رايكم في اطلاء شبك السيارة بالنيكل ؟؟

السلام عليكم
اخي خلك ابعيد عن النيكل ( اوالكروم) وفي البحرين للحين ماقدر اي كراج ايسوي
الخلطه الدقيقه جدا . ومحسوبك ( يعني انا) اكل بمبه كبيره مع لكروم في شبك شفر قديم وهذا شي نادر انك اتحصله وخربوه منهم لله.
اي كراج ايقول لك انه ايسوي هذا ماعنده ضمان ابد
يعني مره تصيب الخلطه ومره فشوش . الاجهزه موجوده في البحرين بس توهقو الجماعه مايعرفون
اشغلون الجهاز .خخخخخخخ والله اني جاد في كلامي.
شوف الكراجات الموجود عنده جهاز صباغة الشبك البلاستيك بالنيكل او لكروم هي
كراج الفين 2000
كراج ماك وهذا اكبر حرامي هذا انا تعاملة معه منه لله في واحد اسمه حسين مدير كراج الصباغه .
كلر جلو وهذا عنده الجهاز واكل بمبه كبيره مايعرفون اشلون يشغلون الجهاز
كراج الماي وهذا فشل وياهم بعد.

يعني اخذ الحذر وبس انت الحين انا احذرك وانا محد حذرني وراحت علي 900 ريال على فشوش.

اخوي عنده محل اسمه خيال كروم في الاحساء المبرز يم دوار المرور عنده رش نيكل وليس تغطيس ماراح تقشر اي استفساريستفسر وشكرا

اشتر واحد من التشليح وجرب فيه

الله يعطيكم العافيه ومشكورين على ردودكم

اخوي فيه شبوك عند محلات الزينه نيكل جاهزة وأشكالها مختلفة وكثيرة ركبها فوق الشبك الأصلي

عشان تقدر تشيلها اذا ما تبيها بسهولة

والله شـف النيـكل يبيله نغـطيس
والتغـطيس آتـوقع من 200 الى 500 ريـآل
بـس المشكله بعد مـده يتقرش النيكل
خلله كذآ آحسـن لك
بالتوفيق