السلام عليكم ورحمة الله وبركاته
مبارك عليكم الشهر وتقبل الله طاعتكم مقدما
وكل عام وانتم بخير يامسلمين
اتمنى لكم الصحه العافيه تحياتي لكم جميعا واشكركم على هذا المنتدى الجيد
واتمنى لكم الدوام على هذا الامتياز والاسلوب الجميل والكلام الطيب وفعل الخير من دون حساب
===============================================
اخواني لدي مشكله وصدقوني اللي يحل لي هذي المشكله راح ادعي له من كل قلبي ولاعليكم قصور
وعسى الله يوفق الجميع لكن والله والله والله اتعبتني جدا والمشكله انا رجال غير موظف وانا
المسؤل على البيت والاجواء حاره جدا ومشاوير الاهل وضرورياتهم كثيره ولايعلم بها الا الله
والماده اصبحت قليله والاسعار اصبحت نار واكثر التجار ماعاد فيهم حس ويشهد الله ان لي عطل
بالسياره اتعبني جدا اقسم برب العباد اني صارلي يومين رحت ورشتين وكل ورشه عباره عن منطقه
بعيده عن الثانيه وهما اعظم ورشتين عندنا بالكويت ولا لقى احد فيهم حل لمشكلتي اتمنى لكل من
يعرفها او مرت عليه يحاول يساعدني الله يخليكم لان محد يمكن يعرف للمشكله الا الوكيل نفسه
والوكيل عشان تفحصها بس بسعر 40 دينار كويتي
المشكله هي ياجماعة الخير عباره عن السياره ثقيله حيل لدرجه ماهي طبيعيه بس اذا طفيتها وقعدت
من باكر تكون جيد استعمالها من اول ماحركها اول 5 دقايق تقريبا بس تسخن تصير ميته ثقيله حيل
ثقيله لابعد الحدود مافيها عزم نهائيا اقسم بالله الدعسه كلها ادوسها بالموت يفز يمشي عادي مثل
اي سياره 4 او 6 سلندر ( وسيارتي عباره عن كابرس 1996 LTZ ) وانتم طبعا عارفين الكابرس
القديم شلون خفيف وقوي عزمه ونشيط لكن والله ما ادري شنو اللي جايه بضبط محسود يعني يمكن
من نظافته ما ادري كل ورشه وفحص جيته مايعرف علته والسياره لمن تبوشها نمره N وتبي تبدل
نمره D ميتها تدوس بانزين ماتستوعب الا بعد ثانيتين او 3 ثواني يستوعب واذا دست اكثر تحس
انك تضر القير والمكينه يعني لازم شوي شوي عليه نمره 1 ونمره 2 بالموت يمشي نمره 3 عادي
ممشاه ياجماعه والله اتعبني وانا رجال يعلم الله ماني متوظف وطالب وانا اللي اقوم بمشاوير اهلي
وعلى قد الحال وعلى باب الله اتمنى منكم تفيدوني علما باني غير قادر على مصاريف فحص الوكيل
40 دينار واجد حيل وما ادري شنو راح تكون علته بعدها طلبتكم حاولو تفيدوني تساعدوني
وعسى الله يغفر لكم ويبارك لكم بالشهر المبارك والله يفتحها بوجهكم بدنيا والاخره انشاءالله
اسف على الاطاله بس والله الدنيا تحدك على الضيق بوقت العازه وعساكم ماتقصرون
