ملتقى اعضاء ملاك كافة انواع السيارات في العراق

عفوا نسيت اقولك
الشاشة طبعا لمس ( touch screen)
مع ريموت كنترول

حبيبي الشاشة اشتريتهة من البصرة شارع الجزائر وهية مخصصة للسوناتا
موديل 2007 او 2008 اما بالنسبة للميزات
سيدي ديفيدي
راديو اي ام اف ام
تشغيل ميموري كارد او فلاش او ايبود او اوكس
gprs مع انه لا يعمل لدينا حيث يرتبط بالاقمار الصناعية
بلوتوث حيث تعمل كونكشن مع هاتفك الجوال وتقوم بالرد مباشرة عن طريق السيارة
تلفزيون (المحطات الارضية )
USB
مع تشغيل معظم صيغ الفديو
اما السعر فاني حصلتهة بسعر مناسب جدا ( 330$)
واني اشوفهة عملية جدا خصوصا انها مخصصة للسوناتا... وشكراا الك


[img]http://www.malakalarabservices.com/up/uploads/thumbs/malak-8eaf1f9ef2.jpg" alt="" loading="lazy" class="post-attachment">[/IMG]

وين صايره هاي البانزين خانه الي بانزينهه احمر ؟؟ ياريت تنطينا خبر تعبنه من العادي

فكرة خنفشارية...

اني عراقي بس ساكن بالبحرين..وسيارتي اكسنت اصفر 2007..

شباب ..بلكي اي واحد يكولنة شنو اكثر سيارة مرغوبة بالعراق(بغداد)..اكسنت او النترا او كيار ريو او سيراتو..

لان الوالد ناوي ان شاء الله يصدر سيارة من طقة الاكسنت والالنترا..

شكد تجيب النترا او اكسنت او ريو او سيراتو مستعمل من البحرين نظيف ..شكد تجيب بغداد؟؟

وهل يصير هسة افوت للعراق سيارة 2008؟؟

ارجوا الاجابة :smile:

صورة من داخل سيارتي وتلاحضون الشاشة الي مركبها جديد


[/IMG][/QUOTE


منين وبيش هاي الشاشه وشنو ميزاتهه وتنصح بيهه لو لا ؟

صورة من داخل سيارتي وتلاحضون الشاشة الي مركبها جديد


[img]http://www.malakalarabservices.com/up/uploads/thumbs/malak-03a4df509d.jpg" alt="" loading="lazy" class="post-attachment">[/IMG]

[img]http://www.malakalarabservices.com/up/uploads/thumbs/malak-940a86f917.jpg" alt="" loading="lazy" class="post-attachment">[/IMG]

[img]http://www.malakalarabservices.com/up/uploads/thumbs/malak-3b2c41fcc2.jpg" alt="" loading="lazy" class="post-attachment">[/IMG]

[COLOR=#000000]مثل ما وعدتكم نزلت اليوم صور سيارتي السوناتا 2008[/COLOR]
انشالله الصور تعجبكم.....



[COLOR=#000000][/IM[/COLOR][COLOR=#000000]G][/COLOR]




[/IMG]

[/IMG]

.
.
.
اهلا وسهلا بأبناء الرافدين ,, وخطوة مباركة افتتاح هذا الموضوع ليكون ملتقى جميل لتبادل الخبرات والاراء والمعلومات ,,,, وكل هذا عائد بالنفع على الجميع ان شاء الله


* ملاحظة : سيتم نقل الموضوع الى قسم روابط السيارات ,,,,

مشكور اخي عالرد
بس اني من مدينة البصرة ودا اخلي بنزين محسن بس مثل ما كلت نوعيته رديئة
والله كريم

بخصوص السيراتو فمواصفاتها
حساسات خلفية + بصمة دخول + بصمة تشغيل + اشارات بالمرايات + محرك 2000 + ويل كب 16 + سلايد روف + جامات كهرباء + مكيف الكتروني + سيدي + تحكم ستيرن + وهذا الحجي من وكالة كيا بأربيل رح اخذ السيارة اذا الله سهل
بالنسبة للتوسان ما اعرف المواصفات بس هي صديق عمي جابها وبيتها يم عمي اسبوعين
فكلي واصل بغداد زيرو بدفتر
طبعا بدون رقم
بس يعني الرقم يكتل روحة 40 ورقة
اني كلت اسئلكم اشوف بيكم واحد سامع بهالسالفة

شباب بالنسبة للدهن شتنصحوني؟؟
بيجو 307
عندي
اني سيارتي صارلها 5 سنين يمنة
بصراحة ماشية لي هسة 847 كيلو
كولو يا الله
لان قبل اسبوع يلة بديت استعملها
جانت تتحرك داخل الكراج بس
ومبدل دهن مرة وحدة بس

والله ياوردة خل اسولفلك على السائل اللي خنكول هو محسن بانزين
او اوكتان
كلة نفس الشي
اني جربت الامريكي الابيض
اتوقع ب 5$ هيج شي
هذا ارقة شي بالسوك
جربتة علة ملك الادفانس بيجو 307 موديل 2004
بصراحة مغير كلشي
لان هوة مكتوب علة القوطية يرفع درجة الاوكتان درجتين
يعني انت اذا بانزينك 93 يسوي 95
واذا 89 يسوي 91
بس مو اذا بانزينك يلعب النفس فد مرة
عرفت شلون
بصراحة اني اخير تفويلة مفول من مال ابو قلام بالكرادة
الادفانس يمي اقل ومداشغل تبريد
بس الولد جماعتي ديفولون من الشعب اللتر ب 550 بانزين كويتي احمر
وكالو البانزين خانة مال وزيرية مدري مال الكسرة هي نفسها
هم نفس الشي البانزين زين ...
فاني دا انتظر اشتري سيارة جديدة وابدي افول مناك
شسوي السيارة متصرف ولازم الواحد يداريها
لان البساتم تتكسر

ممكن نناقش مشكلة البنزين عندنا
حيث نوعيته رديئة كما تعلمون وبالنسبة الي يسبب ادفانص كما نسميه في لغتنة
العامية ,, شنو رأيكم بسائل يباع في المحلات يوضع في خزان الوقود اني ما جربتة
لكن يقولون انه يحسن البنزين وينظف البخاخات؟؟؟,,...

بالمناسبة
اني استخدم زيت المحرك كاسترول w 40
حيث انه في فصل الشتاء يجب تقليل لزوجة الزيت كما تعلمون

الاخوان
احمد المرواني
اركان السبعاوي
ماتركس
احمد
توينوزي
spitfire
vip
مشكروين علة تفاعلكم ومروركم الكريم

السلام عليكم
اسجل حضوري في هذا الملتقى

الكاسترول موجود بالسنك اكو وكيلين ,, الاول بالساحه مال الخلفاء يم وزارة التجاره او الجنسيه ,, والثاني بالشارع الي خلف سينما الكفاح اي بين جسر السنك والجمهوريه اكو شارع قريب عالشط هناك وكيل كاسترول وهو ممتاز وانصح فيه بشده

خيالي وعيونك
بعدين ليش تاخذ سورينتو ؟ اكدر اعرف شنو ميزاتهه ؟ اللانسر جيتي شايفهه لو لا ؟ بالمحرك اقوه , بالامان اكثر ,بجودة المواد لاتقارن مع الكيا . على الاقل ياباني وسعرهه منافس ورخيص
نصيحه ليس الا