السلام عليكم ورحمة الله وبركاته
حبايبي حبيت اكتب مميزات وسلبيات كل من فكتوريا 2009 & شارجر 2007 بعد تجربتي لهم
نبدأ بالشارجر
شريت الشارجر من المتحد للسيارات موديل 2007 نص فل 6 سلندر
الحمدالله لم اواجه اي مشاكل فيها جلست معاي سنتين تقريبا ( 83 الف كيلو ) اغير زيت فقط
ايجابياتها :
1: شكلها جديد ورايق( شبابي)
2: التكييف ممتاز والمقصوره الداخليه مريحه والطبلون والعدادات واضحه وشكلها جميل
3: المكينه قويه ماشاءالله (6 سلندر) والسياره ثابته مريحه بالمطبات او الحفر
4: سافرت عليها مره واحده وكانت مريحه وثابته بالخط
5: النظام الصورتي ممتاز والسماعات قويه (6 سماعات)
السلبيات:
1: شكلها شبابي ( تنفع لسنه عمريه معينه) نادرا ماتحصلها مع سواقين او كبار في السن
2: قطع الغيار غاليه مقارنه بالسيارات الي من فئتها (القطع الاستهلاكيه مثل الفحمات) مع العلم لها معاي سنتين تقريبا وبعتها وانا ماغيرت الفحمات
الفكتوريا 2009
طلعت الفكتوريا من الجزيره موديل 2009 استاندر قبل 5 شهور تقريبا ( كيلو12000)
ايجابيتها
1: حجم السياره كبير وواسعه من الداخل (المقاعد الاماميه)
2: المكينه ماشاءالله قويه وصوتها هادي (بستثناء صوت المروحه)
3: وسائل الامان متطوره ( ارباقات جانبيه)
4: المراتب مريحه جدا
سلبياتها:
1: بعد الـ 120 صوت ازعاج وااضح ( العزل دماار)
2: الشكل قديم (98 <>2009)
4: النظام الصوتي والسماعات مقبوله << الشارجر السماعات اقوى
3:النور ضعيف
4: السياره خفيفه تزحف وتزلق خصوصا بالمطر (الاستاندر بدون مانع انزلاق)
5: واجهت فيها مشاكل مع البكرات وواحد من الخراطيش ورجه وتم تصليحها ع الضمان ماعادا الرجه
هذي الايجابيات والسلبيات من وجهة نظري الشخصيه
والمشاكل الي واجهتها قد لا تواجه الاخرين.
وبالنسبه لي ندمت اني بعت الشارجر وشريت فكتوريا << رأي شخصي
وسلامتكم
