجاد رطوبه وتطلع لك ريحه خايسه
او اذا انكب على البلاستيك ماء تعفن بعد
يقول المثل (أبعد عن الداب واشجرته )
والمثل الاصح (أسأ مجرب ولا تسأل طبيب)
والف مبروك الله يعطيك من خيرها ويكفيك شرها وشر غيرها

افضل حل تروح لمحلات الموكيت وتشتري موكيت وتقطعه وتحطه فوق دعسات سيارتك

لااااااااااااااااااااااااااااااااااااا
انتبه
لا تسويها
شوف حبيبي فيه كثير يسونها بس لما يكون الموتر سياحي مررره انا اقولك سوها بس اي سياراه فيها ايرباقات انتبه تسويها كثير من السيارات تطلع ايرباقاتها بسبب التلبيسه
لان كثير من اللي يسونوها يدبسون على أسلاك الايرباقات اللي تكون تحت ديكور الباب وبعد فتره يلتمس ويطلع عليك الايرباق


طبعا انا ما اقولك كلهم فيه ممكن تلاقي ناس تصدف معاهم صح
في نفس الوقت انا مابي اقول ان كل المحلات فاشلين او ما ينتبهون لهنقطه عشان كذا انا اقول يمكن محل محلين المهم محلات قليله جدا اللي ممكن يحسبون حساب للإيرباق لكن ما اعرف ولا واحد منهم

اللي انا بنصحك فيه ... في محلات تخيط على الدعاسه نفسها بلاستك وهي تفي بالغرض وعلى فكره اي وصح على الارض يطلع بالملبع الاصفر حق الفرش اللي غطاه عباره عن فرشه وانا مجربه كثير ...

يقولك المثل ابعد عن الشر وغنيله والايرباقات ماراح تدخل في الضمان لانها سوء استخدام او سوء تركيب المهم ماله دخل بسوء التصنيع

لذلك على قولة اخواننا السوريين لا تنام بين القبور ولا تشوف كوابيس

والف الف مبروك السياره ويعطيك خيرها وكيفيك شرها اللهم امين

عادي خلهم يففكون المراتب

بس أهم شي شوف لك محل مشهور عشان يكون عندهم خبره بفك وتركيب المراتب

بالتوفيق والله يجعله مركوب العافيه

الله يبارك فيك
ومشكور على الرد