قراند ماركيز2004

افادني هذا الموضوع بالفعل

وعلى فكرة نفس المبلغ معي ونفس التفكير ,,,,,,,,,,,,ان شاء الله بنزل جدة واشوف هناك

في الطائف عندنا اسعار مبالغ فيها

[SIZE=4][COLOR=darkred]السلام عليكم ورحمة الله وبركاته

بخصوص ( المكيف الالكتروني ) كثير ما يخرب القسام و يصير يطلع الهوا بس من فوق ..

فيها احد من الاخوان ذكر ان اصلاح يكلف حوالي 40 ريال و هذا غير صحيح بتاتا

تكلفة اصلاحه تقريبا 700 الى 900 ريال ( قيمة القسام 500 في التشليح )

اما اذا ودك تغير القسام يصير الكهربائي يعزل القسام و يصير المكيف بس موجه على وضعية واحد فقط ( اي انك فقدت دور القسام) و هذا يؤدي :
1- المكيف موجه عبر فتحات معينة ( يعني الهوا ما يخرج من الالأعلى و لا الى الاقدام و لا ....)
2-فلتر الهوا لن يعمل ( بوجود القسام هو يعمل على وضعية الماكس) و بالتالي الله يعينك على الروائح والغبار و درجة الحرارةز
3-لا سمح اذا حصل خلل في المهرباء قد يتعطل المكيف كلية .


الله يوفقك انشاءالله
[/COLOR][/SIZE]

انا لاقي 2003 LS فل كامل فتحة ومخشب وماشي 108 الف بس نظيف 48,000الف الاسعار مولعة مع حرارة الصيف الله يرزقك موتر نظيف اخوي

صراحة ياخوي اول مرة اسمع ان الماركيز يجي فتحة من المصنع

هلا وغلا اخي الغالي

اذا تبي تقرير عن السياره من موقع كار فاكس عشان تعرف اذا صار لها حادث او كوارث طبيعيه

ماعليك الا تكتب رقم الهيكل المكتوب على الطبلون او تلقاه على باب السائق على الجانب عند فتح الباب

وفي احد الاخوان هنا بالمنتدى جزاه الله خير يستخرج التقارير مجانا على هذا الرابط

ماعليك الا تضع رقم الهيكل فيه


http://www.assayyarat.com/forums/showthread.php?t=173445

وعند الفحص
اولا وديها على اقرب ورشه عندهم فحص كومبيوتر وافحصها فحص دقيق (ضغط البساتم ) وقوة القير وكهربة السياره بشكل عام

ثم وقفها على حفرة وانزل تحت وتأكد بنفسك هل هناك تهريب زيوت ام لا واهم شي ركز على صوفة القير الاماميه هل فيها تهريب ام لا ومكانها عند البطيخه (بين المحرك والقير )

لان تكلفة اصلاحها فقط 500 ريال ولا الصوفه سعرها رخيص لكن تركيبها يحتاج فك القير

ثم افحص سلامة البدي وخلوه من الصدمات او الرش والافضل تجيهم وقت النهار

واذا امكن تقوم بتجربة قيادتها وتشوف عزم المكينه وتبديلات القير هل هي سلسه ام فيها خشونه ونتعات عند التبديل

وعند الشراء
اول شي تسويه استبدل صفاية البنزين وسعرها 30 ريال + فلتر الهواء وسعره 25 ريال + زيت القير مع الفلتر موديلات 2003 تشيل 6 علب للقير ايضا تغير زيت المكينه (6 علب مع الفلتر ) و 5ونص بدون الفلتر )

ايضا تفرغ موية الاديتر وتعبيها علبة مويه خضراء موتر كرافت ب 45 ريال والباقي مويه مقطره

