التماس !! الفزعه

رايق بس متضايق @user_171867 · 26-07-2009

السلام عليكم سجلت خصيصا علشان هذي المشكلة

يوجد بسيارة صوت زي الالتماس (تشتشتشتشتشرتش) شبيه بهذا

الصوت داخل المقصورة او شي قريب من المقصورة الداخلية يعني يالطبلون ياعلبة الفيوزات !!!!

يالكتاوتات

طبعا الطبلون عندي مدري وش سالفته من زمان وهو كذا اذا دقيت اشاره يسار تولع انوار الطبلون واذا لفيت يمين تولع ويرجع كلي شي طبيعي
واذا شغلت اي شي كهربائي احيانا يسوي كذا

المهم اذا طلع صوت الالتماس تولع لمبات الطبلون ووتطفي وترمش وشي يخوف !!!

اتمنى المساعدة لان الصوت يخوف وانا خارج الرياض حاليا يعني 150 كيلون برا الرياض

وابي ارجع بسياارة بس خايف :bigggrin:
والسيارة مرسيدس

أبو ماجد البشري @user_109566 · 30-07-2009

احتمال عندك خلل في مجموعت الأشارات اللي بالدركسون

مفتاح العزم @user_82675 · 30-07-2009

أنا من رأيي أن توقف السيارة الآن الآن قبل حدوث ما لا تحمد عقباه
أوقفها في مكانك الحالي و افصل أقطاب البطارية , ثم استدعِ أحد
الكهربائيين (الثقات) و ليس أقربهم إليك مكاناً , ليفحصها و لتتبع
تعليماته بدقة .

rahall @user_52502 · 30-07-2009

اتوقع ان مشكلتك من علبة الفيوزات

هناك فيوز مو مشبوك بطريقه صحيحه

يعني فيه زي الفضاوه البسيطه والتي ينتج منه هذا الصوت ويعمل حراره

ومع الحراه تشم الرائحه

للتأكد أفحص الفيوزات جميعها إذا وجدت فيوز شبه مايع من الحراره
أعرف انه السبب

وبالتوفيق

stopper @user_172164 · 30-07-2009

انا صارت لي نفس المشكلة وو لع في السيارة ضو بس الفرق بيني وبينك ان الاتماس كان في لمبات الفلشر وكانت معلقة وخليتها واحترقت علي الاسلاك العمومية وانفجرت البطارية
وكلفتني 500 ريال هذا اليوم اتعس يوم طفت علي وسط الهافمون وطفيت النار بتراب

kmn @user_4210 · 26-07-2009

والله مدري ويش اقولك لكن في هذه الضروف شغل خشمك اذا اروحت ريحة حراق على طول وقف وافصل سلك البطارية .........

التسعه شفر @user_37208 Banned · 26-07-2009

الله يعينك وانا اخوك ويحفظك وكل مسلم من كل شر
اول النصايح - دبر طفاية حريق وخلها جنبك الين توصل الرياض
ثانيا حاول انك تسافر بالنهار وحاول عدم استخدام اشارة الانعطاف يعني اذا جيت تلف طلع يدك من الدريشة وأشر
لا تشغل المكيف وحاول اذا حسيت ان الصوت علق معك واستمر فترة طويله ان تجنب الين يورح الصوت
طبعا ما راح يحلها الا كهربائي عشان كذا اتبع النصائح اعلاه لكي تعود سالما
وكفانا الله وياك شر الحوادث والحرايق
لاتنسى دعاء السفر وايضا الاكثار من تشهد وانت على الخط راجع