صدقني راح تدخل في حيره مع نفسك ومن الصعب راح طلع منها إلا ؟؟؟؟

بسم الله الرحمن الرحيم


اخواني الاعضاء

اليوم بعد ما افطرنا ولله الحمد وشاهدنا طاش ما طاش جلسة مع 2 من اخواني وقمنا ناخذ ونعطي مع بعض في امور السيارات الحاليه والتي اصبحت هم بعد ما كانت من اخر الأمور اللي كنا نفكر فيها لانه سابقا كانت السيارات قويه وتعيش لسنوات طويله

أما الحين اصبحت السيارات مثل البلاستك

سألت اخواني سؤال وادخلتهم في حيره عندما عرضت عليهم مبلغ 140000 ألف ريال وقلت لهم ما هي السياره اللي راح تشتريها بهذا المبلغ ؟؟؟؟

قلت لهم وش رايكم بالهوندا اكورد 6 سلندر ؟؟؟

ج \ قالوا معصي نحط 115000 فيها

قلت طيب وش رايكم بالكابرس بجميع انواعه ؟؟؟

ج \ قالوا والله الكابرس حلوه بس تشتريها وبعدها بسنه يطيح فيها مبلغ كبير اجل فما بالك بعد كم سنه بكم تبيعها وفوق ذلك تعدد الخرابات الموجوده فيها لأنها اصبحت من السيارات الحساسه جدا


وش تقولون عن الكرايسلر ؟؟؟

ج \ قالوا مثل الكابرس سياره حلوه بس راح تخسر كثير


قلت وش رايكم بالجنيسس ؟؟؟؟

ج \ قالوا بصوت واحد معصي كوري :confused1::confused1:

اجل التاهو او اليوكون اكيد ما راح تقولون شي عنهم ؟؟؟

ج \ قالوا سياره حلوه وجميله واحد وافق عليها وبدون اي تعليق وراضي تمام الرضى
لكن الثاني قال بس هناك مشكله قلت وش هي قال كبيره وتخيل نفسك في سياره ما يسوقها إلا انت لحالك يبغالك تحمل اخوياك معك عشان تملى السياره :bigggrin:

طيب اكيد الكزس IS راح تعجبكم ؟؟؟

ج \ قالوا سعرها اغلى من 140000 الف وبعدين حجمها مثل حجم الكورلا مع احترامنا الشديد للكزس معليش عرضك مرفوض

قلت طيب وش راح تسون بالمبلغ ؟؟؟؟

قالوا والله ما عاد فيه سيارات تقدر تشتريها ما فيه إلا انك تشتري سياره مستعمله من السيارات الغاليه بس تكون نظيفه او تقتنع بالسياره اللي تشتريها وتتحمل عواقبها


بصراحه السيارات اصبحت غاليه وهناك سيارات اخذت اسعار فوق حقها

واصبح دفع المبالغ فيها بحكم المجازفه

شكرا