من خلال إستخدام أقل من شهر لموديل 2003
أفيدك بالي أقدر عليه
1- صيانته سهله
اي محل يصلح جيوب أو سيارات امريكية يعرف له بس شغل اليد غالي بسبب قرب القطع من بعضها
وكم محل في الصناعية اذا وديتها لهم يقولون هذي اعطالها كثيرة الكهربائية ورمان الكفرات والدبل بس أنا للامانه ما شفت منها شي مثل ما قلت لك توي شاريها
2- قطع الغيار متوفر بسهوله ورخيصة الثمن
القطع الميكانيكية متوفرة في محلات قطع الغيار مثل بالبيد و باقادر والتقوى والوكلاء الجميح والعيسى
بس البدي غير متوفرة ويطلعون روحك لين تجي من فروع ثانية او من الخارج
تجربتي كانت في الإسطبات الخلفية اخر شي قالي العيسى روح مخرج 5 واشتري اسطب يمين وخريص إسطب يسار ب530 ريال
لكن المحلات يقولون ب400 - 450 ويقولون انها اصلية بس توي ما شريتها
إحتجت لأزياق الأبواب ما حصلتها عند الجميع والوكيل قالي اجيبها لك بعد 20 يوم وسعرها غير معروف لين تجي
ثم اشتريتها غالي من التشليح وللمعلومية قليل وجوده بالتشليح كل الي عندهم يمكن 4 محلات بس .
بالنسبة للأسعار الباقية صفاية البنزين مع فلتر الهواء ب120 ريال
بلف الحرارة يمكن ب75 ريال البواجي بمية وشوي والفحمات ب230 ريال من الوكيل بالنسبة لي اشوفها معقولة .
وتقدر تدق على المحلات والوكلاء وتسأل .
3-مريح في السفر
اي ركوبة مريح وقيادته مريحة بس ما سافرت فيه .
4- اواي معلومه تفيد قبل الشرا بخصوصه
الشباب يفيدونك .
5-وعن تعامل الشركه مع العميل في حالة وجود مشكله بالسياره
ما وديتها للوكيل :smile:
وفي النهاية انا راضي عنها ومالي نية ابيعها ومو متحسف اني شريتها
انا شاري LT من شهر ومرتاح ..... بس يا تلحق يا ماتلحق لنه في العيسى مخلص وخذت من الجميح
وش الفرق بين هذي الموديلات LS و LT وغيرها
انا الي عندي فل كامل ( فتحة سقف وسي دي وكراسي جلد كهرباء )
هذا هو LT ؟؟
