احترت .. أشيروا علي ياإخوان .. أبدل سيارتي فورشتنر 2009 VX بلاندكروز.؟

اقول خل اللاند ورح خذ ارمادا ولا دينالي ارخص و أفخم

أحسن المواصفات شفتها بالباثفايندر الجديد مافيه شي إلا تلقاه موجود
بلوتوث
شاشة ملاحة
كاميره خلفية
مواصفات سلامة
مكينة جبارة
قير أوتو وعادي
شاشة دي في دي في الخلف
وش تبي بعد تلقاه موجود
بس عيبه أن الوكيل الحمراني سيء السمعة وسعره غالي

أما اللاندكروزر فما ينفع معه 6 سلندر
وهو سيارة شريطيه
أول ماتدخل السوق يجيب لك سعر وتقدر تبيعه بسهولة
هذي الميزة اللي تخليك تبدل سيارتك علشانها

وإلا خلك زي أبو جميل وأضف الإكسسوارات اللي تبي في سيارتك
ولا تنسى تحط حساسات أمامية بعد في الفورتشنر ويصير ليمتد!!!

نصيحة خلك على سيارتك وخل فلوسك في جيبك ولا خذلك ارض وبعد كم سنه بيعها وتجبلك جيب لكزس بدال ماتورط نفسك بتاجير ومن الخرابيط سيارتك مودتك جايبتك

واذا بشتري اشتري v8 ولاتاخذ v6 ابدا
تقبل مروري

الله يكون في عونك
وانا انصحك خليك عل موترك
وروح للغرابي وركب فيه شاشة ملاحة
وشاشات حلف مسند الرأس في المراتب الامامية وبعض اللمسات الخفيفة ويصير عالي العال
نصيحة وبكيفك

أنا ما أأيدك تشتري بكامل فلوسك سيارة

لأن لا سمح الله يمكن تحتاج المبلغ بالسيارة أو غيره من متطلبات الحياه.

وإذا ممسكه غلط خذ لك تأجير إدفع 100 ألف والباقي أقساط (8 سرندل فقط) لأن القوة مطلوبه بالسياره

مع إني ما أنصحك بالتأجير أبد أبد

وبالأخير الخيار لك أولا وأخيرا (((((((((ولا تنسى الإستخاره)))))

ياعزيزي اذا كنت تبي تاخذ لاند لاتاخذ سته لانه ثقيل جدا خصوصا اذا صار اوتو وانت جاي من فورتشنر يعني تبي تكره عمرك انا اقول خلك على قردك لايجيك اقرد منه .
واذا كنت ملزم وانا اخوك خذ G بحريني قير عادي بدون ونش ودفلوك لانك منت راعي بر كذا يطيح عليك السعر واجد وبنفس الوقت تكسب خفه لانك كنسلت الونش والدفلوك وقير عادي .
واذا تبي رايي استاجر قبل واحد ثم استخر ثم توكل على الله .

اتوكل على الله ان شاء الله و خذ الـ 6 سلندر
مكينته جدا عمليه و تشل وزن السياره
اعرف اكثر من 5 عندهم اياه و حمدلله ما يشتكون من اي شي
و احنا مجربينها في البر ماشاء الله تمشي السياره مشي :wink:
و الله يوفقك و تلقى السياره اللي تعجبك بالسعر اللي يعجبك :smile:

يااخواااااااااااان ..

ياحبايبي ..

والله افتر راسي من كثر الوسواس .. :blue:

رحت لابو جميل قلت باخذ 8 سلندر فل كامل ..

بعطيه 160 كاش والباقي اقساط ..

قال لازم تجيب كفيلين .. :a1120(82):

من وين اجيبهم لك ..

قال اجل خذ اجار منتهي بالتوهيق ..

مافيه كفيل ..

قلت لا ..

اولا لان الاجار ماتقدر تتصرف بالموتر ..

ثانيا سعر القسط بيكون عالي ..

المهم ..

انا انفقع مخي ..

اخذ ابو ستة سلندر ..؟

والا اخذ ابو تاجير ..؟

والا اصبر للبرادو 8 سلندر ..؟

انا منب راعي بر وال8 سلندر يمكن مااحتاجها لكن ابي موتر يجمّل ومايعض الارض بعدين ..

يقولون ان الموتر 6 سلندر فزته ثقيلة شوي ..

