فيه ملاحظات عند استلام السيارة من الوكالة وهي الوعلان اللي تحت كبري الخليج على طريق خريص..
طبعاً موظف المبيعات اللي هو صلاح باشري رجال محترم وصادق في تعامله معاي بعد تجربة شراء السوناتا2009
كان التسليم في الموعد تقريباً وتعامله محترم جداً لكن الرجال مشغول من كثر الزبائن عليه الله يعينه باقي الموظفين بطيئين شوي وهو ماشاء الله عليه يشتغل بذمه ووجه بشوش.. الله يوفقه..
رحت للغرفة الخاصة بالتسليم في موعدي المحدد وهو الخامسة عصراً وكالعادة فيه شباب سعوديين هناك يعني بعبارة ثانية تأخروا علينا حوالي ثلث ساعه..
تعاملهم كويس للامانة لكن نفس المشكلة الفرع زحمة... وارتبكوا من كثرة العملاء اللي يستلمون سياراتهم.
جت السيارة وكانت مغبرة وعليها طعوووس والسيارات الثانية كانت تلمع إلا سيارتي فقلت لهم ليش كذا ؟؟ لو إني شريتها من معرض كان غسلوها لي؟!! قالوا خلاص خذ ورقة وغسل عند مغسلتنا اللي بجنبنا في الدريس بجنب مطعم الشرفه..
عطوني الورقة وغلست السيارة وكان تغسيل السيارة احترافي لان الموية خفيفة اللي يغسل فيها العامل ويغسل بحنية شوي..
بالنسبة للبنزين كانت فيها ربع التانكي تقريباً.
ماعطوني أي اكسسوارات غير الأشياء التالية:
مفتاح 10-12
سكروب مربع وعادي
شنطة اسعافات < تفشل
مقياس ضغط الاطارات < من العصر الحجري
طفاية حريق.
مع ملاحظة ان المجدوعي عطا أخوي شمعة على البطارية والطفاية
اشتراك بطارية
شنطة عدة صغيرة
ونفس الوعلان في الباقي.
ياليت تذكرون تجاربكم مع الوعلان في هذا الموضوع لنستفيد.
