بسم الله الرحمن الرحيم
اخواني الكرام كل عام وانتم بخير ورمضان يعود إن شاء الله كل سنة بكل خير
بصراحة يا حبايبي رحت بسيارتي لأكثر من ورشة بسبب تنتيع فالسيارة او تفتفه
بسيطة لكن المشكلة كلهم اصروا علي بإن الكمبيوتر راح يكشفة وهم لا ( كهربائيين
او ميكانيكيين ) !!!
تغير الزمان يوم ماكان فيه كمبيوتر كانوا يفحصون لك السيارة من اولها لأخرها ما ياخذون
ريال اما في زمن الكمبيوتر الله يرحمنا بس المهم وديتها بعد تردد لفحص الكمبيوتر
بداء الزول بتركيب الكيبل وتشغيل الجهاز وبعد فترة من الزمن يقارب العشر دقائق او اكثر
قال لي شوف يا زول هذي يبغى لها كويل واسلاك بواجي وبواجي جديدة وساعة زيت
ووووووووو قلت وش ذا الكلام قال هذا اللي عندي فالجهاز روح اشتري وروح زبط سيارتك
قلت الله يخلف علينا هذا والجيب فاضي بعد خسارة الـ100 ريال حقت الكشف الله لا يعيده
المهم اتصلت برحيمي وقلت له على السالفة قالي طنش كل كلامة وخذ لك بواجي وراح تشوف
سيارتك زي العسل قلت توكلنا على الله رحت اشتريت بواجي اصلي ولما جيت اركبها كانت
المفاجاءة ...... احد اسلاك البوجي مفكوك على جنب كيف وازاي وليه غريبه
يعني المشكلة انها تغيرت علي وانا ماشي واول ما دخلت مكة بداءت المشكلة احد اسلاك البواجي
مفكوك والله قهر خسارة كشفية على خرطي يعني جهازهم الحمار ما كشف المشكلة هذي ليش
ما اقول الا حسبي الله ونعم الوكيل فيهم وفي نصبهم المهم بطلت اغير البواجي ورجعتها ودفعت
عشرة ريال للورشة وضربت الباب وانا في قمة السعادة وفي نفس الوقت قمة القهر لأني ما شيكت زين على السيارة
الزبدة
اجهزة الفحص بالكمبيوتر كذبة
تفحص سيارتك بيدك قبل ما توديها للحرامية
في امان الله وكل عام وانتم بخير
ومن العايدين الفايزين إن شاء الله