عندك استفسار عن اللومينا ؟؟ تبي تعرف مثيلاتها في نفس الفئة ؟؟ ادخل هنا

يا رجال الله لا يعيدها من سيارة حصدت ارواح الكثيرمن الشباب هي والكاربرس بسبب اخطاء تصنيعية وقلة الامان فيها

انت لا تدافع عنها على حساب ارواح المسلمين

اللومينا سيارة حلوة وماعليها كلام
بالذات من 2007 وفوق
بس بصراحة الي تحت الـ 2007 مو قد كذا

الجديدة اتطورت كثييييييير في انظمة الثبات والسلامة والمحركات كمان
اخووووك

عندي سؤال لماذا اللومينا ممنوعه في الاراضي الامريكيه
( يوجد بونتياك بدال اللومينا)

اللومينا لاتنطبق عليها المواصفات والمقاييس الأمريكية

أرجو الرد على هذا الاستفسار


تحياتي

لا موب قصة سيارات الشفر ماتنفع الا وكالة .. لا انت فهمتني غلط .. انا اقصد انك ماتعرف وش كان راعي السيارة اللي باعك اياها يسوي بالموتر .. وايش من قطع غيار يركبها للموتر

وهو مرجوج والا محافظ .. فهمت علي .. لان الامريكي بوجه عام يحتاج مداراة ويبي له رجال يقدر النعمة اللي انوضعت بين يديه

وبالنسبة للاس اس نعم هو صنع للمجاكرات والسباقات لكن .. لاتنسى تعطيه حقه مثل ماعطاك حقك وبيض وجهك .. شوف مافي شي بدون مقابل شي خذها قاعدة عامة

يابن الحلال الحمار وهو حمار - الله يعزكم - اذا كرفته واتعبته بدون ماتعطيه طعام وماء وتخليه يرتاح راح يموت عندك وهو خلقة رب العباد موب صنعة عباد رب العباد

اتوقع كلامي واضح واذا في شي مو واضح انا حاضر بالخدمة

الله لايغير علينا قووولي آآآآآمين ياشباب :bigggrin:

الحرارة لها اسباب كثير .. عالج السبب وخلاص باذن الله .. في ناش تقعد على موية الرديتر من يشتري الموتر الى مايطق 200 الف كيلو وهو ماغيره .. ياخي كيف مايصير كيذا

موية الرديتر لابد ان تتغير كل صيفية لانها مووووية يعني تسبب صدأ + أملاح + ترسبات وبعض الناس يعبيها موية من الحنفية ؟؟؟؟؟؟؟؟؟؟

بالله ذا تبون معه سيارة تكرف ؟؟

انا عندي لومينا LTZ 2007 والحمدلله ماشتكيت منها ولا شي وهي اللحين عندي سنتين ولا مشاكل ولا شي والحراحه عندي ماشيه ولا فيها شي ولا تتعد النص وهذا في عز الصيف

هل انت شريت الموتر جديد بأكياسه - وكالة - والا شاريه من اقرب حراج سيارات لبيتكم وبأقل الاسعار ؟؟؟

هل انت تحافظ على السيارة وتراعيها لما تركبها وتخاف عليها والا سواقتك طفاشة × طفاشة كنك راكب ددسن ؟؟؟

هل انت تراعي السيارة وتتفقدها وتسوي لها بين كل فترة وفترة صيانة دورية وفحص وتغيير اشياء استهلاكية ؟؟؟

هل انت من الشباب اللي هداهم الله يكرف ام ام ام ام الموتر سباقات ومقاومات وتحديات ومجاكرات ثم لا خربت معه قام وسبها ؟؟؟


ياخوي في سيارات تاخذها مستعمله وتسوي فيها العجايب تطعيس وتفحيك وكل شي وما تقول تبي نص الي تبيه اللومينا وبدون محافظه على الصيانه او اي شي

تبي امثله
الكامري الي يعتبر اقل فئه من اللومينا والهوندا اكورد وغيرها كثير

بس ممكن نقول الموديلات الجديده تحسنت عن القديم ولكن اخذت سمعتها اول مانزلت والناس تخوفت منها يعني مو معقول اجازف ب 100 الف واخر شي تطلع لي ام البلاوي

و لا انسى مشكلة الحراره فيها كثييييييييييير من اللومينات ايام الصيف تشوفها منزلة موية اللديتر مفوحه

اعتذر اذا كلامي ما اعجبك