مشكلة لدي في اوبروس

الحركه هذي صارت قبل كم يوم مع نسيبي في اوبيروس 2009 فل كامل وماشيه حوالي 600 كيلو بس توه مطلعها جديده من يومين اتصل علي وقال ولعت عندي لمبه البريك ولمبه ESP وش السالفه قلت له طف السياره وشغلها وبعدها اختفت المشكله بلا رجعه

لاكن المشكله طلعت له وهو بطريق سريع والطريق كان مره تعبان حفر ومطبات

انا عندي سيارتين 2008 ولا قد شفت اي مشكله او لمبه ولله الحمد

والله يبغالنا زياره للوكاله نخليهم يبرمجونها وباسألهم اذا فيه شئ اخر مانعرفه

اخوي بالنسبه للدركسون برمجه عاديه جدا
اما بالنسبه حق اخوي العتيبي يامعود لا تسكت عليها رح للوكاله صدقني برمجه بصراحه السياره كلها معتمده بالكبيوتر وانت عندك المبه ثابته يعني الحساس عندك خربان وهذا على ضمان الوكاله ومع الاسف انا شفت حساسات كثيره للسياره في المقدمه
وعلى فكره غسيل البخار للماكينه غير مضر ابد وهذا كلام الوكاله بالدمام لانهم هم يستخدمون البخار

طيب و الذي عنده لمبة : AIRBAK ثابته

اخي العزيز
هذي فعلا مشكله طبيعية زي ماقالوا لك الاخوان بسبب كثرة الاغبرة ولو تلاحظ بعد ماتوصل لديرتك يرجع كل شي تمام بسبب كثرة البرمجة في السيارات الجديدة
وانا رحت للوكالة وقالوا ماعندك شي كل شي سليم

لا يكون في بعض الفئات بس انا اللي عندي فل
ياريت احد يفيدنا

هذاوانا اخوك زي الكزس لما تشغلها ينزل الدركسون ولما تطفيها يرتفع لكن حتى انت موعندك غريبة بس اعيقد الشغلة برمجة وانا مثل ماكتبت في ردي السابق يبغالنا واحد طلع شغلات البرمجة بدون كمبيوتر

ايش سالفة الدركسون تكفون اذا فيه شي مانعرفه دلونا عليه
والله احس فيه حاجات كثير في السياره ما نعرفها ويبيلها جلسه لكن مافيه وقت
ياريت اللي عنده حاجه يحس انها مهي بمعروفه لدى الجميع اواكتشفها يقولنا عليها
مثلا :انا ماكنت اعرف ان المرايا الجانبيه تنزل اذا عشقت الى الخلف لانها ماكانت تتحرك
لاني كنت احط الموجه حق المرايا في النص وهو لازم تحطه يمين على شان تتحرق معاك في التعشيق ....

الله يعطيك العافية اخوي لكن وشلون ابرمجها
انا صراحة من زمان ادورا احد معاه اوبيروس ومتفاعل دائما ونفيده ويستفيد منا وانا قريت موضوعك عن اكسسوارات الاوبيروس كان ودي اننا نحصل شخص يعرف البرمجة السريعة بدون مانروح للوكالة
وشكرا لك

مرحبا اخوي tewster

ليش ما وقفت السياره على جنب وسحبت الجلنط وبعدين دعست البنزين شويييييييييييي

وبعدين نزلت الجلنط مره ثانيه

يمكن كان بس معلق عليك
لانك يوم قلت سويت اعادة تشغيل لها بعد ما وصلت وريحت ولا صار شئ
جت على بالي انه يمكن كان بس معلق

عموماً الله يعطيك خيرها ويكفيك شرها ان شاء الله


الا بسألك من وين مسوي تفصيل البرقع ؟ هل هو في الرياض ؟ واذا كان في الرياض
وصف لي اياه

وشكراً:xyxwave:

هذي والله أعلم طبيعيه وتصير بأغلب السيارات الي فيها كهرباء وكمبيوتر واجد أنا أذكر واحد معاه جيب لكزس LX470 موديل 2007 كان يمشي على خط وفجأه طلعت له كل العلامات وقف وطفى السيارة الى ان بردت وشغلها وأختفت ولا عاد رجعت يمكن لخبطه شوي لكن مو مشكله بالسيارة يعني لايضيق صدرك ..:wink:

حصلت معاي مرتين او ثلاث مع سيارتي لومينا 2005
وكانت الظروف المشتركة في كل مرة تشتغل فيها لمبة الهاند بريك و ABS يكون الطريق عج (عاصفة رملية) ، نظام ABS هو مانع للانزلاق فاحتمال يكون يتوهم بسبب الرمل الكثيف إلي تضرب الكفرات ان السيارة في حالة خلل في التوازن فيبدأ بأداء مهمته.

