[CENTER]بسم الله الرحمن الرحيم
السلام عليكم ورجمة الله وبركاته
الله يتقبل منا ومنكم صيامه وقيامه
من نوع jeep
قراند شروكي – موديل 96
( لا يصير جاكم حالة اشمئزاز ... من أسمه )
أنشهد أنه سيارة الصراحه
تقرير عن الحاله ... ( ... ولا تقرير مستشفى ..)
المشكله الاولى والمهمه هي :
1 : صرفية البنزين الغير معقوله الصراحه ( جور بالصرفية )
2 : كربون السيارة اسود ( اللي يشوفه من بعيد يقول مولعة نار السيارة )
3 – تقطيع في المكينه كأن مايصل له بنزين عند التحرك
4 – السرعة اذا وصلة = 100 الى 120 كم . يبداء التقطيع كذلك
اما الصيانه اللي تمت من دون فائده !!! : (.. العمليات الجراحية والعلاجات ..)
1- غيرة بواجي
2- اسلاك بواجي كذلك
3- فلتر هواء
الميكانيكيين اللي توقعو بان المشكله : ( ... متخصصين واستشاريين يتوقعون الاصابه بأنه .. )
1 – متخصص شروكي بالخبره – يقول يمكن ( حط على - يمكن -خطيين ) انه بوجي ماياصله كهرب .
2 – ميكانيكي عام لجميع السيارات – اول ماطرحت عليه المشكله
قال هذا بخاخات تبغى تنظيف ..
ولازم شخص متخصص لها وانا لا اعرف لها .
فبعد ثلاث شهور تقريبا رجعة له مره ثانية
فأول ما فتح الكبوت شاف المكينة وهي شغاله تهتز (تحرك )
قال – المشكله عندك ماهي تنظيف بخاخات
المشكله هي ( كهرب ) .
أما الغير متخصصين ( مجتهدون )
يقولون : عدم السرعة للسيارة صارة كذا المشكله
لأن المكينه ( 8 سريندل ) وتبغى سرعة يكون السبب !!!
وأنا
لا أستطيع اصلح المشكله هذي لتوقعات ماهي اكيده
المشكله الثانية : ( .. لا تضحكون تكفون .. وتقولون وش ذالغشيم ..)
( موقع فلتر هواء التبريد في أي مكان من السيارة ) عجزة القاه !
انتى التقرير .....
هذي مشكلتي المستعصيه !!!
واللي عنده حل لها لا يبخل علينا
جزاكم الله خير
والسلام عليكم ورحمة الله وبركاته
أخوكم الصغير / دريم1
[/CENTER]