والله يكتب لك اللي فيه الخير

تحياتي

اذا كانت السيارة امريكية ... تاخذ رقم الهيكل (تلقاه على باب السواق) يبدا بVIN
وتشيك على تاريخ السيارة كامل بامريكا .. وتعرف اذا هي صار للموتر حوادث او فيضانات ... من خلال موقع كارفكس (في مواقع عربية تقدم الخدمة مقابل 20 ريال ) ابحث عنها .....
ثم تفحصها عند احد المراكز المتخصصة بالفحص ... وركز على فحص بطن السيارة وتسريبات الزيوت منها ....
اذا نجحت توكل على الله وخذها ,,,,
ميزانيتك 40 الف وهالمبلغ حسب معرفتي ماراح يجيب لك لميتد .. لانها بحدود 48 النظيف
انصحك تفكر بموديل 2003 LS مراتب جلد ومتحركة ومكيف لمس ارقام على الباب ريموت وهي نفس ال2004

نصيحة اخيرة ابعد عن الالوان الغامقة مثل الأسود ... لانها تجذب الحرارة

7777777777777777777
انا شايف البيان كلة شكمان واحد وابو شكمانين هذا بوليس الله يعافيك انتبهوا بس من التكاسي والشرطة هي الي تجي شكمانين ..

تحياتي

العيوب، الحمدلله لا توجد عيوب مهولة، مجرد اشكاليات، مثل المكيف الالكتروني بعض الاحيان يطلع الهوا من فوق وتحت ومايطلع من الوجه، والحل تغيير القسام بمبلغ لا يتعدى 40 ريال.

الله يحفظك، انا معي ميركوري قراند ماركيز 2004 سبيشل ايدشن او كما يعرف ب لمتد عندنا، مستورد من امريكا، فرقه عن السعودي انه بدون فتحة تكييف خلفية وبعضها يجي شكمان واحد وبعضها شكمانين، الي يجي شكمان واحد هذا قوته 229 حصان والي شكمانين 239، والحرارة ابدا ابدا ابدا مافيه فرق بينه وبين السعودي كلهم نفس الشي، اللهم اذا السيارة ماهيب نظيفة.
الماركيز يجي ثلاث انواع:

أولهم: GS هذا سياحي، مراتب مخمل، المكيف فرار زيه زي اي سيارة ثانية، ازياق الباب صغيرة، كرسي السائق كهربائي والراكب عادي، مسجل كاسيت، ماادري يجي فيه مثبت سرعة او لا، الاخوان يفيدونك ان شاء الله.

و ثانيهم LS : هذا الفل وعلى حسب يمكن يجي جلد او لا، ازياق الباب تجي عريضة، مكيف الكتروني، كرسي الراكب والسائق متحركات، مسجل سي دي و كاسيت، مثبت سرعة.

ثالثهم LS سبشل ايديشن او لمتد: هذا فل الفل، فيه نظام اسمه الهيدروليك، هذا ينفعك اذا حملت في السيارة اوزان ثقيلة وطرحت من خلف، يرفعها ويخليها طبيعية، طارة مخشبة خشب 100%، ازرار تحكم بالمكيف والصوت ومثبت سرعة بالطارة، مكيف الكتروني، ازياق باب عريضة، مراتب جلد، احتمال يجيك مسجل 6 سيديات بالشنطة.

بالنسبة للفتحة انت وحظك ونصيحة انت دور النظيف الزين، خلك من الفتحة، اذا لك نصيب بتلقاه.
والأسعار أغلى من الميزانية الي انت حاطها، على خبري ان GS النظيف من 43 الف وفيها.

وفرق 2003 عن 2004، ان 2003 مايجي فيه فتحة نهائي وبتلقى بتلقى مساحة تخزين في سقف السيارة من داخل، يعني درج نظارة شمسية، و2004 مافيه هالدرج لانه الشركة اتاحت خيار الفتحة.

و2005 يفرق الديكور من داخل اما الخارج هيا 2003 و2004 اللهم الانتل مسنتر يمين الشنطة عكس 2003-2004 موجود بالقزازة الخلفية.


واي استفسار انا حاضر.


ملاحظة: بعد اذن الادارة وعلى طلب صاحب الموضوع سأذكر المعرض الذي شريت منه سيارتي.
صالة اركان الروعة، حي الشفا، الرياض.