تكفون مالحل مع الرجة ؟؟

اذا كانت مشكلتك في الرجه اذا كانت الرجه بعد 120 تروح تكون المشكله عندك من الترصيص وافضل حل تسوي ترصيص ارضي في الميزان في الصناعه ب 100 ريال اما اذا كانت الرجه تزود من فوق 120 المشكله عندك من العكوس رح للصناعيه القديمه بلرياض عند ورشه القحطاني للعكوس ويضبطها لك

الله يعطيك العافية يا علي شكراً على المساعدة الله لا يهينك يالطيب

اخوي قبل ساعة كان جاي على السيارة من مشوار 50 كيلو

و يقول الحمد لله الرجه خفت بشكل كبير

و اتوقع و العلم عند الله انها من الكراسي ربما كانت قاسية او بسبب تخزينها الطويل بمحل قطع الغيار

اتوقع انها حصل فيها نوع من المرونة و اختفت الرجة بشكل تدريجي

و اخيراً اشكركم جميعا على تعاونكم معي و لا حرمكم ربي الاجر

:)

اخوي الله يعطيك العافية الحين وضحت الصورة الي يحصل عندك فيه نقطة التقاء بين البدي ومواسير الشكمان يعني شيك على الشكمان من اوله الين اخره اكيد بتحصله لازق في جسم السيارة اوقريب منه كثير في نقطة معينة اوجلد مواسير الشكمان مقطعة عشان كذا صنعوا الجلد الي لشكمان بيكون معلق تعليق يبعد الرجه عن البدي ليتحرك في حدود معينة بعيدا عن البدي والسبب عادة يكون ضربة سابقة غيرت مسار المواسير وصارت الرجة من المكينة الى الشكمان فالبدي حق السيارة واذا ماكان من كذا فمالك الا تشيك على تركيب الكراسى والكراسي حق المكينة وترى مافيه غير هل الاحتمالين للرجة الي انت وصفتها والله اعلم شيك عليها والله يبعدنا وياك من كل انواع الرجات والله يحفظك:xyxthumbs:

شباب الرجة تكون من بداية تشغيل السيارة و هي واقفة

و مع المشي حتى سرعة 100 ثم تختفي الرجة

و للعلم هي ماهي تفتفة او تقطيع

هي رجة خفيفة كأنك تحس برعشة في جسمك

و المرايات و الديكورات تهتز معها

أفيدوني الله يجزاكم خير قبل اتهور و ابيع السيارة !!

الله يحييكم مرة ثانية كلن بأسمه


القير ماله علاقة بالموضوع هذا سليم و الحمد لله


لكن ما ادري المشكلة هي الكراسي 100% و الا من البخاخات

لاني مريت قبل العشاء على فلبيني و قال لي سو تنظيف للبخاخات و هو ما حتى ركب بالسيارة و ما جربها
و انا ماني مقتنع بكلامه


و اخوي ابو حميد و لا يهون الباقين

انت تقول شريت تجارية ثم بدلتها بكراسي اصلية

طيب كيف هل يقبلون منك محلات قطع الغيار انك تبدل الكراسي او تسترجعها ؟؟

لاني شريت اثنين الواحد ب 110 ولكن الاصلي حصلته غالي الواحد ب 250 ريال
و الان تورطت بالكراسي التجارية اللي عندي !!

وش اسوي الآن ؟؟؟

اروح للتشليح اشري منه ؟؟؟؟

صارت لي المشكله في الماركيز ورحت لكهربائي خوويي وغيرت الثلاجه وراحت 100% والله يساعدك على هل مشكله ...

البووواجي جدد ؟؟؟

وانا اييدك الرأي

ومن ناحيتي اشوف ان كلامك اهو الأقرب لـ التوصل للحل المناسب

اخوي ركب كراسي مكينه اصليه....

لاني مجرب على كامري موديل 2000 ركبت كراسي تجاريه وصارت رجه مع دعست البنزين وغيرتها اصليه وماشاء الله تقول وكاله...

نصيحة هالسيارة ركب لها قطع أصلية , أنا ركبت مرة هوب ياباني وطلعت أصوات غريبة

تلرجه وانت واقف ممكن من كراسي الماكينه اذا الامور الثانيه سليمه
لان الماكينه الحين تسند على كراسي تعبانه وانت على كلامك
انها يابانيه مو الاصليه
وممكن هذا يكون السبب وخاصه انك تقول بعد ماغيرتها صارت الرجه وانت واقف
واحتمال يكون الميكانيكي ماركب لك الكراسي بشكل غير جيد
فروح افحصها من جديد
وبالنسبه للرجه مع دواسة البانزين

شوف شيك على جميع القطع الاستهلاكيه
بما فيها البواجي واسلاكها
وماشابه

واذا كل شئ سليم
شوف مثل ماقالوا الاخوان الشئ الرابط بي الماينه والقيرروح الره
وهذا يعني ان الامر اللي رابط بين القير والماكينه
يوجد به مشكله
والنصيحه روح لميكنيكي متخصص ويكون عنده حفرة زيت
ودها له بوقت نهار وخلها يشوفها ويفحصها كامله
بعشرين ولا ثلاثين ريال
وتنحل مشكلتك انشاء الله
وخاصه انك اذا فصلت القير عند ظغط الكلتش ت

هلا فيكم

الرجة مستمرة حتى و القير فاضي و السيارة واقفة

و الكراسي مغيرة جديدة بس النوع ياباني مو الاصلي 100%

و هو الصراحة رجة يصاحبها صوت مع الدعسة زي كذا رررررررررر

سألت واحد و قال اغلب الكامريات القديمة فيهن الصوت هذا !!

اخوي اتوقع ان الرجة الي عندك من شي يتعلق بالقير لانك تقول اذا دعست كلتش تروح يعني اذا فصلت القير عن المكينة اتوقع دزق اوالفحمة حقت الكلتش اورمانات القير منتهيه وتاكد اذا كنت الرجة تروح اذا دست على الكتش وانت واقف والا لا؟