استفسارات بسيطه عن بعض الامور للي عندهـ خبر !!!

saud-745 @user_191593 · 21-10-2009

السلام عليكم ورحمة الله وبركاته

عندي استفسار بسيط عن بعض الامور بالسياره

الخاصه بي وهي bmw 745 لارج والموديل 2003 ..

عندي بعض الملاحظات باذكرها هنا اذا احد يعرف لها

حلول يفيدني الله لايهينه ..

سواء افاده هنا بالموقع او اذا احد يعرف ورش بالكويت

وسمعت ان فيه ورش كويسه ورخيصه بمنطقة الشويخ ..

ابي اذا احد يعرف الورش بهالمنطقه يفيدني وين اروح

بالضبط واذا فيه شخص معين يمدحونه او ورشه معينه

الله لايهينه يعطينا خبر لاني طالع الكويت بعد يومين

باذن الله ..

عندي مشكله بالنافيقيشن يقطع كل شوي ويعلق ..

شوي يشتغل وشوي يقطع كذا ويعطي الشاشه ابيض

واسود بسرعه ( ترمش يعني ) وتعلق برضوه !

مدري وين المشكله !

طبعا لاحد يقول من السي دي لاني غيرته مرتين ونفس

المشكله !

الشئ الثاني .. السياره نازله من قدام ( وجهها طايح شوي ) ..

مدري من ايش !

علبة السي دي بداخل السياره عطلان ولما شيكت عند محل

معروف بالخبر باصلاح المسجلات والسي دي قال مذر بورد

او شئ كذا بس انا مو متاكد من كلامه !

فيه كم طقه بسيطه جدا لكن مشوهه السياره زي الضربات

ومو مقشور البدي بس داخل شوي داخل مثل طقة الحصاة .

وكلها بالجنب الايمن ! سمعت فيه جهاز ليزر يسحبها بالرياض

او شئ كذا ، مدري الاقي مثله بالخبر او الكويت !!

ودي اركب كاميرا خلفيه تشتغل لما ادق الريوس بالشاشه

الاماميه بس مابيها تكون واضحه للي يكون واقف ورى السياره ،

هل تنصحوني فيها او لا ، وين احسن مكان يسويها !!

ادري طولت عليكم بالأسئله لكن الله لايهينكم اذا احد يعرف

شئ عن اللي طلبته لايقصر معي وخصوصا الطقات الصغيره

اللي بالسياره اللي تسحب او تشفط بالليزر وين الاقي

مكانهم حتى لو بالرياض !!

، والله يعطيكم العافيه مقدماً ..

تحياتي للجميــع

سـعـود ـ الخبـر

saud-745 @user_191593 صاحب الموضوع · 24-10-2009

صباحكم ورد ..

الله يعطيكم الف الف عافيه ..

اخوي قطع 10 .. لاهنت يالغلا وبخصوص

النزله من قدام هي كذا من اخذت السياره

من 3 شهور تقريبا ..

اخوي الغالي Mohammed-HMS ..

كلامك صحيح .. بدخلها الوكاله واعرف

كل المشاكل اللي عندي وبطلع اصلحها

برى عند فني بي ام دبليو ..

الله يعطيكم الف عافيه والله ماقصرتوا ..

تحياتي للجميــع

M.Suliman @user_144789 · 22-10-2009

1- النفقيشن السبب ممكن من الكمبيوتر السيارة يبغالة اعادة تعريف او ممكن الكبيوتر بس ينزل النفقيشن ما ينزله كامل بس اعتقد من الكمبيوتر نفسة بدو صيانة
2-سيارتك مهبطة من الامام والسبب بسيط الهايدروليك الهايدروليك يا ملعوب فيه انت مهبطها او بكون خربان بس اعتقد خربان لانه خرابه كثير .
والكاميرا الخلفية تقدر تحطها وما تبين من مره ابدا بس تبغالك واحد كويس وانا ماعندي صورة عنه
المهم انصحك تروح على الوكالة وخليهم يفحصوها ويشخص الحالة وانت وديها عند واحد خبير وقلة يزبطها.
اي استفسارات نحن بالخدمة

Shomookh @user_191702 · 22-10-2009

my car ورشه

قطع10 @user_126453 · 21-10-2009

والله طال عمرك أنا مالي علم في الي إم ولا في ورش الكويت الصراحة ,,

لكن بأعطيك اللي أعرفه::

1) الشاشة غالباً مادامها تشتغل, فممكن تكون المشكلة بكيبل الشاشة أو يعني جايها التماس

2) و الله مدري وش أقولك, لكن خوفي إنها من نظام الهيدروليك, لكن أنت افحص كل شي يعني ممكن يكون الموتر نازل بس مهوب بسبب الهيدروليك يعني مثلا تكون في ربلات محتاجة تغيير,,

بالمناسبة, إذا كانت هناك مشكلة في الهيدروليك: فشيك على نظام التمديد (ليات التوصيل) لأن احتمالية خراباتها أكثر من المساعد نفسه,,

و اتمنى لو تفيدنا بشأن النزلة يعني صارت بين يوم وليلة ولا فترة طويلة, إذا كانت الأولى احتمالية كبيرة الهيدروليك,,

3) مالي علم بالسي دي والله,,

4) بالنسبة للطقات فأخبر إنها ممكن يفكون الديكور الداخلي ويحاولون يضغطون الباب لبرا وتتعدل,,

أو يستخدمون جهاز شفط بالمغناطيس بس حط في بالك ممكن تحتاج ترش المكان من جديد لأن ممكن تتشعر البوية,,

وعموما:

أخبر الجهاز موجود عند وكالة دودج إذا ماكنت غلطان, بس ما أدري يصلحون سيارات ثانية ولا لا,,

وفي الرياض فيه ورشة لتصليح السيارات أتوقع اسمها My Car على امتداد طريق العروبة بعد تقاطعه مع طريق الأمير تركي تمشي قداااام وتجيك على اليمين وترا شوي عليك بالوصف :)

5) بالنسبة للكاميرة الخلفية, فأعتقد موترك فيه حساسات,
و إذا ماكان فيه فأنصحك ماتتبعث بكهرب البي ام لأنه معقد مرة

لكن لو بتسأل الوكالة ( إذا تبي شغل مضمون و محترف 100%) أتوقع أفضل مع مراعاة فارق السعر-الباهظ- لكن مقابل تضمن كهرب السيارة مايخرب عليك

و ترا معليش ترا يمكن يطلع في كلامي غلط, لكن والله أنا حاولت أجيب لك كل اللي أعرفه,,

و الله يكون في عونك ويسهل لك يارب,,