عندي جيب قراند شيروكي 98 مواصفات امريكي وجننتني مشكله فيه
المشكله انه وانا ماشي فجأه يطفي واعيد تشغيله ويشتغل بعد فتره وامشي وبعد مسافة يطفى حتى لو كنت ماشي 140 او اكثر وكانت بتسبب لي اكثر من حادث لأنها فجاه وبدون مقدمات تطفى
وديته خضرية الدمام وفكوا الراس ونظفوا واخذوا مني الف ريال ظلما وعدوانا لانه ماتغير فيه اي شي ورجعت لهم ولا لقيت عندهم سالفه .. قلت حسبنا الله ونعم الوكيل ..
رحت ورشه ثانية وقالوا لي لازم نفك الراس ...قلت يا ولد مادام ذا كلامهم بلاش منهم..
نصحني احد الاخوان اوديها الوكالة لانهم الوحيدين اللي يعرفون لها لكن للأسف ليتني مارحت ...وكالة نصابين وماعندهم سالفه ... عملوا لها فحص كامل وطلعوا لي شغلات بعيده عن الخراب اللي فيها وقالوا بتكلفك اكثر من 5000 ريال..رفضت وقلت ابيكم بس تصلحون مشكلة الطفيان والتقطيع بس..قالوا خلاص وبعد اكثر من 16 يوم وهي عندهم كلموني وقالوا السيارة جاهزة وجيتهم وقالوا لي ان الخراب كان في قطع كهربائية وغيروها ودفعت لهم 1200 ريال لكن من ثاني يوم رجعت المشكلة حسبي الله عليهم.
طبعا رجعتها لهم وقالوا مافيه الا بعد العيد ونصحني واحد اني ابعد عنهم لأنهم بيطلعون اشياء جديده وبتكلفني اسعار خيالية
اريد من اهل الخبرة نصيحة لحل هذه المشكلة او تدلوني على ورشة كويسة في صناعية الدمام او الخبر وجزاكم الله خير..
