السلام عليكم ورحمة الله وبركاااته
حبيت انبه الاخواان لبعض الحركات نص كم والنصب من الوكلاء او المعارض او محلات العناية بالسياره
اخوكم بالله شريت سياره وكاله ومعها عرض خصم 35% من ماي كار وسالت المصري هل العرض يشمل كل شي عنايه وحمايه وتلميع وتركيب شاشه قال كل شي واخذت الكوبون وانا مش متطمن او واثق بكلامه والمشكله حنا برمضان
قلت اروح لماي كار ولا بقولهم عن سالفة الكوبون واشوف اسعارهم
المهم اول سؤال يسال موظف مبيعات ماي كار قبل يجاوب هل انت جاي من وكاله او معرض
قلت لاا
فطلع لي الورقة ادنااه تشمل الخدمات والسعر بعد الخصم 4600 ريال
قلت له طيب حلوو الان 4600 واللي معاه كوبون 35% خصم كم يصبح السعر الجديد عاد تلخبط وقال هالورقة والعرض مخصص لاصحاب الكوبون يبي يرقعهاا ولا يخصم شي قلت خير انشالله اسعاركم محبطه وانا شفت اعلان لواحد يبيع لفة عازل حراري 30 متر ب 750 ريال تكفي ثلاث سيارات وانتم مبالغين بالسعرر تركته ومشيت
وبالليل دقيت عليه مره ثانيه ونفس اول سؤال" جاي من وكاله او معرض" قلت لاا سياره 2005 من خارج الدمام فعطاني الاسعار اللي بالورقة البيضااء يعني نصب بنصب لا تخفيض كوبون ولا بطيخ
الزبدة الاخوان مثلي ياخذو كوبونات وهميه بتخفيض بمحلات العناية بالسياره وكل وكاله او معرض متعامل مع محل زيبارت مثلا او ماي كاار ومصدق انهم عاملين له تخفيض والعموله دبل لموظف مبيعات الوكاله من الوكاله ومن محل العناية بالسيارات
صورة الكوبون
عموما ظللت بلومار خصم 50% صحيح قرات عليهم ملاحظات بس لا باس فيهم والسعر معقوول بالف ريال للجيب فقط
وتقبلوا اجمل تحيه
