وين الأفضل fj ولا نيسان اكستيرا

يالوقدان اذا تبي تحكم على توضيب سيارتين من شركه كبيره مثل تويوتا اجل عز الله راحت كل الشركات في خبر كان

































حنا مالقينا الكامري شماعة لكن أنت يابو منصور جبتها عندنا على أساس الجودة والأمان وقت الحوادث أما أنا فلست أعترف بها نهائيا كسيارة آمنة ..... أو قليلة مشاكل ..... وأدعم كلامي من السوق ( ولا تسألني عن تجربتي ) أنا رحت يوم الأحد الماضي بعت كامري الوالد موديل 2002 ماشية 312 ألف مابها خلاف وماجاها ولا صدمة بعتها ب 31 ألف

وخلفي واحد معاه كامري 2004 يقول لي تبادل راس براس!!!!
ونفس الموضوع ينطبق على الهايلكس فموديلات ال 2005 سعرها يماثل أو يرتفع عن سعر ال 2006 للمستعمل بالسوق ....... رح للسوق وناظر بعينك أبو منصور

السوق لحالة يبين لك ضياع الجودة في التويوتا قبل مانتكلم حنا
















معليش يابو منصور هدي حالك ترآ الرجال صادق.......... بموضوع صدام النفارا هو من الحديد المطلي بالإستالستيل ..... ههههه .............. لكن مو بلاستيك ........ وحنا نبي زي صدامات الهللي القديمة اللي هي نفس صدام النفارا حاليا .... تحسفت فيها تويوتا ..... وشالتها من الهلي مدري ليش






الددسن القديمة منتشر بكثرة ، صحيح وغالبا مع محلات الحدادة لقوة صبر هذه السيارة وقوة البدي فيها ....... أما المحرك فهو جيد ولكن القير وسط .......... وبشكل عام أفضل من الهايلوكس القديم كجودة ....... لأننا مجربينهم في مشاريع الوالد خلال الثمانينا والتسعينات






تويوتا يابو منصور تنتج بكميات ضخمة وتبيع سياراتها بما يعادل جودتها في في الأسواق الأمريكية واليابانية ..... أما عندنا فسعرها جديدة لا يتوافق نهائيا مع جودتها وتتعتبر غالية أضف على ذلك عبداللطيف جميل خطتة هي البيع بأعلى سعر ممكن وأقل صرف ممكن وأقل مواصفات ممكنة
بالله قارن بين سعر التويوتا وسعر النيسان لسيارتين من نفس المواصفات!!!!!






أخيرا أضهر أبو منصور شوية تنازل لمستوانا وهذا أعتبره أنا تقدم..... أنا ماقلت لك إن أبو الخل يعزز لك وأنت داعس مطفي النور





سنوات اسخدامك كلها راح تكون جميلة مع تويوتا يابومنصور وأبو الخل ينطبق عليه نفس الكلام لأن اسخدامكم للسيارة ممتاز جدا ولا تكسرون وتهابدون فيها

لكن واحد مثلي معدل ممشاه السنوي 120 ألف كيلو وإذا طلعت للبر الهم اللي فيني يطلع بالموتر فهنا يختلف الأمر ........... وبنفس الوقت لا أركز على سالفة السعر بعد البيع بشكل رأيسي لأني أبيع الموتر تربان خربان ......

السلااااااااااااااام عليكم

أبو الخل واللي يرحم والديك هدي الوضع شوي ............. واترك عنك مقارنة الإكستيرا بالسيارات الصغيرة وهذا غير عادل ................... مثل اللي يقول لازم نطلع سيارة تطلع على الإكستيرا

وبعدين انا ألحين أقولك من الظلم تقارن الإكستيرا بألتيما 6 سلندر ...... الألتيما 6 سلند تعطي الإكستيرا القير العادي عامود تقريبا قبل ال 160 !!!!!!

الإكستيرا مو منزل من السماء يوجد سيارات كثيرة تطلع عليه وجيوب برضو ومحركاتها 3.5!!!!

وتبي نصيحتي .... خليك من موضوع وسالفة الأرقام للمحركات ....... لسبب وحيد وهي أن قوة السيارات غير مطابقة لبعض بين مختلف السيارات مع تطابق أرقام الحركات وهذا الشيء معروف من أيام الثمانينات!!!!

الشباب هنا كلهم طلعو عن الموضوع الرئئيسي وهو في الأصل مقارنة بين الإف جي والإكستيرا

وتمت ترقية الموضوع الى مقارنة بين التويوتا والنيسان ............... وحرب العلامة التجارية

ومن ثم ظاعت الأمور وكل واحد صار يهابد بالثاني ........ هم العرب كذا .... اللي أبيه هو اللي يمشي ............ وعمر العرب ماراح يتفقوا

الله يصلح الحال .............. وخلوني أتحفكم بردودي .......... بس يبغالي أقرأ الموضوع من الأول

أخي الوقدان أشكرك على إطراءك وأحرجتني بحسن خلقك.