رجعنا للحوسة مرة ثانية .. :blue:

المشكلة ان 2010 بيكون غالي ..

علشان كذا مالي الا هذا ..

وحدي 160 وتحت ..

مااقدر ازيد عليها شيء ..

إذا ما تقدر على اللاند

بكل بساطه

VTC 4800 :xyxthumbs:

خذلك فتك سوبر سفاري

سعره تقريبا 185

وإذا ما قدرت على السوبر سفاري .. عندك سفاري 2 و بنفس المكينه و سعره اقل بكثير

ايش رايك تخربها مره واحده وتشتري LX570

381حصان تحت امرك اي وقت اذا كنت تحب القوه والفخامه

طيب والجمس والشفر
والله احسن بمليون مره من الفورتشنر واقوى من اللاند والفورتشنر

توكل على الله وخذ لاندكروزر :smile: حتى لو كان 6 سليندر خذه ولا تتردد :xyxthumbs:
لأن مكينة لاندكروزر 6 سليندر وزنها خفيف وادائها طيب . وأتوقع معلومة محرك اللاندكروزر 6 سلندر 221 حصان خاطئة اعتقد هذه قوة الجيل السابق أنما الحالي يتوفر بـ245 حصان :smile: .

القوه الحصانيه لمحرك السته سلندر في اللاندكروزر هي 240

ومحرك الثمانيه سلندر هي 278

عمما اذا تبي تاخذ لاندكروزر جديد لا تفك الا ثمانيه سلندر ولو تصبر بعد الى 2010 بينزل المحرك الجديد 8 سلندر 4600 بدل الـ 4700

اصبر وش وراك موترك جديد ماشاء الله وماععليه خلاف يصبرك الين بعد تجمع لذاك الوقت

حلو ولكن مكيف وآحد ترى !!
خذ لك جي إكس سته سلندر خليجي هدد بـ 166 آلف
ونش وفتحه ودفلوك ومكيفين وتخشيب
من اليحيى ..
الـ v8 حلو ولكن الكل يشكو من خرآباته وآكثر طقة القير اللي فيه ..
والـ v6 محرك أثبت نجاحه ..
إذآ كانك رآعي بر 24 سآعه ..
الثمآنيه أفضل ..

اليي أنا لقيته يااخوان يخليك تفكر جدياً بالتغيير ..

لقيت لاند كروزر G ليميتد مواصفاته كالتالي ..

- فتح الابواب والتشغيل بالبصمة .
- فتحة .
- دفلوك .
- ونش أمامي .
- جنوط 17 .
- كفرين اسبير .
- طبعاً أوتوماتيك .

خليجي وارد بحريني ..

وسعره جدييييييييييييد 157 ألف بس ..

على كل هالمواصفات صراحة السعر جداً معقول وبقوة ..

بس اللي خلاني اتردد هو الماكينة قياساً على حجم الهيكل ..

خصوصاً وأن الكثير من رواد المنتديات يمدحون الـV8 على الـ V6 ..

وبينهم صراحة فاااارق مادي ضخم ضخم للغاية ..

انت جربت تويوتا

خذ لك يوكن 8 سلندر ومكينه جباره والجديد القير 6 نمر ومواصفاتها واكسسواراته كلها اصليه من المصنع ما فيها تلفيق مثل ابو جميل

وسعره اقل من اللاند

لا أخوي المواصفات التي وجدتها للاندكروزر هي للموديل القديم، لا تعتمد على موقع أبو جميل فمعلوماته قديمة جداً، شوف الموقع البحريني أو الإماراتي
www.toyota.com.bh

اللاند الجديد الثمان سلندر 270 حصان، وسوف يزيد في عام 2010 إلى 310 حصان بمحرك جديد، فإذا بتاخذ ثمان سلندر أصبر إلى موديل 2010.

أما الست سلندر فهو نفس محرك الفورتشنر والبرادو تماماً، وقوته 245 حصان. والكثير ممن جربوه مدحوا أداؤه وقالو أنه أخف أداءاً من الثمان سلندر بسبب خفة وزن المحرك على ما يبدو.

اللاند بدون شك أفضل بكثير من الفورتشنر، سواء الثمان سلندر أو الست سلندر، لكن الفارق في السعر ليس بهين. فاستخر الله. وأنا لا أنصحك تغير بهذه السرعة، لأنها تؤدي إلى خسارة كبيرة في الفارق في سعر إعادة البيع.