السلام عليكم
اخوي بانورما يطلع الدركسون في حال فتح الباب

والله ياخوي انا من شفت موضوعك قلت لازم ارد
الله يسلمك انا عندي ابيروس 2009 فل كامل ونفس الشي حصلي وانا نازل من تبوك متجه الى الرياض وفعلا كان الجوا غبار وكانت السيارة ماشية حوالي 4000ك ظهرت لمبة abs ,break،esp لكن طفيتها وشغلتها راحت والى يومك ولله الحمد لم يحصل معي .
سؤال جانبي لما تطفي السيارة هل الدركسون عندك يرتفع .وشكرا لك

السلام عليكم
اخوي ابو سعود والله كلامك صح والحل الوحيد انه يتم تكثيف فروع الصيانه كيا القطع متوفره مافي مشكله لكن نجي للشرقيه مافي صيانه كبيره الا بالدمام ورح الدمام والله ان يدوخ راسك لكن شف الي بالرياض اربع فروع ماتعوق الشغله معك
انا يوم الاربعاء اتصلت بالصيانه بالدمام واخذت موعد بحكم بعدي عن المنطقه ولا بد اخذ اجازه
المهم يوم وصلت سالت على الشخص الي تم الاتصال فيني وفعلا رحب فيني وقالي عندك موعد تفضل وفعلا قدم موتري على الناس الموجوده عشان اني حاجز
المهم قالي راح نتصل عليك قلت له تبطي عظم جالس لكم هنا وين اروح وفعلا جلست تقريبا 3 ساعات طبعا ماشاء الله والله ياجماعه فرع الصيانه بالدمام ماشاء الله عليه كبير بشكل خيالي وايضا تشوف ترتيب في عمليه السياره اولها قبل لا يركب ياخذ فره بالسياره من الخارج ويشوف في خدوش او شي ومن بعدها يحط تكيس على كرسي السايق مع ارضيه ومن ثم يدخل السياره ومن بعدها يتم فحصها انا فحصوها تشيك الاول خمس الاف وبصراحه قمه من الرعايه
ثانيا غير الزيت وشيك على الكفرات ومن بعدها البريك والخ ...
وبعدين دخلوها الكميوتر وبرمجه وغسلوها وعطروها واستلمت السياره بعد 3 ساعات بس شغل والله يستاهل
بس الجد والله زحمه لكن عادي دام على شي يستاهل عادي وانصح الاخوان الي وده يفحص لا يطب كيا الي في الحساء وربي ولا بريال بس احجزوا
وطبعا الاخ المهندس جمال الي في الصيانه انسان وربي ذوووووووووق وعنده قلب مستعد يسمع منك الى بكره مو نعيم يسكت مندوبك
والي يبي يروح فقط يتصل على الاخ جمال ويقوله انا من طرف عبدالله الدوسري وهو على طول راح يعرف وبصراحه وصيته على الاخوان هنا بالمنتدى والي يحتاج الى توصيه ابد يامر امر بس نحتاج من الاخوان دعم اكثر منهم والي يروح بس يتكلم عن سؤء الصيانه في الاحساء لان من جد يوم رحت دخلت سيارتي الحساء عشان عندي السياره تحذف جه اليمين ويوم دخلتها الدمام قالي منو الي عمل لك وزن اذرعه قلت الحساء ليه قالي ما شد على الذراع (ابوك ياشغل البنقالي)
والحمد لله استملت السياره احس رجعت لي الروح
والي يحتاج اي مساعده انا حاضر
تحياتي

بشر اخ توستر ايش صار معاك

ياجماعة عندنا وكلا مدر وشلون يبون فلوس ومايبون يتطورون
شف سوباروا كيا فلكس واجن ميتسوبيشي من اروع الشركات واقواها بس اصابتهم لعنة اسمها لعت الوكيل الدمار عجزوا يلقون وكيل يلبي احتياجاتهم
نجي للسوباروا اليمني وما ادراك ماليمني تاخذ السيارة منهم مافية قطع تقول الموتر مايشتغل يقول طبيعي كلهن كذا يبي يصرفون والله دخلت عليهم لجاسي جديدة 2006 على وقتها استعمال 3 اشهور جلدة المقص منقطعة وطقطق يقول المهندس باكستاني طبيعي مايضر اقولة المقص يتحرك من مكانة يول مافية مشكلة لييييية عشانة على الضمان ماتبي تغييرة مع العلم ان الفلبيني الي عندهم وريتة السيارة يقول لاتمشي عليها انتبة الموضوع خطير لازم يتصلح الموتر والله صلحوة بالهواش
والطامة الكبر واحد ياجماعة والله اندقشت سيارتة من الرفرف الخلفي دقشة وصلحها عندهم وبعد شهر خرب عندة منضم البخاخات والله عيوا يصلحونة على الضمان يقولون السيارة باطل ضمانها بسبب الصدمة قال السيارة من ورا مصدومة ورفرف خلفي بسيط قالوا عندنا تعليمات مانقدر والله صلحها على حسابة وماخفي اعضم
للأسف وكلااء غير متقيدين بالشروط وغير مدربين للصيانة مضحوك علينا
انا اليوم بصيانة كيا لله من الزحمة و2مهندسين استقبال بس
والله لوتقدم على الصندوق العقاري ياصلك السرا قبلهم

ياريت بعد ماتروح للصيانه تبشرنا ايش صار معاك وكم رقم الصيانه بالدمام لاني ناوي اخذ عندهم موعد الاسبوع الجاي وهل البرمجه تأخذ وقت او بسرعه .....
بالتوفيق