أخوي العزيز أبو خزيم الظاهر ما يقصدك أنت تحديداً، بل يقصد الردود المسيئة من طرف التيار النيساني عموماً، وإلا أنت ما شفنا منك إلا كل خير.

وأشوف أن 2000 ريال على أربع جنوط تويوتا أصلية جديدة يعتبر سعر طبيعي جداً، وهذا هو السعر الذي دفعته عشان جنوط الفورتشنر الأصلية إللي مركبها عندي، وإلا ترى سيارتي VX1 يعني جات أصلاً بجنوط حديد.

احذف من الطرفين !!!!!!!!

ليه ياخوي انا وش قلت ؟؟؟؟ ولا لازم ماانتقد اسلوب غيري اذا كان مستفز وغير حيادي ...

ولا عشان لاحد يزعل نحذف الطرفين ؟؟؟ اسلوبي وردي مافي اي شي يستلزم حذف ردي

ولكن الرد الي انا انتقدته مايختلف عليه اثنين .... ولا عشان قلت جنوط وكشافات ب2000 ريال

!!!!!!!!!!!!!!!!!!!!

هذا شي صار معي صدق وانا ماقوله استفزاز ياخوي .........


اخوكم / ابوخزيم :)

يا أخوان..
النقاش بالعقل والمنطق والكلام المحترم..
ما اعتقد ان هناك اي سبب يستلزم النقد والتجريح في الأشخاص اوا لخروج من الحوار باراء سلبية عن بعض اعضاء المنتدى..كلنا اخوان وما تفرقنا قواطي حديد على كفر..
لا نجعل الأمور تتحول الى كلام يرمى من شخص لآخر دون معلومة حقيقية نستطيع استخادمها في النقاش..

الخل الوفي..
أنت كبير وتبقى كبير بخبرتك الواسعة في فئة الدفع الرباعي..الف تحية لك وتقبل احترامي..

يعني ما جربت ولا شي مجرد انك سمعت كلام من شخصين..كما تدعي

,,

انا بعد اقدر اجيب شخصين واخليهم يشهدون اني قمت بالفتك على بوغاتي فيرون
وبروح بقول حق الناس اني قمت على بوغاتي و برويهم الشهود

تم التصويت تويوتا FJ كروزر

تحياتي

ما شاء الله قير عايدي؟

أنا مجرب الماجنا أوتوماتيك مع إكستيرا أوتوماتيك وطلعت عليه فزة وقومة وخط. بس أهم شيء لا تدعس على الأخير في البداية، عشان لا تدور كفراتك بوش من قوة المكينة، إلا إذا كنت مركب كفرات رياضية. أول تجربة سويت هذا الخطأ وراح علي الإكستيرا، ثم لما تداركت الخطأ ورحت عليه في كل مرة.



أخي الكريم، خبراء التصادم لا يفحصون لقطات اليوتوب ويحكمون على جودة السيارة. خبراء التصادم يدققون في كل صغيرة وكبيرة ويحللون مدى التلف في التصادم ويحللون مدى حماية السائق من الصدمة و و، وأمور كثيرة تدخل في المعادلة، وليس فقط "وين راحت المكينة".



قلنا سابقاً ونعيد مرة أخرى، الإف جي صرفيته ليست عالية مشكلته في صغر الخزان فقط، فخزانه 72 لتر فقط، والإكستيرا خزانه 87 لتر. بكم تعبي إكستيرا وبكم تعبي إف جي؟ أجبني؟



يعني غسلت يدك لمجرد أني أبديت رأيي في اللومينا والمكسيما؟ أنا أعرفهم شخصياً الإثنين وواحد منهم راعي اللومينا إبن عمتي، والإثنين أقرو أن اللومينا قام على المكسيما، وكانت المكسيما قير عايدي. ربما كلامك صحيح لكن راعي المكسيما ما عرف يقومها؟ بحكم أنها قير عايدي. ربما هو غشيم في القومات. ربما اللومينا فعلاً أقوى. التكذيب ليس الحل الوحيد. فالتمس لأخيك سبعين عذراً هداك الله.

