>>>>>>>>أخر أخبار القومات<<<<<<<<

السلام عليكم

والله بما اني عضو في نادي السيارات الملكي الاردني شفت قومات كثيره حيل
وطبعا كلها لسيارات معدله

عن نفسي كانت عندي هوندا سيفيك هاتشباك 92 قير اتو
قبل التعديل قاومت مره مع اكسنت اضن 99
قام علي بالصفر بس كلها مية متر وانا طالع عليه
وقاومت مع كابرس 87 مسافة ميتين متر وطلعت عليه
وقاومت كورلا قير عادي 2001 وطلعت عليه قومه وخط
تجاكرت خط مع سوزوكي تون كام اللي تشبه السبرنت بالموت قدرت اماشيه بالخط
على سرعة 210 تقريبا
قاومت صني قير عادي وطلع علي في القومه والخط

بعد التعديل سيارتي عليها مكينة Vtec DOHC 1.8 مع شارجر وقطع ثانيه طبعا القير عادي
قاومت سيارات كثيره اذكر منها امثله
1- كمارو اس اس قير عادي ست نمر
2- بورش بوكستر
3- موستنغات
4- امبريزا تربو
5- ايفوليوشن
6- قولف دفع رباعي

وغيرها كثير كثير

ولمعلومات اكثر عن تعديل الهوندا السيفيك
راجع الموضوع هذا
من الالف الى الياء سيفيك اقوى من الفايبر!!
http://www.assayyaratnet.com/forums/showthread.php?s=&threadid=19892

ومن اخر القومات اللي حظؤتها كانت البارح
بين واحد من ربعي عنده كورلا 2000 قير عادي
مع سوزوكي صغيره مااعرف اسمها هذه الجديده اللي رفع الوانيت : )
في البدايه طلعت السوزوكي بالراحه
بعدين فكيت فلتر الكربوريتر حق الكورلا وفريت الدلكو
الكورلا شدت مع السوزوكي مسافة ميتن متر بعدين طلعت السوزوكي

في القومه الثالثه طلعت معاهم بالكمارو : ) مية متر بعدين بالموت قمت اشوفهم بالمرايه : )

تحياتي وانشالله لي عوده.

مشوكرين على الردود ونتمنى نسمع الكثير عن القومات

هلا يالشباب شباب القومات


انا بالنسبه للقومات اللي انا سويتها من قريييييب

انا معاي لومينا ال تي زد 1999 ابيض

المهم جاني راعي اوبل اوميغا 2002 ذهبي فل اوبشن قالي تقاوم انا اعرف راعيها المهم قلتله والله انت اللي بتطلع بالراحه .....تقوامت وياه الييين ال100 متساوين وبعدها بدا يبعد

اما القومه الثانيه

انا مع لومينا ال اس 2002 ابيض
والله ياشباب قومه هزئني تهزيء يخليني ارووح قبله بعدين يجيني ويتجاوزني

قمت قلت مافيه الا حل واحد ارد فيه اعتباري مع العلم 220 طبلون اللي معاي وهو 250

طلعت وياه خط


من قلب رديت اعتباري الحمدلله فرق كبييييييير مررررره بيني وبينه حتى انه قالي والله ماتوقعت ماشاءالله




لاحظو لو ان الاوبل اللي في القومه الاولى تقاوم ويا اللومينا كان راحت اللومينا قووومه بالرااحه لانها الا ال اس خفيف .....

مشكورين على هدا التفاعل وهده المشاركات وانتمنى الاكثر

كامري الجديده اكبر مكينه من الأوله ...لاكن تقوم على الماكسيما(6سليندر)...مافيه امل هي ورجلينها الصغار.

مسامح المشكله الشباب
هنا مو مصدقين ان الكامري الجديد مررررره قوي
بس ايش نقول لنا الله
بس تصدق اخوي ليتك صورتها وحطيتها في المنتدى
تحيااااااااااااااتي

قومه بين كامري XLI موديل 2003 ، و ماكسيما 99 .
القومه كانت من الصفر الى --------------> الطبلون . يوم مشو السيارتين بالأول الماكسيما طلع و جهها قدام و مع الثاني الكامري صفت جنبها و ضلو جنب بعض لمده طويله لاكن في النهايه الماكسيما تقدمت شوي على الكامري .
والله الكامري لزقت للماكسيما .

طيب عاد تصدقون ان الهايلوكس الغماره يقوم على الكامري والمكسيما ؟؟؟

انا مصور دودج رام(صحن) وجمس(صحن) قديم يتقاومون في طعس التحدي(الثمامه)
وطبعا انتصر الدودج ( اعتقد انه 10سليندر)

ونفس الجمس رجع مع بليزر قديم وانتصر البليزر...المشكله ان راعي الجمس هو الي يتحرش في خلق الله وبالأخير دايما ينهزم!!!!

