قير التاهو 2007 مايعشق النمره وآحد !!

انا عندي تاهو 2007 ماكان يعشق في الدي والثالث ورحت لورش قالوا توضيب وتركتهم ورحت لورشه صغيره وقال عندك السبراك وعلى كلامه انه غيره وضبط الكلتشات ب1800 خلال يوم واحد
واللي قبل الورش يقولون ب 3000 الى 4000 توضيب

أعتذر على رفع موضوع قديم .. ولكن اللي خلاني أرفعه
شفت تعليق أخوي أبودانه :


على حسب كلام شخص ميكانيكي
إنه من الخطاء وضع القير على D في البر والتطعيس والسبب إنه مع التمشي في البر قد يريح القير على نمره الترييحه والنمره هذي ضعيفه مع أي عقم أو مطب جامد قد يظر الترس .

والأفضل دائماً وضعه على 3

(( معلومه وصلتني وحبيت تستفيدوا منها ))

الحمد لله أنه ضبط
أن شاء الله ما تشوف
مكروهـ، :wink:

مبروك على الإنجاز

يالله الحين طععععععس على كيفك مع هالأمطار

بالتوفيق لك وشكراً على طرحك لموضوعك ليستفيد منه الجميع

سلام عليكم ,,,

ابشركم انحلت المشكله :bigggrin:

كان يبيله وزن عامود القير والحمد لله ضبط . اخذ شغله 100 ريال والموتر جلس ساعه بس .

:confused1:


اليوم وانا بالمغسله احتري دوري جلست اتفاهم مع القير واحاول اعرف وراه زعلان مني :bigggrin: المهم

حطيته بـ ( 2 ) بعدين نزلته على ( 1 ) نزل بس بدون الطقه الطبيعيه للقير ولازم انزله بقوه وتحس انه مايثبت على هذي النمره . يعني مو زي لما تعشق من ( دي ) الى ( ان ) مثلا . فـ قلت خلني اجرب بيمشي بـ بالنمره ( 1 ) ولا لا . والله فعلا مشى مضبوط بس طبعا كأن القير ما انلقم صح على النمره يعني مثلا لو انقز مطبه او شي يمكن يرجع القير للنمره ( 2 )

صراحه طريقه الشرح صعبه بس اتمنى فهمتوا وش اقصد . وهالشي يخليني فعلا اشك بالعامود حق القير او اي شي ثاني له علاقه بترتيب النمر . وطبعا عشان تكونون بالصوره الموتر قد اكل رصيف من راعيه السابق وانكسر الدفرنس كسر بسيط وتم تغييره كامل . هل تتوقعون مثلا لها دخل .؟

هلا ابو دانه ..

لان ياطويل العمر لما ارقى الطعس وانا حاط ( دي ) في نص الطعس تقريبا الموتر يعشق الثاني ويطيح عزمه بقوه فـ ارجع مره ثانيه وادعس كل الدعسه عشان يرجع للنمره ( 1 ) .

فالمفترض اني احطه على ( 1 ) عشان ارقى الطعس على دعسه وحده . واقدر اوزنها على كيفي لان استجابه السياره بتكون اسرع . عكس لما يعشق النمره ( 2 ) وارجع ادعس له عشان يرجع للنمره ( 1 ) استجابته بتكون اقل واحتمال انه يغطس في وسط الطعس مثل ماصارلي مرتين تقريبا .

مشكور على مروركم ..



ايه يالغالي مع الاسف موجوده .. والمشكله ان القير ماشاء الله تعشيقته مافيها شي ابد وهذا اللي محيرني .. والى الان مافحصتها ولا شي قلت دام القير يعشق خلاص بس تمام . والسياره الان مشت 101 الف ماشاء الله :bigggrin: ومدري ليه احس ان المشكله من العصا لان لما اجي احطه بـ 1 القير ماينزل ابد كأن النمره 2 هي اخر نمره فيه .!!



والله مع الاسف تركتها يا مؤيد :blue:



لا ان شاء الله ماتزود يارجال لان القير مافيه اي ملاحظات ماشاء الله غير هالشي .. وبالنسبه للفحص بالورشه ما اقول الا الله يكفينا شر العجز وانا اخوك :blue:



والله وانا اخوك هذا اول شي طرا ببالي اللي هو زيت القير .. فحصته بنفسي ولقيته تمام ماشاء الله .. وغيرت الزيت اول ماشريته عند محطه اي سي ديلكو ( تابعه للجميح ) وشيك على الزيوت كلها وقال كلها تمام . وفوق هذا بصراحه مازلت شاك في موضوع زيت القير وبالاخص الفلتر هل يكون مثلا ماركب زين او يكون تركيبته غلط او شي . يعني مدري صراحه كلها احتمالات ,, والمفترض مني اني اروح افحصها لكن الشكوى لله زي ماقلت في اول ردي العجز :bigggrin:

لكن عموما بصمل يوم وبروح اوديه لورشه ممتازه تشوف وش قصته وبعلمكم وش اللي صار بالضبط ان شاء الله ..

أنا اليوم عندي كابرس بس طبعا قديم ما يعشق الـD ولا النمر اللي تحته وشيكت على زيت القير وطلع ناقص مررررررررررررة وزودته وهو واقف وعشق الـD والـ2 طبعا مافيه 3 والـ1 ما رضا يتعشق ورحت للبنشري وغير الزيت والفلتر وطلعا تمام التمام

تحياتي

يمكن تزود المشكله

روح شيك عليه فحص بس شوف المشكله

وشف لك ورشه زينه تسويه لك

.
.
.
ماعندي حل للاسف ,,, لكن ياريت تفيدنا اذا حليت المشكلة او تركتها !!

لجل تعم الفائدة

هل الكريم

هل مازالت المشكله موجوده ؟؟؟


أحيانا يكون فيه عروض من الوكاله على الضمان
أحياناً يكون لضمان إلى 100 ألف

تأكد أول شي من ضمان سيارتك
وياليت تفيدني بالجديد عشان أقدر أساعدك أخوي ...

ابو اياد . الله يبارك بعمرك وفعلا ماخاب من سماه وحش .

أنا ما أفتيك بمشكلة الخراب .
أما بخصوص إنك تقول إذا حطيته على 2 يكون عزمه ضعيف هذذا بسبب إن القير لما تحطه على 2 يمشى على طول بنرمه 2 يعني ما يعشق لـ1
أما إذا حطيته على 3 فإنه يعشق 1 بعدين2 بعدين3
وإذا حطيته على D فإنه يعشق 1 بعدين2 بعدين3 بعدين4

ونصيحه إذا وديته للوكاله وكان سعر التصليح غالي فخله على حاله لأنه ما يفرق معك أبد أبد.

ويبقى الرأي الصائب لأصحاب الخبره

مع تمنياتي لك بالتوفيق ومبروك على إقتنائك الوحش

هي حساسات بس اول شي غير الزيت وبعده جرب السيارة اذا نفس الشي معناها حساسات وان شاء الله بسيطة

^^^

90 ألف .. خآرج الضمان ..

لكن عموماً شيك عند الوكيل ..

بالتوفيق ،،