وبالمناسبة عمري مكتوب تحت إسمي طال عمرك. والمكسيما القديمة سقتها لفترة طويلة لأن زميلي في غرفتي بالجامعة أيام الجامعة (من 96 إلى 2002) كان عنده مكسيما قير عايدي فل كامل كأنها إنفينيتي ما شاء الله. واللومينا استعرتها عدة مرات من ابن عمتي وأعرفها، وكنت أشعر فعلاً أنها ليست بقوة الماكسيما لكن بسبب النتيجة التي رأيناها غيرت رأيي. لكن ربما يكون كما قلت، الله أعلم. لكنك حكمت خطأً من دون معرفة أو تحقق أو تثبت أني ما جربت أيٍ منها.

وأنا لا أدافع إلا عن الحق الذي أرى أنه حق، ولا أدافع عن خطأ أعلم أنه خطأ، ويعلم الله. ولو ترجع لكتاباتي ستجد أني أتراجع كثيراً عن الأخطاء التي أكتشف أنها خطأ.

ماعليك يارجال خذ وخل في الكلام..

انا غسلت يدي من اخوي العزيز الخل الوفي بعد ما قال ان اللومينا 6سلندر على ايام المكسيمات القدام قويه وتشقهم .. طبعا بدون ما يجرب اضف لذلك دفاعه عن رأيه حتى ولو كان خاطئ..
وحتى اذا عرف خطاه يصلح خطاه بخطاء آخر..

..

انا ما اعرف كم عمر اخونا الخل يمكن عمره اصغر منا ومالحق على المكسيمات القدام.. معذور اذا اخطاء
وكل بني ادم خطاء,, تحياتي

الفوجي سيارة اعتمادية من تويوتا ولكن فيها بعض العيوب مثل الصرفية العالية للوقود
الرؤية صعبة والسائق وضعية جلوسة لاتعطية رؤية شاملة للطريق وتصميم الديكورالداخلي سئ
الاكستيرا محرك جبار من نيسان ويعيبه شكلة المائل للارتفاع والعرض قليل مثل البرادو والغريب صرفيته ممتازة عكس سيارات نيسان الاخرى

لا حول ولا قوة الا بالله ..


يا شباب ايش فيكم !! تراها سيارات .. و كل واحد ورايه و اختياره دعوا التعصب و العاطفه جانباً فلا قدم ولا تأخر في الموضوع شيء .

الموضوع شيق وجميل وننتظر ابداعات باقي الاعضاء
لذا اتمنى من الاداره الموقره تثبيته

واشفيه شعار النيسان ؟؟ يازينه هو سبب اعجابي بالنيسان

والله لو علامة تويوتا على الاكستيرا كان طيرتوووووووووووه بالسماء !! لانه وحش بمعنى الكلمة ...

بختصار كسر خشووووووووووم جيو تويوتا !!!

ولو الاف جي من نيسان كان خليتو عيووووووووووب الدنيا فيه !!

اتعبكم الاكستير ياشباب :)

تحيه خاصه لكل من شارك بالموضوع النير سواء

واحلى تحيه لعشاق الاكس <<<< بصراحه اتعبتووووهم :)

احذف من الطرفين يابو صلوح لانه فيه ردود استفزازيه كثيره من ربع النيسان لكن محد مركز الا على اصحاب الفوجي

ولو اني استغرب من رد الاخ memo1427 الاستفزازي من الدرجه الاولي

نبي نرتقي شوي بالمنتدى بدون الفاظ وامور مالها داعي

الله يعينكم يالمشرفين

memo1427

حياك الله اخوي :)

فعلا اثريتنا برايك الشخصي وراي اهلك البعيد كل البعد عن التعصب والاستفزاز !!!!!

وفعلا لو تبيع الاكستيرا تشري كشافات للافجي..... وخاصة ان ابوي شرا فورتشنر

وكان الفرق بين السيارة بجنوط وكشافات وبدونها 2000 ريال فقط خخخخخخخخخخ :)

تخيل كشافات وجنوط ب 2000 شي مب طبيعي الضحك على الناس !!!!!!!

واذا كنت مستغرب ان ماحد رد عليك فناظر اسلوبك الراقي وبتعرف ليه :)

_________________

اخوي صالح والله ان دايما احترم حياديتك العاليه واسلوبك الراقي
.... بس صدقني في ناس مايكفي انك توجهه وتقوله ردك فيه كذا وكذا
والمفروض انك تحذف الرد عشان لايجي واحد بنفس مستواه ويرد رد بعد بايخ
وماحد يستفيد في النهاية .......


اخوكم / ابوخزيم :)

اخوي صالح انا بخير والحمد لله ..وحسام بخير وعافيه .. ترى انا يوميا ادخل المنتدى بشكل مستمر ولا يفوتني موضوع .. لكن ما اشارك ..

يبغالنا نلتقي اخوي صالح يوم من الايام ..
وشكراً لك على سؤالك ..

اخوك مهند

السلام عليكم

وينك انت
كيف حالك ان شاء الله طيب وايش اخبار حسام