البعض يقلل من شأن بعض السيارات الصغيره وهو مايدري انها طلقه مثل الكورولا

السلام عليكم

موضوع رائع وشيق اما عني
شفت متسوبيشي 3000GT
طلع مع موستنج GT اول شي
المتسوبيشي قام على الموستنج
بس بعدين الموستج طلع عليه
ونطلب المزيد



مع تحيات اخوكم المخلص
الخبيـــــــر
|6|

اهلين يا اللومينا SS
طلعت مع موستنج
واناعندي كابريس86
وطلعت عليه بفارق كبير

مشكورين على هدا التفاعل وعلى هده الردود

هلا اخوي ابو حسين انا شفتها كم مره بمعارض الشفاء ومحركها من نوع vetc
بس تراها خليجيه بس تجي خليجيه ولاتجي قير تماتيك


وشكرا اخوك / مجنون هوندا

مرحبا شباب ....
نقول ..بسم الله ...
اليوم الأخ ابن عمي يتمشى بالأكورد الي حقه 2002 ... هو واقف عند الأشارة جاء جنبه جراندي 1986 توربو امريكي .... انا جالس جنبه رايحين مكتبة جرير....
الرجال راعي الجراندي صج راسنا .... قال ما في الا نشيل وياه ...اقوله
صلي على محمد ويش تشيل ويا جراندي ياخد عشرين لمبة قدامنا ....
الا هو يقول ويش عجل العشرة الأف الي صارفينها بالبحرين على هدرة المكاين الي صجنا بها اخوك ....
قلت بتشيل وياه شيل ..مالي شغل ..
بس بستلمك في العزية ...هههه
حطنا وياه بالأولى ومشينا ...الثاية شوي طلع رجعناها بالثالة لأن طولنا شوي بالتعشيقة ...الثالة راح وقف بالأشارة وحنا قدامه نتمشى عشرين...
ما عليه خله يولي الحين
هذي القومه الي ما اصدقها
هونداي اكسنت تاكل ماركيز؟؟؟؟؟؟
وكانت قومه صح اثنين شباب ...صحيح والله ما امزح
بس باااااااااااااااااااااااااااااااااييييييييييييييييييييين على الأكسنت الذهبي شوي مخروبة مكينته ببعض التعديلات ... لأن مثل القار الجريدي ذيك الليلة ....
لومنيا اس فضي ويا سوبرا مكولة اكل من الدعمات .....
طيخ طاخ طوووخ السوبرا اكل ....بس قومته شوي قوية السيارة كانت مهبطة مرة التاير بالبدي بس قامت من قدام ...في وقت القومه .....
قومة ماكس ويا الشقيقة الصغرى التيما الماكس 98 والألتيما 93 .....
بلا منازع وروحة وجية الماكس حطاه بالمخبى ومشى ......
وسلامتكم ....
نفسي اقولكم ويش يصير بالرياض ..بس ما بتصدقون ....
يمشي 80 ويرفع الهند بريك ..وبااااااااااااااااااي خصوصا راعاة الكامري .... واحيانا يمشون بالمية وفوق ....
لان فالتين فلت وفي ساحة عندهم كبيرة حق هذي الشغلة بس مو عارف اسمها ...
تحياتي...
RoadKillz28
تسلم على القومات

مشكوووووووورين اخواني نطلب المزيد
تحياااااااااااااااتي

موضوع مميز بالفعل

بصراحة بعد ما أشتريت الكامارو 2000 وخلص تمرينها ... قلت في نفسي يالله عاد نشوف شطارتك..

اول قومة كانت مع لكزس 430 ال اس 2001 من البداية على سرعة 40 ضغط هو وانا ضغطت معاه طلعت عنه بمسافة سيارتين لحد 160 وعطاني اشارة للخط (بصراحة في البداية كنت متخوف اللكزس مو شوي) لكن هو وصل لسرعة 240 (كنت انا خلفة), سيارتي والله ماادري كم جابت بس كان العداد على الاخر وتجاوزته اكثر 255 (نهاية عداد السرعة) :eek:

الثانية مع موستانج 97 او 96 في مقاومة للموستانج من الصفر الى 60 تقريبا(كنا على نفس الخط) بس بعدها طلعت عنه بفارق كبير :p

الثالثة مع BMW 850 ci (وكنت ضامن انها تغسل الكاماوربس اجرب) بعد دوار هو اللي بداء عطاني اربع اشارات وكان جدامي.... تجاوزته وبعدها بفارق سيارة ونصف. وخليته يتوكل عارف انه راح يهزمني في الخط.
المشكلة في البي ام اها ثقيلة على الرغم محركها 12 سيلندر (ولهذا السبب هي ما ناجحة) :rolleyes:

بصراحة ما جربت مع سيارة وانا متاكد انها تروح عني 100% لاني ما احب احد يغلبني :D

سمحولي طولت عليكم ....

اهااااااا
طيب اخوي ايش مسوي في المكينه ممكن تخبرني
سلاااااااااااام

لا طبعا انا لاعب شوي بالمكينة

اخوي سوبر بان
شكل راعي المكس كان يمرح معاك
انا كان معاي كابرس 93 صابونه اكلت سوبر بان
اجل كيف المكس
تحيااااااااااااااتي