مشكلتي مع الصني 2009 الفلشر ينفتح لين تتسكر الأبواب ...ما الحل ؟؟

هههههههههههههههههه

هههههههههههههه

هههههههههههههههه


الله يرجك والله انها فكرة خنفشارية ههههههه

اغديني اسير للرياض اللي تجيب لي الهم بس الشكوى لله

يجيني تكاك لين اطلع منها <<<< كلام قصيمي 100% لا تواخذنا ههههه

بس فيها واحد ينطبق عليه المثل

لأجل عين تكرم مدينة وعشان كذا اذا رحت لها يصير تسييره بس وامشي

مشكور مرة اخريات هههه

طيب شف وش رايك فيه زر بالباب تحت حق اللمبه الداخليه ,, الحين اي سياره

اذا فتحت الباب تولع اللمبه الداخليه لانه فيه زر تحصله بالبدي الداخلي تحت اول ماتفتح

الباب يطلع الزر ويشغل اللمبه الداخليه واتوقع بعد الفلشر

انت افتح الباب واضغط الزر خله مضغوط كانك مسكر الباب اذا ما اشتغل الفلشر

هات اي شي وركب على الزر لزاق تفكه وتلغيه مؤقتا او اي شي او فكه عشان يصير مضغوط علطول

ولا يولع الفلشر هذا حل مؤقت لين تجي للرياض وتشوف سالفه الجهاز او النظام هذا

وش رايك بالفكره جهنميه :bigggrin:

يامال العافية والله أخوي الناصح

أنا والله من أهل القصيم لكن بسير على الرياض ان شاء الله قريب وبروح للغرابي

بس يارب تصير سهل أمره علطول يفصلونه

ومشكور على إهتمامك يابعدي

هلا بك اخوي

انا متاكد انه نظام بالسياره مركب اذا انت بالرياض رح لكهربائيين بالغرابي

حقين الريموتات واجهزة الانذار نفس المحلات وقله عن سالفتك وان شاء الله

يحلونها لك لانهم خبره بتركيب اجهزه الانذار

وانا عندي جراند ماركيز مركب له جهاز انذار ويسوي نفس حركتك ونكبه بالبر

اول ماافتح الباب علطول يشتغل الفلشر ورحت قلتهم الغوه قالو مانقدر هذا بنفس جهاز

الانذار ومدام انت ماعندك جهاز انذار او فتح ابواب بالريموت اتوقع يقدرون يفصلون

لك الجهاز اللي عندك اللي مسوي هالحركه وانت رح وجرب منت خسران شي

وعسى الله ييسر امرك والسلااااااااااااام

من جد والله صارت بالنسبة لي مزعجة

وخاصة أني متنرفز منها وبديت انتبه لها مره وكل يوم أكرهها زيادة :bigggrin:

الله يعينك

فعلا انا لاحظتها على صني في مواقف الجامعة و نبهت صاحب السيارة و كان يشخص بشماغه لاني حسبته ناسيها وضحك و قال هذا طبيعي بالسيارة

و الله هي مشكلة يعني لو رحت لمكان بالليل و ما تبي احد يدري عنك هالاشارات راح تفضحك [COLOR=black]<<< لا يروووح فكركم بعييييد :ch19: :c0214:[/COLOR]

بس الغريب اتوقع انت اول واحد يشتكي من المشكلة هذي ؟ وين اصحاب الصني اعدادهم بالهبل ما قالوا شيء و لا اشتكوا من هالمشكلة ؟؟

ماخليت شي من الكتالوج مادورت فيه

الظاهر انها مو موجودة بالكتالوج والفيوز كلهم فكيتهم والفليشر يأشر ولا تسكر أبد طبعاً عند الكهربائي

جالسين نشيل فيز فيز ولا وصلنا لشي

مشكور على مرورك

بيض الله وجهك اخوي الناصح

لكن حبيت اقولك ان السيارة مافيها ريموت

وظنك لو اركب فيها ريموت يروح الازعاج هذا من الفليشر ؟؟

وحبيت اضيف بعد السيارة لو اخليها على وضع N بالقير التماتيك طبعا واسكر السيارة واقفل الازرار يبقى الفليشر مفتوح

وهذي نقطة ثانية بس انها نفس المشكلة ودي اعدمها كلها

مشكور على مرورك مرة ثانية

اتوع نظام امان يمكن ..دور بالكتالوج يمكن تلقى شيئ يفيدك باغلاق الفليشر